2023-йил январ-июн ойларида ишлаб чиқариш фаолияти билан шуғулланувчи 70 814 та юридик шахс томонидан 19,1 трлн сўмдан ортиқ солиқ тўланган. Шундан 9 трлн сўм 20 та солиқ тўловчи ҳисобига тўғри келади. Уларнинг товар айланмаси 73,8 трлн сўм, қўллаган солиқ имтиёзлари миқдори эса 1 трлн сўмни ташкил этган.
Энг кўп солиқ тўлаган 20 та корхона томонидан қўлланилган солиқ имтиёзлари ҳамда тўланган солиқлар батафсил инфографикада.
Ушбу солиқ тўловчилар томонидан таъминланган тушумлар солиқ турлари кесимида:
ҚҚС — 3 трлн сўм;
аксиз солиғи — 1,7 трлн сўм;
ер қаъридан фойдаланганлик учун солиқ — 1 трлн сўм;
фойда солиғи — 783,7 млрд сўм;
ЖШОДС — 486,9 млрд сўм;
ижтимоий солиқ — 442,2 млрд сўм;
мол-мулк солиғи — 381 млрд сўм;
ер солиғи — 179,3 млрд сўм;
сув ресурсларидан фойдаланганлик учун солиқ — 47,3 млрд сўм;
Давлатимиз раҳбари топшириғига асосан тузилган Республика Ишчи гуруҳининг навбатдаги манзили Наманган вилояти бўлди. Жойлардаги ижтимоий-иқтисодий вазиятни ўрганиш, аниқланган муаммоларни ҳал этиш мақсадида тезкор штаб ва вилоятнинг 4 та сектори кесимида ишчи гуруҳлар ташкил этилди. Ҳар бир ишчи гуруҳ таркибига Президент Администрацияси масъул ходимлари, Давлат хизматини ривожлантириш агентлиги, Халқ қабулхоналарининг масъул ходимлари, 15 та республика вазирлик ва идоралари ҳамда вилоят, туман ва шаҳар секторлари, соҳавий ташкилотлар раҳбарлари жалб этилди.
Ўрганишлар натижалари бўйича вилоятда аҳоли кайфиятига салбий таъсир кўрсатаётган қатор муаммолар аниқланди. Жумладан, коммунал соҳаси билан боғлиқ масалалар, электр ва ичимлик суви таъминоти билан боғлиқ муаммолар, ички йўллар, ижтимоий соҳа объектлари ҳолати ҳамда аҳоли бандлиги масалалари бўлди.
Аниқланган ушбу муаммоларни тезкорлик билан ҳал этиш учун гуруҳ масъуллари томонидан қатор ижобий ишлар амалга оширилди.
Жумладан, электр таъминотини яхшилаш мақсадида илк кундаёқ Янги Наманган ва Поп туманларида 59 та янги темир бетон таянчлар ўрнатилди. Аҳолига қўшимча 349 тонна суюлтирилган газ етказиб берилди. Ичимлик суви таъминотини яхшилаш мақсадида 2,7 км янги тармоқ тортилди, 1 та сув қудуғи қазилди ва 2 та насос ускунаси алмаштирилди. Жумладан, Давлатобод тумани “Нуробод”, “Орзу”, “Гулшан”, Наманган тумани “Чорбоғ”, Косонсой тумани “Ўзбекистон” маҳаллаларида жами 2,7 км сув тармоқларини ётқизиш ва 1 та сув қудуғи қазиш ишлари олиб борилди.
Кредит ва субсидия ажратиш, бандлик масалалари ҳам Республика ишчи гуруҳи эътибори марказида бўлди. Хусусан, тижорат банклари томонидан 550 нафар фуқаро ва тадбиркорлик субъектларига жами 18,3 млрд. сўм кредит ажратилди. Жумладан, Оилавий тадбиркорликни ривожлантириш дастурлари доирасида 66 нафар фуқарога 1,8 млрд. сўм имтиёзли кредитлар ажратилди. Жами 183 нафар фуқаронинг бандлигига кўмаклашилди. Шундан, 142 нафар фуқаро доимий ишга жойлаштирилди, 24 нафар фуқаролар касб-ҳунарга ўқишга жалб этилди, 17 нафар фуқаро ҳақ тўланадиган жамоат ишларига жалб этилди.
