12 C
Узбекистан
Пятница, 29 марта, 2024
Домой Блог Страница 194

Президентликка номзод сифатида Абдушукур Ҳамзаев номзоди қўллаб-қувватланди

Ўзбeкистон Экологик партиясининг съезди бўлиб ўтди, унда Президентликка номзод сифатида Абдушукур Ҳамзаев номзоди қўллаб-қувватланди

Бугун, 30 май куни Тошкент шаҳрида Ўзбекистон Экологик партиясининг навбатдан ташқари IV Съезди бўлиб ўтди.

Съездда Ўзбекистон Экологик партиясидан Ўзбекистон Республикаси Президенти лавозимига номзод сифатида партия Марказий Кенгаши Ижроия қўмитаси раиси Ҳамзаев Абдушукур Худойқулович номзоди қўллаб-қувватланди.

Шунингдек, Съездда Ўзбекистон Республикаси Президентлигига номзод Ҳамзаев Абдушукур Худойқулович ўзининг сайловолди дастури асосий йўналишларини делегатлар эътиборига ҳавола қилди.

Футбол: Ўзбекистон –Исроил ўйинини аргентиналик ҳакамлар бошқариб боради

31 май куни тун соат 02.00 да Ўзбекистон ёшлар терма жамоаси U-20 Жаҳон чемпионатининг нимчорак финалида Исроил терма жамоасига қарши ўйинни ўтказади.

Миллионлаб футбол мухлислари диққат марказида бўлган мазкур ўйинда Равшан Ҳайдаров шогирдлари оқ либосда, дарвозабонимиз сариқ либосда майдонга тушади.

Учрашувни аргентиналик Фалкон Яел бош ҳакам сифатида бошқариб боради. Унга қанотларда ҳамюртлари Дел Ессо Максимилиано ва Родригез Факундо ёрдам кўрсатади. Захирадаги ҳакам вазифасини гватемалалик Лопез Кастельянос олиб боради.  

Манба:ЎзА

Бухоро шаҳрида хонадонида фоҳишахона ташкил қилган аёл фош этилди

Бухоро шаҳар Т.Фароғий кўчасида яшовчи, 1973 йилда туғилган Қ.Ҳ. исмли аёл Бухоро шаҳар Пиридастгир кўчасида жойлашган кўп қаватли уйлардан биридаги хонадонида фоҳишахона ташкил қилиб, бегона шахсларнинг жинсий алоқа қилишлари учун муайян шароит яратиб келиб, бунинг эвазига моддий манфаат кўриб келган.

Жумладан, 2023 йил 16 май куни соат 23:00 ларда Х.А. исмли эркакнинг Р.Ў. исмли аёл билан жинсий алоқада бўлиши учун 400 минг сўм миқдоридаги пулларни олиб, “мижозларга” уйни бўшатиб, барча шарт-шароитлар яратиб бериб, бу фаолиятдан даромад олиб, фоҳишахона ташкил этиш ва сақлаш жиноятини содир қилган.

Мазкур ҳолат юзасидан Ўзбекистон Республикаси Жиноят Кодексининг 131-моддаси 2-қисми билан жиноят иши қўзғатилиб, дастлабки тергов ҳаракатлари олиб борилмоқда.

Бухоро вилояти ИИБ Ахборот хизмати

Афёнкараҳисар Туркиянинг тарихий термал шаҳарлари

Ер ости ва ер усти шифобахш минерал булоқлар каби сув ресурсларидан даволаш воситаси сифатида фойдаланиш Термализм деб аталади. Термализм Европада қадим замонлардан то ҳозирги кунгача кенг қўлланилган амалиётдир.

Ғарбда ўзига хос архитектура анъаналарига асосан қурилган СПА иссиқлик иншоотлари бўлган кўплаб аҳоли пунктлари мавжуд. Ушбу шифобахш сув маданиятини Европанинг бебаҳо мероси деб ҳисоблаш мумкин.

