Бу ҳақда Ташқи ишлар вазирлиги расмий вакилининг телеграм канали хабар қилади.
Бугун Ташқи ишлар вазирлигида Франция Республикасининг Европа ва ташқи ишлар вазирлиги ҳузуридаги ташқи савдо ва иқтисодий жозибадорлик бўйича вакил-вазири Франк Риестер бошчилигидаги делегация меҳмон бўлди.
Ташқи ишлар вазири Абдулазиз Камилов билан бўлиб ўтган учрашув самимий ва дўстона муҳитда ўтди. Учрашувда бўлажак турли даражадаги қўшма тадбирларга тайёргарлик кўриш билан боғлиқ масалаларга алоҳида эътибор қаратилди.
Франция томони 2022 йил кузида Париждаги Лувр музейида “Марказий Осиё улуғворлиги. Ўзбекистон карвон йўлларида” номли кўргазмани ташкиллаштиришда ҳар томонлама қўллаб-қувватлашга тайёрлигини билдирди. Чиндан ҳам, мазкур тадбир икки мамлакат маданий ҳаётида ёрқин воқеага айланиши шубҳасиз.