Ижтимоий ҳимояга муҳтож оилаларни қўллаб-қувватлаш мақсадида “Ёшлар дафтари” рўйхатидаги 17 нафар фуқароларга 21 млн. сўмлик ёрдам кўрсатилди. Шундан, 3 нафар фуқарога 7,5 млн. сўмлик контракт тўлови, 2 нафар фуқарога меҳнат қуроллари олишга 3,95 млн. сўмлик ҳамда даволаниш ҳаражатлари учун 3 нафар фуқарога 3,96 млн. сўмлик кўмак берилди.
ЮНEСКО глобал миқёсда мактабларда смартфонларни тақиқлашга чақирмоқда. Мобил телефонлардан ортиқча фойдаланиш ўқувчиларнинг ўзлаштириш даражасини пасайтиради ва болаларнинг ҳиссий барқарорлигига салбий таъсир қилади, дейилади ЮНEСКО ҳисоботида.
ЮНEСКО (Бирлашган Миллатлар Ташкилотининг Таълим, фан ва маданият агентлиги) синфлардаги бузилишларни бартараф этиш, ўқишни яхшилаш ва болаларни кибербуллингдан ҳимоя қилиш учун мактабларда смартфонларни тақиқлашга чақирди, деб ёзмоқда The Guardian ташкилот ҳисоботига таянган ҳолда.
Ҳисоботда, The Guardia нашрининг ёзишича, ўқувчиларнинг ўзлаштириш даражасининг пастлиги мобил телефонлардан кўп фойдаланиш билан боғлиқ бўлиб, экранга узоқ муддат тикилиб туриш эса болаларнинг ҳиссий барқарорлигига салбий таъсир қилади.
ЮНEСКОнинг таъкидлашича, технология «даставвал таълим учун мўлжалланмаган», шунинг учун у инсонга йўналтирилган концепцияга мос келиши ва ўқитувчи билан бевосита мулоқот ўрнини эгалламаслиги керак.
Д. Эргашев ушбу лавозимга тайинлангунга қадар Навоий кон-металлургия комбинати» акциядорлик жамияти капитал қурилиш бошқармаси бошлиғининг саноат объектларини қуриш бўйича ўринбосари вазифасида ишлаб келаётган эди.
Маск тез орада ижтимоий тармоққа мураккаб коммуникациялар ва “барча молиявий операциялардан фойдаланиш имкониятини” жорий қилишни ваъда этмоқда.
Илон Маск сўзларига кўра, бундан буён Х платформасидаги (олдинги Twitter) постлар “твит” эмас, балки “икс” деб номланади.
Ижтимоий тармоқ номи янги концепсия туфайли ўзгартирилди: илгари бу 140 белгидан иборат қисқа хабарлар эди, энди эса исталган ҳажмдаги хабар ва видеони юклаш мумкин. Бу эса қушча логотипи, Twitter номи ва “twit” атамасини мантиқсиз қилади.
Маск тез орада ижтимоий тармоққа мураккаб коммуникациялар ва “барча молиявий операциялардан фойдаланиш имкониятини” жорий қилишни ваъда этмоқда. Шунингдек, у келажакда ҳамма нарса учун мўлжалланган Х деб номланувчи қандайдир иловани ҳам тақдим қилмоқчи.
Тwittеr ребрендинги ҳақида 24 июль куни хабар берилди. Ижтимоий тармоқ Х деб номлана бошлади. Платформа логотипи ҳам ўзгарди: унда кўк қушча ўрнига Х ҳарфи тасвирланган.
Маск Тwиттер платформасини 2022 йил октябрь ойида сотиб олди. Битим 44 миллиард долларни ташкил этди. Маск кўп ўтмай раҳбариятни ўзгартирди ва ходимларнинг деярли ярмини ишдан бўшатди. Бундан ташқари, ижтимоий тармоқдаги контентни монетизация қилиш бошланганини эълон қилди.
