Олий Мажлис депутатлари Ўзбекистон Республикасининг Маъмурий жавобгарлик тўғрисидаги кодексига ўзгартириш ва қўшимчалар киритишга қаратилган қонун лойиҳаси биринчи ўқишда кўриб чиқилмоқда.

Ушбу қонун лойиҳасида йўлларда фото ва видеорадар орқали қайд этилган йўл ҳаракати қоидалари бузилишига оид маълумотлар жарима солиш тўғрисида қарор чиқаришга ваколатли бўлган мансабдор шахсга 48 соат ичида юборилмаган бўлса, ишни кўриб чиқиш тугатиш белгилаб қўйилмоқда.

Тегишли қонун лойиҳаси депутатлар томонидан биринчи ўқишда қабул қилинди.

Мактабгача ва мактаб таълими вазирлиги ҳузуридаги Педагогик маҳорат ва халқаро баҳолаш илмий-амалий маркази томонидан битирувчи синф ўқувчилари иштирокида ўтказиладиган якуний аттестация фанлари спецификациялари ҳамда якуний давлат аттестацияси (оғзаки ва ёзма) топшириқлари ишлаб чиқилди.

Унда умумтаълим мактаблари ва алоҳида таълим эҳтиёжлари бўлган болалар учун ихтисослаштирилган мактаб ва мактаб-интернатларининг 9- ва 11-синф ўқувчиларини тегишли фанлардан якуний давлат аттестациясидан ўтказиш бўйича зарур методик тавсия ва материаллар ўрин олган.

ЎЗБЕК ТИЛИ

9-синф жисмоний тарбия

9-синф математика

9-синф Ўзбекистон тарихи

9-синф она тили ва адабиёт

9-синф математика спецификацияси

11-синф Давлат ва ҳуқуқ асослари

11-синф физика

11-синф география

11-синф инглиз тили

11-синф математика

11-синф она тили ва адабиёти

11-синф Ўзбекистон тарихи

11-синф кимё

11-синф математика спецификация

Ўзбекистон ташқи ишлар вазири Бахтиёр Саидов бугун Серра-Леоненинг мамлакатимиздаги биринчи элчиси Муҳаммад Ёнгавони қабул қилди.

«Серра-Леоне Республикасининг Ўзбекистондаги Фавқулодда ва Мухтор Элчиси этиб тайинланган Муҳаммад Ёнгаво жанобларини қутлашдан ва унинг ишонч ёрлиқларини қабул қилишдан мамнунмиз, – деб ёзди Ўзбекистон ТИВ раҳбари ўзининг telegram каналида. – Икки томонлама алоқаларимизни бойитиш учун ҳали фойдаланилмаган улкан салоҳият мавжуд. Жаноб Элчига мамлакатимиздаги фаолияти давомида барча соҳалардаги кенг имкониятларни ўрганишда муваффақиятлар тилаймиз».

Эслатиб ўтамиз, Ўзбекистон ва Серра-Леоне ўртасида 2023 йил 28 апрелда дипломатик муносабатлар ўрнатилган эди. Нью-Йорк шаҳрида Ўзбекистон ва Серра-Леоненинг БМТдаги доимий вакиллари томонидан Қўшма коммюнике имзоланди. Серра-Леоне Республикаси Ўзбекистон билан дипломатик муносабатлар ўрнатган 143-давлат бўлган эди.

MANBA: Халқ сўзи

«Толибон» ҳукумати Ўзбекистонга янги элчисини тайинлади. Бу ҳақда «Tasnim» ахборот агентлиги хабар берди. 

Қайд этилишича, Абдул Ғаффор Баҳр олдинроқ «Толибон»нинг Тошкентдаги элчиси этиб тайинланган Муғфуруллоҳ Шаҳобнинг ўрнини эгаллаган. 

«У Қандаҳордан бўлиб, «Толибон» муваққат ҳукуматининг Олий судида текширув ва тадқиқот бўлими директори бўлиб ишлаган», дейилади хабарда.

Эслатиб ўтамиз, олдинроқ Муғфуруллоҳ Шаҳоб Афғонистон муваққат ҳукуматининг Тошкентдаги элчиси вазифасига киришганди. У “Толибон” тоғ-кон вазирининг ўғли экани айтилган.

TRAST M.” МЧЖга қарашли Бўка туманида жойлашган АГТКШда табиий газни автомобилларга сиқилган газ сифатида сотишган. Бу ҳақда Бош прокуратура хабар берди. 

“TRAST M.” МЧЖга қарашли Бўка туманида жойлашган АГТКШда электрон газни ҳисобга олиш ускуналарига ташқи таъсир кўрсатиш орқали, ҳисоблагичларнинг электрон хотира маълумотлари йўқотишга эришиб, табиий газни автомобилларга сиқилган газ сифатида сотиши оқибатида 28.02.2024 йилдан 28.03.2024 йилга қадар 30 кун давомида 1 млрд. 809,3 млн. сўмлик 1.275.120 метр куб табиий газдан ноқонуний фойдаланилганлиги аниқланган. 