Туркиянинг термал туризм пойтахти ҳисобланган Афёнкараҳисар; маданият, табиат ва ошпазлик санъатининг муҳим марказларидандир. Афёнкараҳисар 5000 йилдан ортиқ тарихга эга. Шаҳар Хет, Фриг, Римлик, Византиялик, Салжуқий ва Усмонлилар каби кўплаб империяларга мезбонлик қилган. Ушбу тарихий шаҳарда илк асрлардан бери давом этиб келаётган термал анъана бугунги кунгача авлодлар оша давом этиб келмоқда.

Кўп квартирали уйлар ертўласидан фойдаланиш тартиби қандай?

Кўп квартирали уйлар ертўласидан фойдаланиш у жойдаги мулкдорлар розилигига асосан амалга оширилади. Ертўладан жойлар фақат ертўлада шуғулланилиши мумкин бўлган қуйидаги фаолият турларини амалга ошириш учун берилади:

— озиқ-овқат ва ноозиқ-овқат товарлари билан савдо қилиш (дўконлар, киоскалар, дўкончалар ва бошқалар);
— маиший хизмат кўрсатиш (сартарошхона, пойабзал тикиш ва таъмирлаш, оптика, соат созлаш устахоналари, тикувчилик ва каштачилик, ателье);
— умумий овқатланиш (ресторанлар, кафе, кафетерийлар, музқаймоқ ва чанқовбосди ичимликлар барлари, газакхоналар);
— банк хизматлари кўрсатиш (банкларнинг бўлимлари ва валюта алмаштириш пунктлари);
— алоқа хизматлари кўрсатиш (почта бўлими) ва курьерлик фаолияти;
— газеталар, журналлар ва китоб маҳсулотлари билан савдо қилиш;
— бижутерия ва жевакларни тайёрлаш ва таъмирлаш;
— гулчамбарлар, сунъий гуллар ва гул маржонларини тайёрлаш;
— рассомлик ва ҳайкалтарошлик;
— хизмат кўрсатиш ва тадбиркорларнинг офислари ҳамда идоралари;
— видео ва фотосуратга олиш, компьютер хизматлари;
— таржима ва таҳрир хизматлари;
— дизайн, чизмачилик-графика хизматлари;
— кийим-кечак ва идишларни ижарага бериш хизмати;
— риэлторлик фаолияти;
— газламаларга нақшлар солиш, трафаретли босма ва қўлда расм чизиш хизматлари;
— жисмоний тарбия ва спорт муассасалари фаолияти;
— давлат ташкилотларини жойлаштириш;
— суғурта ташкилотларини жойлаштириш.

— Ертўладан фойдаланганлик учун тўланадиган ижара тўловларининг энг кам миқдорлари ҳокимликлар томонидан тасдиқланади.

— Ертўладан фойдаланувчи томонидан уни бошқа шахсларга сотиш, ҳадя этиш, гаровга қўйиш ва ижарага беришга йўл қўйилмайди.

Манба:Xuquqiy axborot канали

ССВ: Оналик ва болаликни муҳофаза қилиш бўйича амалга оширилган ишлар танқидий-таҳлилий кўриб чиқилди

Соғлиқни сақлаш вазирлиги томонидан оналик ва болаликни муҳофаза қилиш йўналишида амалга оширилган ишлар, мавжуд муаммолар ва уларнинг ечимига бағишланган видеомулоқот бўлиб ўтди.

— Соғлиқни сақлаш вазири Амрилло Иноятов бошчилигида танқидий ва таҳлилий руҳда кечган мазкур тадбирда оналар ва болалар саломатлигини асраш борасидаги муҳим масалалар атрофлича муҳокама этилди.

— Маълумки, бугунги кунда ушбу соҳада юртимизда Республика перинатал маркази, Республика скрининг ва репродуктив саломатлик марказлари ҳамда уларнинг ҳудудлардаги филиаллари, Республика ихтисослашган акушерлик ва гинекология илмий-амалий тиббиёт маркази, шаҳар ва туманларда 400 дан зиёд туғуруқ ва болалар муассасалари хизмат кўрсатиб келмоқда.