• Измир ва Бодрум, Истанбулдан кейинги MICHELIN Guide мутахассислари томонидан тасдиқланган икки янги турк манзиллари сифатида қайд этилди.
• Навбатдаги икки манзилнинг бу рўйхатга киритилиши, Туркиянинг сайёҳлар учун ҳаяжонли ва ёқимли таомланиш нуқтаси эканини тасдиқлайди.
• Измир ва Бодрум учун ресторан танловлари, 2023 йил 9 ноябрда Истанбулда бўлиб ўтувчи маросимда эълон қилинади.
Мичелин, “MICHELIN Guide” Туркиянинг Измир ва Бодрум шаҳарларига томон кенгайтирилганлигини мамнуният билан эълон қилади. Турк Эгей ва Ўрта Ер денгизи ошхона анъаналари ва миллийликка асосланган Измир ва унинг атрофида кўплаб таомланиш имкониятлари, жумладан, мафтункор Урла шаҳри мавжуд. Гастрономик ва замонавий ресторанлардан тортиб, янгича услубда безатилган қаҳвахоналар, анъанавий ва машҳур кафеларгача Измир ўзининг турли хил лаззатлари билан ажралиб туради. Кўпинча ўз ота меросини замонавий тарзда халққа етказиб беришни хоҳлайдиган, ёш, маҳаллий ошпазлар томонидан бошқариладиган кўплаб ресторанлар Эгей миллий таомлари, янги тутилган балиқлар ва витаминларга бой салатларни таклиф қилишади.
Муғлада жойлашган Туркиянинг энг машҳур сайёҳлик марказларидан бири бўлган Бодрумда, осиё ва италияликларнинг энг машҳурлари билан халқаро таомларни таклиф қилувчи ресторанлар, айниқса, денгиз лаззатлари билан танилган турк ресторанларининг мукаммал бирлашуви, ноодатий таомлар саҳнасини шакллантиради. Бу ерда ҳашаматли дам олиш масканлари, энг яхши овқатланиш тажрибалари ва бошқалардан ажралиб туриш, яъни, креативликка урғу берилади.
MICHELIN Guide халқаро директори Гвендал Поулленнес: «Ўтган йили Истанбулни Туркиядаги илк манзил ўлароқ қайд этганимиздан сўнг, бизнинг мутахассисларимиз Измир ва Бодрумни ўзларининг навбатдаги йўл хариталарига қўйганидан барчамиз мамнунмиз. Дарҳақиқат, бу икки манзил нафақат унутилмас маданий ва сайёҳлик тажрибалари учун керакли ерлар, балки айни пайтда барча томонидан кашф этилиши зарур бўлган ошхона саҳналарига ҳам эгадир. Ушбу икки янги ҳудудлар MICHELIN Guide оиласига қўшилиши ортидан, Туркиянинг эътибор қаратилиши зарур бўлган гастрономик жойлар эканлиги ҳақидаги хабарни дунёга ёйишни чин дилдан умид қиламан».
Туркия Республикаси Маданият ва туризм вазири Меҳмет Нури Эрсой: “Истанбулдан сўнг, Измир ва Бодрумнинг «гастро-шаҳар» сифатида юзага чиққанидан хурсандмиз. Минтақадаги иқтидорли хўжаликларнинг сифати билан уйғунлашган маҳсулотларимиз эвазига ўз моҳиятида барқарорлик тушунчасига эга бўлган ошпазлик маданиятимизнинг бойлигини дунёга намойиш эта оламиз. Бу лаззатларни татиб кўриш учун Измир ва Бодрумга келувчи сайёҳлар, Эгейнинг феруза сувлари, чуқур тарихий мероси ва туризм сифати ҳамда круиз саёҳатлари билан ҳайратда қолади.» Турк ошпазлик саҳнасининг ўсиб бораётган салоҳиятини кўрсатадиган бу икки янги қўшилган манзиллардан мамнунмиз ва келгуси йилларда яна кўплаб шаҳарлар қўшилишига ишонамиз».