Мазкур ҳолат юзасидан “TRAST M.” МЧЖ раҳбарига нисбатан Жиноят кодексининг 169-моддаси билан жиноят иши қўзғатилди

2024 йил 1 апрель ҳолатига кўра, Ўзбекистоннинг доимий аҳолиси қарийб 37 млн кишини ташкил этган. Бу кўрсаткич 2023 йилнинг шу даври билан солиштирилганда 2,1 % га кўпайган. Бу ҳақда Статистика агентлиги маълум қилди. 

Ҳудудлар кесимида доимий аҳоли сонининг ўсиши:

Қорақалпоғистон Р. – 1,4 %

Андижон вилояти – 2,1 %

Бухоро вилояти – 1,7 %

Жиззах вилояти – 2,1 %

Қашқадарё вилояти – 2,2 %

Навоий вилояти – 1,8 %

Наманган вилояти – 2,2 %

Самарқанд вилояти – 2,2 % 

Сурхондарё вилояти – 2,5 %

Сирдарё вилояти – 1,9 %

Тошкент вилояти – 1,9 %

Фарғона вилояти – 2,1 %

Хоразм вилояти – 1,9 %

Тошкент шаҳри – 2,7 %  га тўғри келмоқда. 

Жорий йилнинг 23-30 апрель кунлари кутилаётган ёғингарчилик ҳамда ҳаво ҳароратининг ўзгаришлари сабабли республиканинг айрим ҳудудларида қор кўчиш хавфи эълон қилинди. Бу ҳақда Ўзгидромет хабар берди.

Қор кўчиш хавфи Ўзбекистоннинг тоғли ҳудудларида денгиз сатҳидан 2000 м баландликда, жумладан:

• Тошкент вилояти: Бўстонлиқ, Паркент, Оҳангарон туманлари (Чотқол тизмаси тоғлари);

• Наманган вилояти: Поп туманида эълон қилинди.

Тоғли ҳудудларда истиқомат қилувчи фуқаролар, дам олувчилар ҳамда тоғли ҳудудларда ҳаракатланувчи ҳайдовчилардан эҳтиёткорлик чораларини кўриш сўралган.

Россияда тиббий туризм сезиларли даражада ривожланмоқда. Агар 2017-йилда Россия Федерациясида 300 минг чет эллик даволанган бўлса, 2022-йилда — 1,2 миллиондан ортиқ беморларнинг катта қисми Ислом ҳамкорлик ташкилоти (ИҲТ) мамлакатларидан.

Фуқаролари Россия Федерацияси ҳудудида тиббий хизматларга катта қизиқиш билдирадиган ИКТнинг энг яхши 5 мамлакати Озарбайжон, Қозоғистон, Ўзбекистон, Тожикистон ва Қирғизистондир. Тиббий сайёҳлар учун энг машҳур жойлар ва профиллар CСС-уп, трансплантация, стоматология, онкология, офталмология, нейрохирургия ва жарроҳлик, шу жумладан юрак-қон томир, Оториноларингология, акушерлик ва гинекология, урология, травматология ва ортопедия.

Бундай маълумотлар 2023-йилда «Россия – Ислом дунёси: КазанФорум» халқаро форумида эълон қилинган. Россия соғлиқни сақлаш вазири Михаил Мурашконинг сўзларига кўра, Россияда, шу жумладан Араб мамлакатларидаги хорижий беморлар орасида офталмология бўйича ёрдам энг кўп талаб қилинади.

Мутахассисларнинг фикрига кўра, беморлар сонининг кўпайиши Россияда 2019-йилдан бери «Тиббий хизматлар экспортини ривожлантириш» федерал лойиҳаси билан боғлиқ. Таъкидланишича, мамлакатда ҳалол тиббий туризм аллақачон пайдо бўлган ва ривожланмоқда. Бу, одатда, диний саёҳат пайтида даволанишга мурожаат қилган мусулмон сайёҳлар учун қўшимча пакетдир.

Ҳалол стандартлари бўйича сертификатланган санаторийлар Россияда соғлиғини яхшилашлари мумкин. Татаристон Республикасида Ислом мамлакатларидан меҳмонларни қабул қилиш учун санаторийларни ихтиёрий сертификатлаш билан «ҳалол туризм» минтақавий дастури мавжуд. Федерал даражада Роскачество маркази ташкил этилган ва аккредитациядан ўтган. Ҳалол», бу бутун мамлакат бўйлаб санаторийларни баҳолаши ва сертификатлаши мумкин.

Роскачество ҳалол сертификати Форс кўрфази мамлакатлари, Ислом ҳамкорлик Ташкилотининг бир қатор давлатлари, шунингдек божхона Иттифоқи мамлакатларида амал қилади.
Беморларга Россияда саёҳат қилишнинг афзалликлари қаторига қуйидагилар киради: ривожланган юқори технологияли тиббий ёрдам, юқори сифат стандартлари, халқаро тажрибага эга бўлган юқори тоифадаги шифокорларнинг мавжудлиги ва малакали умумий тиббиёт ходимлари, тиббий хизматларнинг арзонлиги ва тегишли харажатлар (турар жой, овқатланиш, транспорт), шахсийлаштириш. даволашда ва реабилитация терапиясини амалга ошириш имконияти, ва шунингдек, ҳудудий яқинлик (бир қатор ИҲТ давлатлари Россия федерацияси билан чегарадош).

