- Advertisement -
Ўтган йили С.Герасимов номидаги Бутунроссия давлат кинематография институти (ВГИК)га ўқишга кирган биринчи ўзбекистонлик талабалар коронавирус пандемияси сабабли ўқув йили давомида масофавий шаклда ўқишган. Уларнинг барча харажатлари Кинематография агентлиги томонидан қопланган.
Бу йили талабалар ўқишни кундузги шаклда давом эттириш учун Москвага етиб келишди.
Талабаларни жойлаштиришда ва кундалик масалаларни ҳал қилишда ёрдам бериш учун талабалар билан бирга Республика кинофонди директори Элжон Аббосов ҳам борди.
Талабалар институт ётоқхонасига жойлаштирилди, баъзилари эса ўқишни бошлаб юборишди.
Бу ҳақда Кинематография агентлиги хабар беради.