— Вазир ўз маърузасида сўнгги пайтларда ижтимоий тармоқларда айнан туғуруқ комплекслари фаолияти бўйича кўплаб салбий фикрлар тарқалаётганига урғу бериб, интернет тармоғи фаолларининг тизимдаги оғир нуқталарни кўрсатиб бераётгани учун уларга миннатдорлик билдирди.

— Давлатимиз томонидан дори-дармон ва сарфлов материаллари учун етарли миқдорда маблағ ажратилаётган бир пайтда нега ҳомиладорларга ёки унинг қариндошлари қўлига дори-дармон рўйхати ёзиб берилмоқда, деб ўзимизга савол беришимиз керак. Туғуруқ комплекси раҳбарининг ўзи коррупциянинг тепасида бўлса, ҳаммани бир кўзда кўрмаса, таниш-билишчилик қилса, унда нима бўлади, муассасада носоғлом муҳит шаклланиб, жамоа парокандаликка учрайди. Аксарият муассасалар фаолияти юзасидан келиб чиққан шикоятларнинг негизида шу омилларни кўряпмиз, — деди вазир ўз нутқида.

— Шунингдек, мулоқотда туғуруқларнинг аксарияти «кесарча кесиш» орқали амалга оширилаётгани, бу операцияларни айрим муассасаларда фақат бир мутахассис ўтказиб, бошқа ёш ва маҳоратли шифокорларга имконият берилмаслиги, бунга эса муассаса раҳбарининг аралашуви сабаб бўлаётгани кескин танқид қилинди.

— Онлайн йиғилишда Қашқадарё вилояти мисолида аҳоли репродуктив саломатлигини мустаҳкамлаш, баркамол авлодни вояга етказиш, туғиш ёшидаги аёлларни соғломлаштириш йўналиши бўйича ўтказилган ўрганиш хулосаси муҳокама қилиниб, муаммолар ва уларнинг ечимлари ҳақида сўз юритилди.

— Видеомулоқотда кўтарилган яна бир муҳим йўналиш — тиббиётнинг барча соҳалари ходимлари учун зарур бўлган этика-деонтология масалалари бўлди. Бемор мурожаат қилиб келганда “сени нотўғри даволабди, хато операция қилибди, энди мен тўғрилайман” деган носоғлом қараш билан курашиш зарурати ҳақида тўхталиб ўтилди.

— Жумладан, беморлар ва уларнинг қариндошлари билан мулоқот қилишда халқаро тажрибада кенг қўлланиладиган “фронт-офис” тушунчаси ҳақида сўз юритилди.

— Яъни, бунда муассасанинг регистратура ва қабул бўлимлари ходимлари учун коммуникатив стандартлар, бемор ҳолатининг ёмонлашуви ёки яқинларининг норозилигига сабаб бўлувчи ҳаракатлардан тийилишда амал қилиш лозим бўлган меъёрлар ҳақида маълумот берилди.

Йиғилиш якунида фаолияти бўйича кўп эътироз келиб тушаётган муассасалар раҳбарлари кескин танқид қилиниб, камчиликка йўл қўйган масъуллар қатъий огоҳлантирилди.

Соғлиқни сақлаш вазирлиги
Матбуот хизмати.

Нодирбек Абдусатторов “Norway Chess” турнирининг блиц йўналишида 1-ўринни эгаллади

Нодирбек Абдусатторов нуфузли Norway Chess-2023  турнирининг блитс-саралашида биринчи ўринни қўлга киритди. Кеча, 29 май куни асосий турнирдаги ўринлар ва жуфтликларни аниқлаб олиш мақсадида блитс-саралаш турнири ўтказилди. Ушбу турнирда 18 ёшли ўзбек гроссмейстери Нодирбек Абдусатторов 1-ўринни қўлга киритди.