2024-йилда тиббий туризм мавзуси, ташкилотчиларнинг фикрига кўра, 2024-йил май ойида Татаристоннинг Қозон шаҳрида бўлиб ўтадиган «Россия – Ислом дунёси: КазанФорум» халқаро форумида алоҳида кўтарилади. Соҳанинг халқаро экспертлари Россияда тиббий туризмни ривожлантириш ва ИҲТ, Ислом дунёси мамлакатларидан келган беморлар учун янги имкониятлар, шунингдек, тиббий ҳалол хизматлар кўрсатиш масалаларини муҳокама қиладилар.

Мухбирлар ва ОАВ раҳбарларини «Россия – Ислом дунёси: КазанФорум» халқаро форуми дастурида ва оммавий ахборот воситалари учун махсус тадбирларда иштирок этишга таклиф қиламиз. Сизни КазанФорум-2024 да кўришдан хурсанд бўламиз!
Аккредитациядан ўтинг:

https://reg.kazanforum.ru/en/registration/media (Eng)

https://reg.kazanforum.ru/ru/registration/media (Rus)

Маълумот:

«Россия – Ислом дунёси: КазанФорум» халқаро иқтисодий форуми Россия ва Ислом дунёси мамлакатлари ўртасидаги ишбилармонлик алоқаларининг асосий майдончасидир. Форумнинг мақсади Россия федерацияси минтақалари ва 57 давлатни ўз ичига олган Ислом ҳамкорлик ташкилоти мамлакатларининг савдо-иқтисодий, илмий-техник, таълим, ижтимоий ва маданий алоқаларини мустаҳкамлашдир.

«Россия – Ислом дунёси: КазанФорум» ХВ халқаро иқтисодий форуми 2024 йил 14-19 май кунлари бўлиб ўтади. Ўтказиладиган жой: Россия Федерацияси, Татаристон Республикаси, Қозон.

Казанфорумнинг асосий мавзулари: Ислом молия, ҳалол саноат, халқаро инвестициялар, саноат, инновацион технологиялар, энергетика, логистика, туризм, дипломатия, ЭСГ тамойиллари, кичик ва ўрта бизнес, тиббиёт, спорт, медиа саноати ва бошқалар.

Анъанага кўра, Форумнинг муҳим воқеаси Россиядаги иқтисодий ва илмий – технологик ҳамкорликнинг энг йирик кўргазмаси бўлган Россия ҳалол кўргазмаси бўлади. Шунингдек, Россиядаги энг йирик халқаро ҳалол саноат ярмаркаси Россия ҳалол бозори, бу эрда Форум меҳмонлари қизиққан маҳсулотларни сотиб олишлари мумкин.

КазанФорум-2024-да Форумнинг расмий веб-сайтида рўйхатдан ўтиш: : www.kazanforum.ru. сизни KazanForum-2024da кўришдан хурсанд бўламиз!

 Бу ҳақда Хоразм вилояти прократураси хабар берди.

Жорий йилнинг 17 апрель куни содир бўлган. Урганч шаҳрининг «Ҳамжиҳатлик» маҳалласида яшовчи 1986 йилда туғилган аёл ўзига олдиндан таниш бўлган 1975 йилда туғилган аёлни қўнғироқ орқали уйига таклиф қилган. Уйда улар ўртасидаги пул олдиси сабаб низо келиб чиққан. Натижада, мезбон аёл меҳмон аёлни рўмол билан бўйнидан бўғиб ўлдирган. 

У марҳуманинг мурдасини уйининг ҳовлисига чуқур кавлаб, кўмиб юборган.

Айни вақтда гумонланувчи аёл қўлга олинган.

Ҳодиса юзасидан дастлабки тергов ҳаракатлари олиб борилмоқда.

Макроиқтисодий ва ҳудудий тадқиқотлар институти мутахассислари 2024-йилнинг март ойида Тошкент шаҳрида уй-жойлар учун таклиф этилган ижара нархларини таҳлил қилди.

Тошкент шаҳрида ижара нархлари пасайишда давом этмоқда. 2024-йилнинг март ойида пойтахтда ўртача таъмирланган хонадонларнинг ижара нархларида февраль ойидагига нисбатан ўртача 0.61фоиз, тўлиқ таъмирланган уй-жойларнинг ижара нархларида эса ўртача 0.76 фоиз тушиш кузатилди.

Ўртача таъмирланган уй-жой ижараси. 2024-йилнинг март ойида ўртатача таъмирланган 1 хонали хонадонлар учун таклиф этилган ижара нархлари ўтганнинг февраль ойидагига нисбатан ўртача 0,6 фоиз пасайиб, 391 АҚШ долларини ташкил этган бўлса, 2 хонали хонадонлар учун ижара нархлари 1.2 фоиз арзонлаб, ўртача 436 долларгача пасайди. Шунингдек, ўртача таъмирланган 3 ва 4 хонали уйлар учун ижара нархлари мос равишда 0.2 фоиз ва 0.4 фоизга пасайиб, ўртача нархлар 513 доллар ва 591 долларни ташкил этди.

