Қонунчилик таҳлил қилинганида ОТМга кириш учун 20 дан ортиқ тоифадаги абитуриентлар учун турли кўринишдаги имтиёзлар мавжудлиги аниқланди. Уларнинг орасида қўшиқчидан ҳарбийгача тоифалар мавжуд.

1. Ҳарбий хизматчиларнинг фарзандлари
Бунда тавсиянома икки кўринишда берилади:
1) ҳарбий ва илмий фаолиятида маълум натижаларга эришган офицерлар, сержантлар ва контракт бўйича ҳарбий хизматчилар ва Миллий гвардия ходимлари фарзандларига – бунда тавсиянома алоҳида 5 фоизли квота асосида танловда қатнашиш учун берилади.
2) ҳарбий мажбуриятни бажаришда ҳалок бўлган ёки ярадор бўлиши, контузия, шикастланиш ёки касалликлар оқибатида ногирон бўлган ҳарбий хизматчиларнинг ва Миллий гвардия ходимларининг фарзандларига – тавсиянома тестда қатнашмасдан грант асосида ўқишга қабул қилиш учун берилади.

Ҳар икки ҳолатда ҳам тавсиянома битта ОТМга бир марта кириш учун 3 йилга берилади.

2. Халқаро ва республика олимпиадалари, танловлар ва мусобақалар ғолиблари бўлган академик лицейлар, касб-ҳунар коллежлари ва умумтаълим мактабларининг битирувчилари

• спортнинг олимпия ва паралимпия турлари бўйича Олимпия ва Паралимпия, Осиё ва Параосиё ўйинларида охирги 4 йилда, жаҳон ва Осиё чемпионатларида охирги 1 йилда ғолиб ва совриндор (1 – 3 ўрин) бўлган мактаб, коллеж, техникум, академик лицей битирувчилари жисмоний тарбия ва спорт йўналишларига имтиҳонсиз грант асосида қабул қилинади;
• мусиқа, рақс, театр, фольклор, тасвирий ва амалий санъат ҳамда дизайн йўналишларидаги республика (1-ўрин) ва халқаро танловларда (1 – 3-ўринлар) ғолиб бўлган битирувчиларга ижодий имтиҳонда энг юқори балл белгиланган фандан озод қилинади;
• республика (1-ўрин) ва халқаро (1–5-ўринлар) шахмат ва шашка турнирлари ғолиби бўлган битирувчилар педагогик кадр тайёрлайдиган ОТМларга имтиҳонсиз грант асосида қабул қилинади.

Халқаро чемпионатлар ғолибларига берилган имтиёз 3 йил, республика даражасидаги ғолибларга берилган имтиёз 1 йил амал қилади.

Фан (тарих, математика, кимё ва ҳ.з.) олимпиадаларининг республика босқичида 1, 2, 3-ўринларни эгаллаган ўқувчиларга ихтисослик фани бўйича имтиҳонда максимал балл берилади (3 йил амал қилади).

3. Зулфия номидаги Давлат мукофоти лауреати ҳамда “Мард ўғлон” давлат мукофоти ғолиби бўлган битирувчилар кириш имтиҳонларисиз грант асосида ўқишга қабул қилинади.

Ўзбекистон Республикаси Гидрометеорология хизмати агентлигининг хабар беришича, 23 июнь куни Тошкентда ҳаво бироз булутли бўлади, ёғингарчилик бўлмайди. Шарқдан секундига 7-12 метр тезликда шамол эсади. Кечаси 22-24 даража илиқ, кундузи 34-36 даража иссиқ бўлади.

Учрашувда номзоднинг бош ишончли вакили Иномжон Қудратов Президентликка номзод ҳақида йиғилганларга батафсил маълумот берди.

Робахон Махмудова сайловчиларни ўзининг Сайловолди дастурида белгиланган ғоя ва мақсадлар билан таништирмоқда.

Айни кунларда “Адолат” социал-демократик партиясидан Ўзбекистон Республикаси Президентлигига номзод Робахон Махмудованинг мамлакатимиз ҳудудлари бўйлаб сайловчилар билан учрашувлари давом этмоқда.

Сайловолди дастурида ҳуқуқ­қий давлат қуриш, ижтимоий адолатни ва миллий иқтисодиётимизнинг барқарор ўсишини таъминлаш, илм-фан, инновация­лар ва таълим соҳасини барқарор ривожлантириш, аҳоли саломатлигини муҳофаза қилишга доир таклифларини илгари сураётган партия номзоднинг водийлик сайловчилар билан учрашувлари Андижон вилоятидан бошланди.

Шаҳрихон туманида ташкил этилган учрашувда Олий Мажлис Қонунчилик палатаси депутатлари, партия фаоллари, талаба-ёшлар, кенг жамоатчилик ва оммавий ахборот воситалари вакиллари иштирок этди.

Дастлаб, учрашувда “Адолат” социал-демократик партиясидан Ўзбекистон Республикаси Президентлигига номзод Робахон Махмудованинг бош ишончли вакили Иномжон Қудратов томонидан тадбир иштирокчиларига номзод ҳақида батафсил маълумот берилди.

Шундан сўнг Президентликка номзод Робахон Махмудова сайловчилар билан юзлашиб, мамлакат ривожи, фуқаролар фаровонлиги йўлида амалга оширишга қаратилган ғоя ва мақсадлари акс этган Сайловолди дастури, унда илгари сурилаётган устувор йўналишлар билан иштирокчиларни яқиндан таништирди.

Тадбир якунида Президентликка номзод Робахон Махмудова сайловчиларнинг саволларига батафсил жавоб берди.