Дунёнинг TOP-10 даги энг кучли шахматчилари, жумладан Магнус Карлсен, Ҳикару Накамура, Алиризо Фирузжа, Аниш Гири, Фабиано Каруана, Уэсли Со ва яна бошқа кучли гроссмейстерлар қатнашаётган йирик турнир бугундан старт олади. Абдусатторов асосий турнир давомида 1-рақам остида қатнашиб, оқ доналарда кўпроқ ўйнайди ва Аниш Гири билан куч синашади.

Шунингдек, у блитс рейтингини 2700 дан ошириб олди. Шундай қилиб Нодирбек классик, рапид ва блитс йўналишларнинг барчасида 2700+ рейтингга эга бўлди.

Туз қон босимини оширади

Организмдаги ортиқча натрий қон томирларида сувнинг сақланиб қолишига ёрдам беради. Бу юрак ва қон томирларидаги стрессни кучайтиради ва вақт ўтиши билан қон босимининг доимий кўтарилишига олиб келиши мумкин.

Шунингдек, ортиқча туз инсон асаб тизимини тасирланишини ҳаддан ташқари ошириб юборади. Ушбу стимуляция натижасида адреналин гормони ишлаб чиқарилади, бу қон томирларининг сиқилишига ва қон босимининг ошишига олиб келади.

Туз истеъмолини 20 фоизгача чеклаш қон босими даражасини пасайтиради.

30 май куни кутилаётган об-ҳаво маълумоти

Республика Гидрометеорология марказининг хабар беришича, 30 май куни Тошкентда ҳаво бироз булутли бўлади, ёғингарчилик бўлмайди. Шарқдан секундига 3-8 метр тезликда шамол эсади. Кечаси 18-20 даража илиқ, кундузи 33-35 даража иссиқ бўлади.

Ўзбекистонлик қизлар Россия термасидан 9 та голни ўтказиб юборди

«UEFA U-17 Ривожланиш турнири» доирасида бўлиб ўтган Ўзбекистон U-16 ва Россия U-16 терма жамоалари иштирокидаги баҳсда рақибларимиз 0:9 ҳисобида мағлубиятга учради. 

Ўзбекистон 0:9 Россия.

Голлар: Экатерина Сардилина 7′, Марине Аджаян 15′, Марина Павлова 24′, Мария Степашева 44′, Кристина Кутапина 55′ (п), Акмаржан Кулдашева 57′, Даря Котлова 67′, Марине Аджаян 76′, Вероника Шумакова 85′.

Маълумот ўрнида, бундан олдинги беллашувда қизларимиз Қирғиз Республикасига 0:2 ҳисобида енгилган. Яна бир ўйинда Беларус термаси 3:2 ҳисобида ҳамюртларимиздан устун келган.

Пингвинлар уча оладими?

Кўп одамлар бу ғаройиб қуш Шимолий ва Жанубий қутбларда ҳамда бошқа совуқ жойларда яшайди, деб ҳисоблайдилар. Афсуски, пингвинлар фақат Жанубий қутбда яшайди. Улар Антарктида (Арктикада эмас!) ва унга туташ оролларда кун кечиради. Улар Перу ёки Бразилиянинг жанубида, Жанубий-Ғарбий Африкада, Янги Зеландия ва Жанубий Австралияда ҳам учрайди.

Пингвинлар, шубҳасиз, одамга ўхшашлиги билан машҳур бўлиб кетди. Пингвинлар ясси панжалари билан тик тура оладилар. Улар кўпинча, аскарлар каби тизилиб туради. Уларнинг виқор билан юришини курганингизда, беихтиёр кулгингиз келади. Бутун танаси майда тангачасимон патлар қопланган. У бизга оқ кўйлак ва фракдан иборат эркакларнинг кечки кийимини эслатади.

Тарихга қадар бўлган пингвинлар бўйи деярли икки метр бўлган. Бундай катталикдаги пингвинлар бизда ҳозир қандай таассурот қолдиришини кўз олдингизга келтириб кўринг. Шу кунларда пингвинларнинг 17 тури мавжуд, уларнинг энг каттаси баландлиги 1 метр келадиган ва оғирлиги 36 килограмм тош босадиган шоҳ пингвиндир.