Ўртача таъмирланган уйлар учун нисбатан арзон ижара нархлари Сергели (1 хонали — 354 доллар, 2 хонали — 386 доллар ,3 хонали — 435 доллар, 4 хонали — 441 доллар), Олмазор (1 хонали — 359 доллар, 2 хонали — 414 доллар, 3 хонали — 454 доллар, 4 хонали — 489 доллар) туманларида таклиф этилган бўлса, ушбу туркумдаги энг қиммат ижара нархлари Миробод (1 хонали — 463 доллар, 2 хонали — 518 доллар, 3 хонали — 620 доллар, 4 хонали — 819 доллар) ва Шайҳонтоҳур (1 хонали — 437 доллар, 2 хонали — 456, 3 доллар хонали — 537 доллар, 4 хонали — 624 доллар) туманларида кузатилди.

Тўлиқ таъмирланган уйлар учун ижара нархлари. Март ойида тўлиқ таъмирланган 1 хонали уйлар учун ўртача ижара нархлари 472 долларни ташкил этган. Бу ўтган йилнинг февраль ойидагига нисбатан 0,8 фоиз паст. Бу кўрсаткичлар 2 хонали уйлар учун мос равишда 644 доллар ва 1,1 фоизни ташкил этган. Шунингдек, 3 хонали уйлар учун таклиф этилган ўртача ижара нархларида (788 доллар) ҳам бироз (0,3 фоиз) тушиш кузатилди. Шунингдек, т таъмирланган 4 хонали уйлар учун ўртача ижара нархлари ҳам 0.9 фоиз тушиб, 909 долларгача пасайган.

Тўлиқ таъмирланган уйлар учун энг арзон ижара нархлари Сергели (1 хонали — 394 доллар, 2 хонали — 449 доллар, 3 хонали — 556, доллар 4 хонали — 646 доллар) ва Учтепа (1 хонали — 396 доллар, 2 хонали — 496 доллар, 3 хонали — 622 доллар, 4 хонали — 646 доллар) туманларида, энг қиммат ижара нархлари Миробод (1 хонали — 567 доллар, 2 хонали — 844доллар, 3 хонали — 1024 доллар, 4 хонали — 1097 доллар) ва Шайхонтоҳур (1 хонали — 556 доллар, 2 хонали — 845 доллар, 3 хонали — 1050 доллар, 4 хонали — 1024 доллар) туманларида кузатилди.

Ижара нархлари тўғрисидаги маълумотлар olx.uz (https://www.olx.uz/) платформасидан веб скрепинг (web scraping) усулида тўпланди. Бунда 2024-йил февраль ойи учун 51,5 минг ва март ойи чун 52,2 мингта маълумотлардан фойдаланилди. Иккала давр учун ҳам таҳлил нархлар чегарасининг юқори ва пастки 5 фоизлик квантиллари чиқариб ташлангандан кейин амалга оширилган.

Тадбир арафасида, 20-апрел куни, Ўзбекистон Енгил атлетика федерацияси ҳудудида Кидс рун оммавий югуриш мусобақалари, Шимолий юриш ва ногиронлиги бўлган иштирокчилар учун оммавий югуриш мусобақаси бўлиб ўтиб, уларда 300 дан зиёд иштирокчи қатнашди.

Марафон ташкилотчилари сифатида Тошкент шаҳар ҳокимлиги, Ўзбекистон Республикаси Спорт вазирлиги, Олий таълим, фан ва инновациялар вазирлиги, “Ўзбекнефтгаз” АЖ, Миллий олимпия қўмитаси, Ўзбекистон Мудофаа вазирлиги, Ички ишлар вазирлиги, Ёшлар ишлари агентлиги, Касаба уюшмалари федерацияси, Фавқулодда вазиятлар вазирлиги, ҳамда Ўзбекистон Енгил атлетика федерацияси иштирок этди.

Ўзбекистон Республикаси енгил атлетика Федерацияси Марказий Осиё енгил атлетика ассоциацияси билан биргаликда спорт тадбирининг координатори сифатида олтинчи маротаба иштирок этди.

Тадбирни спорт вазири Адҳам Икромов очар экан, Тошкент марафони 2019-йилдан буён спортни ҳаётининг ажралмас қисмига айлантирган кўплаб югурувчилар учун бошланғич нуқтага айланганини та’кидлаб ўтди. Марафон иштирокчилари йилдан-йилга стартдан финишгача йўлларини давом эттириб, югуриш тажрибасини кенгайтириб бормоқда ва натижаларини яхшиламоқда.

Шубҳасиз, Тошкент марафони баҳор фаслида ўтказиладиган энг гўзал ва манзарали шаҳар тадбирларидан бири номига сазовордир. Ушбу омилларнинг барчаси нафақат Ўзбекистонда, балки унинг ортида, қўшни давлатларда ҳам югуришни оммалаштиришга хизмат қилмоқда.