Ўзбекистон Республикаси Президентлигига номзод Робахон Махмудованинг сайловчилар билан учрашувлари давом этади.

Давлатимиз раҳбари топшириғига асосан тузилган Республика ишчи гуруҳи томонидан жойларда аҳоли муаммолари ва ижтимоий-иқтисодий масалаларни ўрганиш ва ҳал этиш бўйича қатор ижобий ишлар амалга оширилмоқда. Ҳар бир гуруҳга Президент Администрацияси, Давлат хизматини ривожлантириш агентлиги, Халқ қабулхоналари масъул ходимлари, 13 та республика вазирлик ва идоралари ҳамда вилоят, туман ва шаҳар секторлари, соҳавий ташкилотлар раҳбарлари жалб этилган.

Бугунги кунда ишчи гуруҳ вакиллари Қорақалпоғистон, Фарғона ва Наманган вилоятларида ўз фаолиятини олиб бормоқда.

Аниқланган муаммоларни ўз вақтида ҳал этиш мақсадида уч кун давомида қуйидаги ишлар амалга оширилди:

— Қорақалпоғистон:

Жами7,3 км ички йўллар шағаллаштирилди. Аҳолига қўшимча 142,6 тонна суюлтирилган газ етказиб берилди. Электр таъминотини яхшилаш мақсадида 197 дона темир-бетон устунлар ўрнатилди ҳамда 2,5 км тармоқ тортилди. Ичимлик сувини яхшилаш борасида янгидан 1 км ичимлик суви тармоғи тортилди. Коммунал хўжалиги соҳасини яхшилаш борасида 5 та кўп қаватли уйларнинг том қисмини жорий таъмирлаш, кириш йулакларини таъмирлаш, ертўла қисмидаги муҳандислик тармоқлари ва коммуникацияларини таъмирлаш ишлари олиб борилмоқда. ишлари олиб борилмоқда. 34 та кўп қаватли уйларнинг муҳандислик тармоқлари ва коммуникацияларини таъмирлаш ишлари амалга оширилмоқда.

Тижорат банклари томонидан 1 386 нафар фуқаро ва тадбиркорлик субъектларига кредитлар ажратилиши таъминланди. “Аҳолини тадбиркорликка жалб қилиш жамғарма”си маблағлари ҳисобидан субсидия асосида жами 24,0 млн. сўмлик тикув машинаси, оверлок дазмол ва пайвандлаш ва ўлчов ускунаси, кесиш аппарати етказиб берилди.

— Фарғона вилояти:

Ички йўлларнинг жами 91,4 км қисми таъмирланди. Шундан, 47,8 км йўлга шағал ётқизилди, 43,6 км йўл асфальт қилинди. Аҳолига  қўшимча 792,0 тонна суюлтирилган газ етказиб берилди. Электр таъминотини яхшилаш мақсадида 116 та темир бетон таянчлар ўрнатилди, 3,9 км тармоқ тортилди, 5 та трансформатор таъмирланди. Ичимлик суви таъминотини яхшилаш мақсадида янгидан 11,8 км тармоқ тортилди, 11 та сув насоси ўрнатилди. 42 та кўп қаватли уйда таъмирлаш ишлари олиб борилди.

Тижорат банклари томонидан 2 698 нафар фуқаро ва тадбиркорлик субъектларига кредитлар ажратилиши таъминланди. Жами 534 нафар фуқаронинг бандлигига кўмаклашилди.

Тадбиркорлик ва ўзини ўзи банд қилиш мақсадида фаолиятини бошламоқчи бўлган ишсиз, шу жумладан, “Темир дафтар”, “Аёллар дафтари” ва “Ёшлар дафтари”га киритилган 185 нафар фуқароларга фаолиятини бошлаш учун керак бўлган 1,2 млрд. сўмлик асбоб-ускуна ва меҳнат қуроллари субсидия асосида олиб берилди.

— Наманган вилояти:

Ички йўлларнинг жами 9,2 км қисми таъмирланди. Ичимлик суви тизимидаги эскирган сув тармоқлари янгиланди, 3 дона сув тик қудуқлари қайта тозаланди, 6 дона сув насослари янгиланди ва 6 дона насос агрегатлари таъмирланиб қайта ўрнатилди. Аҳолига  қўшимча 473,8 тонна суюлтирилган газ етказиб берилди.

Электр таъминотини яхшилаш мақсадида 37 та трансформатор пунктлари мукаммал таъмирланди, янгиэлектр узатиш тармоқлари тортилди, 48 дона эски симёғочлар янгиланди, 3,4 км мавжуд электр узатиш тармоқлари алмаштирилди.

Оилавий поликлиникаларда 5 231 нафар беморларга бепул дори-дармон тарқатилди. 77 нафар фуқарога ногиронлик аравачаси, 3 нафар фуқарога электрон пультли аравача, 127 нафар фуқарога 179,5 млн. сўмлик реаблитация қилишнинг техник воситалари берилди.

Контракт пуллари ҳеч қандай қайтариш шартларисиз тўлаб берилади. Квота тўғрисидаги президент фармойишида контракт асосида магистратурага кирадиган талаба хотин-қизларнинг контракт пулларини тўлаб бериш қайд этилган.

Айни вақтда Шаҳрихон туманида бошланган сайловчилар билан учрашувда “Адолат” социал-демократик партиясидан Ўзбекистон Республикаси Президентлигига номзод Робахон Махмудованинг бош ишончли вакили Иномжон Қудратов томонидан тадбир иштирокчиларига номзод ҳақида батафсил маълумот берилмоқда.