Бурун замонларда пингвинлар қушлар мисоли уча олган. Ҳозирги пайтда ўша қанотларидан учишга яроқсиз ўсимталар қолган. Бу ҳол қандай юз берган? Унинг бир ажабланарли томони шундаки, пингвинларнинг деярли душмани бўлмаган. У Антарктиданинг жуда олис жойларида яшагани учун унга ҳужум қиладиганлар топилмаган. Шунинг учун ҳам у ҳаётини ҳам қуруқликда, ҳам сувда бемалол ўтказа олган.

Қанотидан фойдаланмаган пингвинлар авлоди ўзгариши билан қанотлари қаттиқлашиб ва кичрайиб, бора-бора учишга яроқсиз ҳолга келиб қолган. Шу баробарда улар сузиш ва сув тагида туриш борасида маҳоратли бўла борган! Пингвинларда яшаш жойидаги даҳшатли совуқдан сақлайдиган қалин ёғли қатлам ҳосил бўлган.

Одамлар пингвинларни ёғи учун ов қилишади, балки уларнинг қирилиб кетишидан асрайдиган қонун қабул қилиш лозимдир.

Манба: ziyouz.uz

Бугун Ўзбекистон Халқ демократик партиясининг XIII қурултойи бўлиб ўтди.

Қурултойда Ўзбекистон Халқ демократик партиясидан Ўзбекистон Республикаси Президентлигига номзод кўрсатиш тўғрисидаги масала атрофлича муҳокама қилинди. Партия Марказий Кенгашининг жорий йил
12 май куни бўлиб ўтган пленумида Халқ демократик партиясидан партия Марказий Кенгаши раиси, Олий Мажлис Қонунчилик палатаси Спикери ўринбосари Улуғбек Илясович Иноятов номзодини илгари суриш ҳақида қарор қабул қилинган эди.

Иштихонда республика мутасаддилари 2 мингдан ортиқ мурожаатларни ўрганиб чиқди

Халқ розилигини, халқ ишончини фақат ва фақат амалий ишлар билангина қозониш мумкин. Давлатимиз раҳбари топшириғи асосида тузилган Республика ишчи гуруҳининг Иштихон туманидаги оммавий қабули ҳам суд-ҳуқуқ, иқтисодий-ижтимоий соҳалар масъулларини айни шу эзгу мақсад йўлидаги ягона платформада бирлаштирди.

Ноҳақдан ҳақни ажратиш, йиқилганни суяш, адашганга тўғри йўл кўрсатиш, қонун устуворлигини таъминлаш, адолат ва ҳақиқатни қарор топтириш, ҳар бир нарсани ўз номи билан аташ… – Президент Халқ қабулхонаси ташкил қилаётган очиқ-жонли мулоқотларнинг энг муҳим кейслари. Тақдирлар турфа, масалалар ҳар хил, аммо ҳақиқат битта: муаммоси ҳал бўлган инсоннинг чиндан ҳам елкасидан тоғ ағдарилгандек бўлади.

Оммавий қабулда адолат истаб Ўзбекистон Республикаси Олий суди раиси ва судьяларга мурожаат қилаётган фуқаролар ҳам кўпчиликни ташкил этди.

Қашқадарёлик Равшан Жовлиевнинг Олий суд масъулларига мурожаатидан сўнг ички ишлар идораларида ишлаб, 2021 йилда ноҳақ қамалган ўғли Мақсуд Жовлиевни оқлаш ҳақида қарор қабул қилинди.

— Адолат бор экан, Олий суд боламни оқлаб берди, — дейди Р.Жовлиев. — Бугун бу ҳақдаги ҳужжатларни олдик. Олий суд раисига миннатдорлик билдириш учун қабулга келдим. Адолатни қарор топтирган раҳбариятга, судьяларга минг раҳмат!