Ўзбекистон Республикаси Президенти ҳузуридаги Хавфсизлик Кенгаши котиби Виктор Маҳмудов ва БЙД Марказий Осиё бош директори ўринбосари, БЙД Фаcторй Директорлар кенгаши а’зоси Иван Тсао ҳам марафон иштирокчиларига табрик сўзлари билан мурожаат қилишди.
Марафон Wорлд Атҳлетиcс спорт тадбирлари тақвимига кириб, Wорлд Атҳлетиcс Лабел расмий мақомига эга.

Тошкент халқаро марафон трассаси Халқаро марафонлар ва оммавий югуриш мусобақалари ассоциацияси (АИМС) томонидан сертификатланган. Тадбир арафасида Тошкентга Жанубий Африкадан техник делегат Норри Виллиамсон нуфузли югуриш мусобақасининг халқаро талабларга мувофиқ равишда ташкил этилганлиги ва ўтказилишини баҳолаш учун ташриф буюрди. Марафонда шунингдек антидопинг назоратини амалга ошириш мақсадида халқаро допинг-офицерлар ҳам иштирок этди.

Спорт тадбирининг мақоми ва нуфузи йилдан йилга тобора ортиб бормоқда. Тошкент марафонида иштирок этиш учун тобора кўпроқ нуфузли спортчилар ариза топширмоқда. Бу сафар стартнинг биринчи линиясига халқаро ва ярим марафонларининг ғолиблари чиқди: Екатерина Тунгускова, Иля Тяпкин, Ханна Ковалёва, Ринас Ахмадеев, Андрей Петров, Мария Коробицкая, Марина Хмелевская, Катерина Василченко, Шоҳрух Давлатов ва бошқалар. Ёш спортчилар 720 млн сўм миқдоридаги рекордли мукофот фонди учун кураш олиб борди.

Мутлақ тоифадаги эркаклар ва аёллар орасида марафон истирокчилари учун қуйидаги пул мукофотлари кўзда тутилган: 1-ўрин учун – 60 млн сўм, 2-ўрин учун – 40 млн сўм, 3-ўрин учун – 30 млн сўм, 4-ўрин учун – 20 млн сўм, 5-ўрин учун – 16 млн сўм, 6-ўрин учун – 10 млн сўм. Ярим марафон ғолиблари 1-ўрин учун – 35 млн сўм, 2-ўрин учун – 25 млн сўм, 3-ўрин учун – 20 млн сўм, 4-ўрин учун – 16 млн сўм, 5-ўрин учун – 12 млн сўм, ВИ ўрин – 8 млн сўм билан тақдирланади. 10 км масофага оммавий югуриш мусобақаси ғолиблари 1-ўрин учун 9 млн сўм, 2-ўрин учун 6 млн сўм, 3-ўрин учун 3 млн сўм пул мукофоти билан тақдирланди. 3 км масофага оммавий югуриш мусобақаси ғолибларига қимматбаҳо совғалар топширилди.

Марафон ташкилотчилари илк маротаба трасса рекорди учун бош мукофотга қўшимча сифатида пул мукофотларини ҳам ажратдилар. 6-БЙД Ташкент халқаро марафонида марафон ва ярим марафон масофаларидаги рекордлар янгиланди. Эркаклар ўртасидаги марафон масофасида 2:18:39 натижа билан трассадаги янги рекорди билан беларуслик спортчи Владислав Примов ғолиб бўлди.

Владиславнинг натижаси Бахтиёр Ўткировнинг аввалги рекордидан 1:34 тезроқ бўлди. Эркаклар ўртасидаги ярим марафонда россиялик спортчи Ринас Ахмадеев биринчи бўлиб маррага етиб келди. У 1:03:22 натижа кўрсатди ва Шоҳрух Давлатовнинг ўтган йилги натижасини 19 сонияга яхшилади.

6-Тошкент халқаро марафонининг титул ҳамкори БЙД давом этаётган ярим марафон ва марафон бўйича Ўзбекистон чемпионати доирасида Ўзбекистоннинг энг яхши спортчилари Шохрух Давлатов ва Екатерина Тунгусковани тақдирлаш учун иккита энг янги бесцеллер – СОНГ ПРО ДМ-и ЧАМПИОНни тақдим этди. Компаниянинг таъкидлашича, ҳақиқий муваффақият нафақат савдо кўрсаткичлари ва бозор улуши, балки асосий қадриятлар билан ҳам белгиланади. Тадбирга ҳомийлик қилиш унинг барқарор ривожланишга содиқлигини намойиш қилади ва Ўзбекистоннинг маҳаллий автомобил саноатига салмоқли ҳисса қўшиш мақсадида спорт ва унинг гуманитар мақсадларини ҳар томонлама қўллаб-қувватлашга тайёрлигини билдиради.

Ташкилотчилар жорий йилда ҳамкор ташкилотларни ҳам марафон иштирокчиси, ҳам ҳомий сифатида жалб этиш бўйича катта ишлар амалга оширилганини та’кидладилар. Бу йилги марафоннинг ҳамкорлари Ҳаят тиббиёт маркази, сут маҳсулотлари ишлаб чиқарувчиси Каллеҳ ва РГ Брандс компаниясининг ASU ичимлик суви ишлаб чиқарувчи савдо белгиси ва саломатлик, спорт ва гўзаллик учун инновацион маҳсулотлар ишлаб чиқарувчиси Сибериан Wеллнесс бўлди. Энг йирик тез хизмат кўрсатиш ресторанлари тармоғи ЭВОС марафон куни 200 дан ортиқ кўнгиллиларни озиқ-овқат билан та’минлади. Шунингдек, Ўзбекистоннинг 70 дан ортиқ йирик корхона ва ташкилотлари мазкур спорт тадбирига корпоратив жамоа сифатида қўшилди.

