Сўз эркинлиги ва масъулият

Сенат раиси Танзила Нарбаева журналист ва блогерларни Жаҳон матбуоти эркинлиги куни билан табриклади. Унда жумладан шундай дейилади:  

“Мамлакатимизда оммавий ахборот воситаларининг ва матбуотнинг жамиятдаги ўрни, инсоният дунёқарашининг кенгайишидаги роли беқиёс. Шу жиҳатдан, соҳанинг ҳуқуқий, қонунчилик базаси ҳам мукаммал шаклланди.

Дадил, тезкор ва креатив ёндашувчан кучли журналист ҳамда блогерларимизнинг медиасалоҳияти ортмоқда. Ахборотларни таҳлил қилиш, улардан тўғри фойдаланиш эса ҳар биримиздан мустақил фикр, билим ва тафаккурни талаб этади.

Ўткир қаламингиз, кучли нигоҳингиз, танқидий-таҳлилий  ёндашувингиз билан халқ манфаатларини ҳимоя қилишдан асло чарчаманг.”