Самарқандлик ёш тадбиркор Нурилло Абдумажидовнинг мурожаатидан сўнг эса назорат касса аппаратида нотўғри суммага чек урилгани оқибатида ортиқча ҳисобланган 30 миллион сўмдан зиёд солиқ қарздорлиги суд тартибида бекор қилинди.

Ички ишлар вазирлиги масъуллари билан мулоқотлар асосида 8 нафар собиқ ходим ички ишлар органларига ишга тикланган бўлса, тизимда ишлаш истагини билдирган 24 нафар мурожаатчига навбатдаги танловда қатнашишга рухсат этилди. Дейлик, сурхондарёлик Мансур Шукуров 12 йил, самарқандлик  Бекмирза Баҳодиров эса 13 йил деганда яна қадрдон соҳасига ишга қайтяпти.

Бош прокуратура масъуллари билан мулоқотлардан сўнг  иштихонлик Сайёра Шокированинг ҳам бағри бутун бўлди. Етказилган зарарни маълум муддатда қоплаш шарти билан аёлнинг 24 яшар ўғлига нисбатан қўлланилган қамоқ эҳтиёт чораси бекор қилинди.

Оммавий қабул давомида Солиқ қўмитаси мутасаддиларига ҳам кўплаб мурожаатлар бўлди. Уларнинг баъзилари ижобий ҳал этилган бўлса, ўрганиш талаб этиладиганлари назоратга олинди. Шунингдек, айрим мурожаатлар бўйича тегишли ҳуқуқий тушунтиришлар берилди.

Шунингдек, Самарқанд вилояти ҳокими, бошқарма ва идоралар масъуллари ҳам шу ерда қайд этилган идораларга тегишли бўлмаган мурожаатлар бўйича жисмоний ва юридик шахсларни қабул қилди. Уларни қийнаб келаётган муаммо ва масалаларини эшитиб, ҳар бир мурожаатни қонун доирасида ҳал этиш бўйича масъулларга тегишли кўрсатмалар берди.

Хуллас, Иштихондаги оммавий қабулда кўриб чиқилган жами 2 минг 294 та масаланинг 1 минг 33 таси жойида ҳал қилиниб, 87 нафар мурожаатчига ҳуқуқий маслаҳат ва тушунтириш берилган бўлса, 1 минг 174 та масала назоратга олинди.

Жанубий Кореяда бўлиб ўтган «Маданиятлар хилма-хиллиги» фестивалида ўзбек миллий таомлари ва санъати намойиш этилди

«Халқаро маданият куни» муносабати билан Жанубий Кореянинг Ёжу шаҳрида «Маданиятлар хилма-хиллиги» фестивали бўлиб ўтди, дея хабар бермоқда «Дунё» АА

Фестивалда ушбу мамлакатдаги дипломатик миссиялар ва халқаро ташкилотлар, ижтимоий, маданий ва ижодий ташкилотлар, етакчи туристик компаниялар вакиллари иштирок этди.

Юртимизнинг сайёҳлик салоҳиятини кенг тарғиб қилиш, шунингдек ўзбек халқининг бой маданиятини намойиш қилиш мақсадида Сеулдаги Ўзбекистон элчихонаси ҳамда Ташқи меҳнат миграцияси агентлигининг Кванжу шаҳридаги ваколатхонаси мазкур тадбир ташкилотчилари қаторида иштирок этди.

Фестивалда 150 дан ортиқ ватандошларимиз ҳам қатнашиб, анъаналариимизни ўзида акс эттирган чиқишлари, миллий рақс ва қўшиқлари билан иштирок этди.

Моҳир ўзбек пазандалари томонидан фестивал иштирокчиларига миллий таомларимиз – палов, кабоб, сомса ва бошқа миллий таомларимиз тортиқ қилинди. Айниқса ўзбек ҳаваскор санъат вакилларининг миллий қўшиқ ва рақслари фестивал дастурдан жой олган миллатлар қонцерт дастурларида ватандошларимиз мувоффақиятли қатнашиб, совринли биринчи ўрин билан тақдирландилар.