Марафон бошланиши арафасида Енгил атлетика федерацияси раҳбарияти томонидан навбатдаги Тошкент халқаро марафонининг санасини ма’лум қилиниб, у 2025-йил 13-апрелда бўлиб ўтади.

6-Toshkent xalqaro marafoni g‘oliblari quyidagilar:

Marafon masofasi — 42 km, ayollar oʻrtasida:

1. Yekaterina Tunguskova (O‘zbekiston) – 2:40:58

2. Shohsanam Xurramova (O‘zbekiston) – 2:44:30

3. Yekaterina Tolstix (Rossiya) – 2:49:30

4. Yekaterina Vasilchenko (Ukraina) – 2:52:58

5.Olga Serdyukova (Qozog‘iston) – 2:56:07

6. Gulnur Yelemesova (Qozog‘iston) – 3:10:25

Marafon masofasi — 42 km, erkaklar oʻrtasida:

1.Vladislav Primov (Belarus) – 2:18:39

2. Baxtiyor O’tkirov (O’zbekiston) — 2:23:29

3. Ilya Tyapkin (Qirg’iziston) – 2:24:53

4. Zikrillo Mamatqulov (O‘zbekiston) -2:32:11

5. Bekzod Boymatov (O‘zbekiston) – 2:44:30

6. Shahboz Tursunov (O‘zbekiston) – 2:48:42

Yarim marafon masofasi – 21 km, ayollar o‘rtasida:

1.Mariya Korobitskaya (Qozog’iston) — 1:12:53

2. Xalil qizi Aynuska (Qirg‘iziston) – 1:15:26

3. Moxinabonu Komilova (O‘zbekiston) – 1:23:04

4. Arafatxon Imomalieva (O’zbekiston) -1:26:45

5. Oydina Ikromova (O‘zbekiston) -1:32:33

6. Diana Yafasova (O‘zbekiston) – 1:39:03

Yarim marafon masofasi – 21 km, erkaklar oʻrtasida:

1. Rinas Axmadeev (Rossiya) — 1:03:22

2. Shohrux Davlatov (O‘zbekiston) – 1:04:22

3. Evgeniy Fadeev (O’zbekiston) — 1:06:47

4.Nodirbek Mutalipov (O‘zbekiston) -1:08:27

5. Tilekjan Jekshenali uulu (Qirg’iziston) – 1:08:38

6. Suyunbek Kubanov (Qirg’iziston) – 1:09:22

Ayollar oʻrtasida 10 km masofada:

1. Azizaxon Mirzakbarova (O‘zbekiston) – 38:49

2. Daria Antropova (O‘zbekiston) – 38:50

3. Anastasiya Silchenkova (O‘zbekiston) – 39:46

Erkaklar oʻrtasida 10 km masofada:

1. Hasan Mirsoatov (O‘zbekiston) – 33:32

2. Aleksandr Salahutdinov (Qirg’iziston) – 33:36

3. Rahimjon Kelmanov (Qozog’iston) – 33:52

3 kilometr erkaklar

1.Eldor Botirov – 8:05

2.Viktor Tsurenko – 8:21

3.Diyorbek Ahmedov – 8:24

3 kilometr ayollar

1. Marjona Oqqo’zieva – 9:16

2. Xayotxon Abdumannopova – 9:36

3. Mixizarbegim Avazjonova – 10:44

«Ўзгидромет» Ўзбекистон ҳудудлари бўйлаб 22-26 апрель кунлари кузатиладиган об-ҳаво прогнозини эълон қилди.

Эртага – 23 апрелда куннинг иккинчи ярмида фақат Тошкент вилоятида ва Фарғона водийси вилоятларида момақалдироқ билан қисқа муддатли ёмғир ёғиши мумкин.

24 апрелда Ўзбекистон ҳудудининг катта қисмида ёғингарчилик кутилмайди.

25-26 апрель кунлари республиканинг марказий ва шарқий ҳудудларида қисқа муддатли ёмғир ёғади, момақалдироқ бўлади.

Ушбу кунларда ҳарорат фони деярли ўзгармайди. Ҳарорат асосан кечалари 13-18о, кундуз кунлари 24-29о бўлади.

22-26 апрелда тоғ олди ва тоғли ҳудудларда вақти-вақти билан қисқа муддатли ёмғир ёғади, момақалдироқ бўлади.

24-25 апрелда шимолда ва чўл ҳудудларда баъзи жойларда шамол тезлиги 15-20 м/с гача кучаяди, айрим жойларда чанг-тўзонлар билан кузатилади.

22 апрелда ҳарорат кўтарилиши ҳисобига баланд тоғларда қор кўчиши хавфи сақланиб туради.

