Ижтимоий тармоқларда Тошкентдаги хонадонларнинг бирида ёнғин бўлаётганлиги ҳақида хабар тарқалди. Фавқулодда вазиятлар вазирлигининг маълум қилинишича, кеча, 5 декабрь куни соат 20:08да Янгиҳаёт тумани Йўлдош-6 даҳаси 25-уйда ёнғин содир бўлган. 25-уй 2-қаватдан 2 та йўлак ва 12 та хонадондан иборат бўлиб, ушбу уйнинг умумий майдони 300 м.кв.ни ташкил этади.
Ёнғин натижасида унинг 80 м.кв майдони ёнғиндан шикаст кўрган.
Ҳодиса содир бўлган жойга ФВВ Ёнғин хавфсизлиги ходимлари етиб келиб ўз вақтида ёнғин ўчирилган. Ёнғин содир бўлган вақтда ушбу уйда истиқомат қилувчи 9 нафар фуқаро ўз вақтида эвакуация қилинган. Бироқ, ушбу уйнинг 11-хонадонида истиқомат қилиб келган 2 нафар фуқаронинг ҳаётдан кўз юмгани аниқланди.
Ёнғин натижасида шикаст етказилган хонадон эгалари вақтинчалик Тошкент индекс савдо мажмуасидаги ётоқхонага жойлаштирилган. Ҳозирда содир бўлган ёнғинни келиб чиқиши ва шу билан боғлиқ бошқа ҳолатларни ўрганиш борасида терговга қадар текширув ҳаракатлари олиб борилмоқда.