Тадбир доирасида Жанубий Корея жамиятида фаол бўлган бир қатор ватандошларимиз Ёжу шаҳар ҳокимияти ва Ёжу чет элликларни қўллаб-қувватлаш марказининг диплом ва қимматбаҳо совғалари билан тақдирландилар.

Фестиваль доирасида дипломатик ваколатхона ходимлари Ёжу шаҳар мэри Ли Чонг Ву билан алоҳида музокаралар ўтказди. Мулоқот чоғида Жанубий Корея томонига бугунги кунда мамлакатимизда сиёсий, иқтисодий, маданий ва бошқа соҳалардаги амалга оширилаётган ижобий ўзгаришлар ҳақида маълумот берилди.

Ўзбекистонда ёз кам булутли ва қуруқ об-ҳаво билан бошланиши айтилди

Бошланган ҳафта давомида Ўзбекистон ҳудудлари бўйича кам булутли ва қуруқ об-ҳаво сақланиб туради. Бу ҳақда “Ўзгидромет” хабар берди.

Хабарга кўра, фақат республиканинг айрим тоғли ҳудудларида 29-31 май кунлари ковектив булутлилик ривожланишида куннинг иккинчи ярмида қисқа муддатли ёмғир ёғиши, момақалдироқ бўлиши мумкин.

Ҳарорат кечалари +15…+20 даража атрофида бўлади, кундуз кунлари иш ҳафтасининг бошида ҳарорат +32…+37 даражадан охирига бориб эса +35…+37 даражагача аста-секин кўтарилади.

Пойтахтда ҳаво кам булутли бўлади, шамол шарқий йўналишда эсиши кутилмоқда. Ҳаво ҳарорати бугун кундузи +32…+34 даража бўлади, ҳафта охирига бориб +36…+37 даражагача кўтарилади.

Ўзбекистон цирк усталари Ҳиндистонда бўлиб ўтаётган Халқаро цирк фестивалида иштирок этмоқда

Фестиваль ташкилотчиларининг сўзларига кўра, дунёнинг бошқа мамлакатлари қатори Ҳиндистонда ҳам цирк жуда машҳур ва оммабоп. Бироқ кўнгилочар тармоқнинг бошқа турлари ва рақамли соҳанинг жадал ривож топаётгани, шунингдек, коронавирус пандемияси билан боғлиқ санитария-эпидемиологик вазият ушбу санъат турининг ҳолатига таъсир кўрсатди. Шу боис мамлакатда ушбу қадимий санъат тури ривожланишини қўллаб-қувватлаш мақсадида цирк усталари иштирокида турли тадбирлар ташкил этилмоқда.

Халқаро фестиваль доирасида мамлакатнинг Мумбай, Бангалор ва бошқа шаҳарларида цирк усталарининг ранг-баранг дастурлари намойиш этилди. Деҳлида ҳам улар тўрт кун давомида цирк ихлосмандлари ва ёзги таътилга чиққан мактаб ўқувчиларини ўзларининг ёрқин чиқишлари билан мамнун қилмоқда.

Фестивалда Ҳиндистон ва Ўзбекистон вакилларидан ташқари Эфиопия, Қирғизистон ва россиялик санъаткорлар ҳам иштирок этмоқда. Санъат байрами ташкилотчиларининг асосий ғояси халқаро ижодий ҳамкорликни рағбатлантириш ва ўзаро илғор техник ноу-хаулар билан алмашишдан иборат.

Дастурларда жонглёрлик, бир ғилдиракли велосипед ва ҳалқаларда машқлар намойиш қилиш, акробатлар ва масхарабозлар чиқишлари каби анъанавий номерлар билан бир қаторда, шунингдек, ҳар бир иштирокчи давлат цирк санъатининг ўзига хос миллий жиҳатлари ўрин олгани маҳаллий жамоатчиликда катта қизиқиш уйғотмоқда.