22-23 апрелда тоғ олди ва тоғли ҳудудларда сел-сув тошқин ҳодисалари юзага келиши мумкин.

Пойтахтда: ҳаво ўзгариб туради, 22-23 апрель ва 25 апрелда вақти-вақти билан қисқа муддатли ёмғир ёғади, момақалдироқ бўлиши мумкин.  24 апрелда ёғингарчилик кутилмайди. Шамол шарқдан 5-10 м/с тезликда эсади. Ҳарорат асосан кечалари 14-17о, кундуз кунлари 23-28о бўлади.

Ўзбекистон Республикаси Президентининг 2023 йил 11 мартдаги ПҚ-91-сон Қарорига асосан, Миробод тумани истеъмолчиларининг электр таъминотини яхшилаш мақсадида, «Юксак» ва «Қўқон» подстансияси оралиғидаги 110 кВли кабел тармоғини янгилаш ишлари олиб борилмоқда.

Шу мунсабати билан, Миробод туманидаги Авлиё ота кўчаси ҳамда ушбу кўчанинг Нукус ва КҲАЙ кўчалари билан кесишмалари 22 апрелдан бошлаб 10 кун муддатга ёпилади. Бу ҳақида Йўл ҳаракати хавфсизлиги хизмати хабар бермоқда.

Ҳайдовчиларга шу вақт оралиғида айланма йўллардан фойдаланиш тавсия қилинмоқда.

Ўзбекистон Республикаси Президенти Шавкат Мирзиёев 2024 йил 22 апрелдан қисқа муддатли меҳнат таътилига чиқди. Бу ҳақда президент матбуот котиби Шерзод Асадов хабар берди.

Бундан олдин 2023 йил 4 декабр куни қисқа муддатли меҳнат таътилига чиққанди.

Ўзбекистоннинг доимий аҳолиси сони 37 миллионга етди. Бу ҳақида Статистика агентлиги хабар берди.

22 апрель куни соат 03:24 ҳолатига кўра, республиканинг доимий аҳолиси сони 37 миллион кишини ташкил этди. Қайд этилишича, эркаклар сони 18,5 миллион, аёллар сони эса 18,3 миллионни ташкил этмоқда.

Тадбиркорларни қўллаб-қувватлаш орқали янги иш ўринлари яратиш давлатимиз раҳбарининг қатъий топшириғи ва бугунги куннинг ўткир талабидир. Президент Халқ қабулхонаси айни шу топшириқ ижроси бўйича ўзига бириктирилган Жиззах вилояти туманларида иш олиб бориб, қисқа муддатда мурожаатчилар бандлиги таъминланмоқда.

Хусусан, Президент Халқ қабулхонаси ҳисобидан Бахмал туманида истиқомат қилувчи 80 нафар хотин-қизга тикув машиналари ва пишириқ пишириш печлари олиб берилди. Бу эса Президент виртуал қабулхонасига асосан моддий ёрдам масаласида мурожаат қилган шу аёлларнинг ишлаб даромад топиши, бири икки, рўзғори бут бўлиши учун яна бир қўшимча имкониятдир.

Тикув машинали бўлган 75 нафар аёллар бахмаллик 22 тадбиркор билан кичик кооперациялар ташкил қилиб, иш бошлади. 22 тадбиркорнинг барчаси тикувчилик соҳасида бой тажрибага, етарлича салоҳият-у барқарор иш ҳажмига, энг муҳими ўз бозорига эга.

Зулайҳо Йўлдошева тўрт йилдан бери Бахмалнинг Наврўз қишлоғидан Тошкент бозорларига кийим-кечак етказиб беради. Буюртмаси кундан кун кўпайиб бораётган бу оилавий корхона билан шу қишлоқлик яна 9 нафар тикувчи кооперация ташкил қилгач, цехнинг ишчилари сони 22 нафарга етди.

Худди шундай камида беш йиллик тажрибага эга бахмаллик Марҳабо Назарова ва Меҳринисо Раҳмонова каби ёш тадбиркорлар ҳам 3-4 нафардан янги чеварларни ёнига олиб, фаолиятини янада кенгайтирди. Уларнинг айтишича, ишлаган чевар Бахмалнинг шу чекка қишлоғида туриб ҳам ойига 3-4 миллион сўм бемалол даромад қила олади.

Президент Халқ қабулхонасининг аҳоли қўшимча даромад қилиши учун шароит-у имконият яратишга оид навбатдаги лойиҳаси локацияси бизни икки карра оғир чўл ҳудуд бўлмиш Арнасойга етаклади. Мақсад – оқар сув тақчил маҳалда томорқалардаги экинларни сақлаб қолиш учун сизот сувларидан фойдаланишни ташкил қилишдан иборат. Бунинг учун тез орада оғир шароитдаги 500 та хонадон томорқасида ички имкониятлар ҳисобидан қудуқ қазилади. Ичишга яроқсиз бу сизот сувларига маҳаллий ўғит аралаштирилиб, асосан ёз чилласида экинларни суғориш мумкин. “Чинобод” маҳалласида яшовчи Ўлмасжон Худойбердиев бир неча йилдирки шу усулдан фойдаланиб, даромад қилади.

Туман секторлари раҳбарлари бу борада яна бир ташаббус билан чиқишди: “Зарафшон” маҳалласида тажриба тариқасида ички имкониятлар ҳисобилан томорқаларга 7 тонналик резервуарлар ўрнатиляпти. Агар бу тажриба амалда ўзини оқласа, кейинги босқичда арнасойлик яна 150 та хонадон ўз томорқасида захира суғориш механизмига эга бўлади.

“Ғафур Ғулом” маҳалласида яшовчи Олим Шомилов ўтган йил декабрда кредит олиб, Арнасойда биринчи бўлиб томорқасида кичик гидропоника қурди. Томчилатиб суғориш орқали қулупнай етиштирди. Даромад яхши бўлганини кўрган қўни-қўшнилар ҳам бунга қизиқиб бошлади.

Буларнинг барчаси қишлоқ аҳолисига оёғи остидаги хазина калитини топиб беришга хизмат қилади. Томорқасидан унумли фойдаланиб, қўшимча даромад топадиган инсон эса ҳеч қачон камбағал бўлмайди.

21 апрель куни Тошкент вилояти Бўстонлиқтуманида Treilblezer йўл-транспорт ҳодисасига учради.

Ҳолат соат 17:00 ларда Бўстонлиқ тумани Сижжакқишлоғи яқинида юз берган. Тоғли ҳудуднинг автомобиль учун мўлжалланмаган қисмида ҳаракатланиб кетаётган ҳайдовчи Treilblezer русумли транспорт воситасида ўзининг эҳтиётсизлиги ва йўлни торлигини инобатга олмаганлиги сабабли ағдарилиб кетган. 

Натижада ҳайдовчи туман марказий шифохонасига олиб борилиб, биринчи тез тиббий ёрдам кўрсатилган.

Ҳозирда ҳолат юзасидан Бўстонлиқ тумани ИИБ ЙҲХБ томонидан суриштирув ишлари олиб борилмоқда.

Озарбайжоннинг қадимий шаҳарларидан бири — Ганжада Ўзбекистоннинг ушбу мамлакатдаги биринчи фахрий консулхонасининг расмий очилиш маросими бўлиб ўтди. Бу ҳақда «Дунё» АА хабар қилмоқда. 

Ўзбекистон фахрий консулхонасининг расмий очилиш маросими Ганжа шаҳар ижро ҳокимияти бошлиғи Ниязи Байрамов, Ганжа шаҳридаги Туркия ва Грузия Бош консулхоналари раҳбарлари, ишбилармон доира вакиллари, илм-фан намояндалари, фаол ватандошлар ва маҳаллий оммавий ахборот воситалари ходимлари иштирокида бўлиб ўтди.

Тантанали тадбирда сўзга чиққанлар ушбу воқеа қардош мамлакатларимиз ва халқларимиз ўртасидаги ўзаро манфаатли ҳамда шерикчилик муносабатларини янада кенгайтириш ва чуқурлаштириш учун ажойиб имконият яратишини таъкидладилар. Шунингдек, Ганжада Ўзбекистон фахрий консулхонасининг очилиши икки қардош мамлакат солномаларида тарихий воқеа сифатида қайд этилиши айтиб ўтилди.  

Ўзбекистоннинг Озарбайжондаги биринчи фахрий консули этиб Кянан Жалилов тайинланди.

Фахрий консулхонаси ўз округи доирасида мамлакатимиз фуқароларининг ҳуқуқ ва манфаатларини ҳимоя қилиш, иқтисодий ҳамкорликни ривожлантириш, юртимизга инвестиция ва сайёҳларни жалб этиш, маданий-гуманитар алоқаларни ривожлантиришга кўмаклашади.

Расмий очилиш маросимидан сўнг элчихона ходимлари томонидан ушбу шаҳарда истиқомат қилаётган ватандошлар учун сайёр қабул ташкил этилди.

Жорий йилнинг 19 апрель куни Қашқадарё вилоятининг Шаҳрисабз шаҳрида мактаб ўқувчисининг ўлими билан боғлиқ ЙТҲ содир бўлди. Бу ҳақда вилоят Мактабгача ва мактаб таълими бошқармаси хабар бермоқда.

Маълум қилинишича, шаҳардаги 11-мактабнинг 1-“Б” синф ўқувчиси О.И. жорий йил 19 апрель куни мактабга келган ҳамда дарсларга тўлиқ қатнашган.

Соат 12:35 атрофида ўқувчи уйи ёнидаги пиёдалар ўтиш йўлагидан ўтаётганда, юқори тезликда келаётган Damas автомашинаси ҳайдовчиси ўқувчини уриб юборган.

Ўқувчи зудлик билан Шаҳрисабз шаҳар шошилинч тез тиббий ёрдам бўлимига олиб борилган. Бироқ кўрсатилган тез тиббий ёрдамларга қарамасдан ўқувчи вафот этган.

Ҳозирда ҳолат юзасидан Жиноят кодексининг 266-моддаси 2-қисми билан жиноят иши қўзғатилган. Ҳайдовчи қамоққа олинган.