Манба:Халқ сўзи

Бармоқларингиз ёрдамида ўзингизни даволанг

Катта бармоқдаги нуқталар юрак ва ўпка фаолиятига жавоб беради. Юрагингиз тез урса ёки тез нафас олсангиз, катта бармоғингизни массаж қилинг.
Кўрсаткич бармоқ. Ошқозон ва бошқа хазм қилишда иштирок этувчи органларнинг фаолиятига жавоб беради. Агар қорнингиз оғриса, кўнглингиз айниса, овқатингиз хазм бўлмаса кўрсаткич бармоғингизни массаж қилинг.
Ўрта бармоқ. Қон айланишига жавобгар. Кўнгил айниганда, бош айланганда, уйқусизликда ўрта бармоғингизни массаж қилинг.
Номсиз бармоқ. Ушбу бармоқ инсон кайфиятига жавобгардир. Агар кайфиятингиз тушиб кетса, дархол массаж қилиб кўринг.
Жимжилоқ бармоқ. Бармоқни массаж қилсангиз, уйқу яхшиланади, асабийлашмайсиз ва стрессга тушмайсиз.

Ёзда қуёшдан сақлайдиган кўзойнак тақмаслик катарактага олиб келиши мумкин

Шифокорнинг сўзларига кўра, қуёшдан сақлайдиган кўзойнак тақмаслик ёки сифати паст кўзойнак тақиш кўз тузилмаларида ультрабинафша нурларнинг аста-секин тўпланишига олиб келади, бу эса кўп миқдордаги эркин радикалларнинг шаклланишига олиб келади. Натижада, оқсил бирикмалари ва рибонуклеин кислотасининг йўқолиши юз беради, бу кўриш ўткирлигининг пасайиши ва турли касалликларнинг юзага келишига олиб келади, дейилади.

Ўзбекистон кубогининг илк кунги ғолиб ва совриндорлари маълум

Нукус шаҳрида дзюдо бўйича катталар ўртасидаги Ўзбекистон кубогининг биринчи кунги баҳслари ортда қолди. Бугун эркаклар -60, -66 кг, аёллар эса -48 ва -52 кг вазн тоифаларида мусобақа медаллари учун татамига чиқишди. 

Биринчи кун ғолиб ва совриндорлари:

-60 кг вазн тоифаси

1. Баҳром Ботиров (Бухоро)

2. Азиз Арабов (Қашқадарё)

3. Суҳробжон Эргашев (Тошкент шаҳри)

3. Муродил Муродиллаев (Бухоро)

-66 кг вазн тоифаси

1. Маъруф Аҳмадов (Самарқанд) 

2. Оғабек Олламбоев (Хоразм)

3. Азиз Ортиқов (Навоий)

3. Отабек Отаназаров (Тошкент шаҳри)

-48 кг вазн тоифаси

1. Гулнур Муратбаева (Қорақалпоғистон)

2. Наимахон Отажонова (Андижон)

3. Дурдона Эргашбоева (Андижон)

3. Хосиятхон Ҳасанбоева (Наманган)

-52 кг вазн тоифаси

1. Умида Жуманиязова (Қорақалпоғистон)

2. Фарангиз Раҳимова (Хоразм)

3. Зуҳрахон Маъмуржонова (Андижон)

3. Гулсевар Ўролова (Қашқадарё)

Манба:Olamsport

НАТО Бош котиби Косовони кескинлашув даражасини пасайтиришга чақирди

НАТО бош котиби Йенс Столтенберг қисман тан олинган Косово ҳукуматини бир томонлама чоралар кўрмасликка ва сербия аҳолиси билан тўқнашувлардан сўнг минтақадаги вазиятни юмшатишга ёрдам беришга чақирди.

«Приштина кескинлик даражасини пасайтириши керак, бир томонлама беқарорлаштирувчи қадамлар қўймаслиги керак», деди Столтенберг ўзининг Twitter саҳифасида.

Подпишитесь на нас

51,905участниковМне нравится
22,962участниковЧитать
6,180участниковПодписаться
×