2022 йилда биринчи марта нашр этилган MICHELIN Guide Истанбул, Туркиянинг энг йирик шаҳрининг гастрономик хилма-хиллиги ва таомларини очиб берувчи 5 Мичелин юлдузли (1 таси 2 Мичелин юлдузли, 4 таси Мичелин юлдузли) умумий 53 та ресторанларини таклиф этади. MICHELIN Guide Истанбул турли хил мавсумий ва махсус таомларни таъкидлашдан ташқари, гастрономик бистролардан тортиб, ҳашаматли ва анъанавий бўлган, бошқаларидан ажралиб турадиган ресторанларга алоҳида эътибор қаратди.
У қамраб олган барча йўналишларда бўлгани каби, Измир ва Бодрумнинг ошпазлик маҳоратига урғу беради ва MICHELIN Guide тарихий методологияси асосида улар таклиф қилаётган энг яхши ресторанларни тавсия қилади. Аноним ва мустақил назоратчилар, барча тажрибали саноат мутахассислари ва ҳозирда Мichelin гуруҳи ходимлари томонидан амалга оширилган ушбу методология, тавсия этилган озиқ-овқат сифатига қаратилган бўлиб, у 5 мезон бўйича баҳоланади:
— махсулотлар сифати;
— пишириш техникасининг мукаммаллиги;
— лаззатларнинг уйғунлиги;
— ошхонада ошпазнинг маҳорати;
— Вақт ва бутун меню давомида изчиллик.
MICHELIN Guide Истанбул, Измир, Бодрум 2024 ресторанининг тўлиқ танлови 2023 йил 9 ноябрда Истанбулда бўлиб ўтадиган MICHELIN Guide маросимида эълон қилинади.
Президентнинг тегишли фармони (ПФ–79-сон, 26.05.2023 й.) билан 2023 йил 1 сентябрдан:
➖ умумий ўрта таълим муассасалари директорларига ўз ўринбосарларини ишга қабул қилиш ва ишдан бўшатиш, ажратилган умумий соатлар доирасида ўқув режаларига 15 фоизгача ўзгартириш киритиш масалаларини мустақил ҳал қилиш ҳуқуқи берилади;
➖ туман (шаҳар) мактабгача ва мактаб таълими бўлимларининг умумий ўрта таълим муассасалари фаолиятини текшириш ва таълим сифатини баҳолаш бўйича ваколатлари бекор қилинади.
Африка давлатларининг аксарият етакчилари 27-28 июль кунлари Санкт-Петербургда ўтказилиши режалаштирилган Россия-Африка саммитида иштирок этишдан бош тортди. Россия президенти ёрдамчиси Юрий Ушаковнинг айтишича, давлат раҳбарлари даражасида атиги 17 киши келади.
Африканинг 10 та давлати делегацияларига бош вазир, яна 17 тасига бош вазир ўринбосари ёки вазир бошчилик қилади. Африканинг бешта давлати элчилар томонидан тақдим этилади, яна бештаси саммитда иштирок этишдан бош тортди, деб ёзади The Moscow Times.
Ушаков Владимир Путин саммитга келган ҳар бир Африка етакчиси билан учрашишини билдирди. Жумладан, Миср президенти, Мозамбик, Бурунди, Зимбабве, Уганда, Эритрея, Марказий Африка Республикаси, Ливия, Камерун, Сенегал, ЖАР, Буркина-Фасо, Гвинея-Бисау, Мали, Конго раҳбарлари билан учрашув ўтказилади, деб ёзади ТАСС.
Айни пайтда, Россия ТИВнинг махсус топшириқлар бўйича элчиси Олег Озеров РИА «Новости» агентлигига берган интервьюсида барча Африка давлатлари раҳбарларига саммитга таклифномалар юборилганини маълум қилди. «Агар кимдир келмаса, биз хафа бўлмаймиз, чунки биринчидан, уларда давлат раҳбарлари иштирокида олдиндан режалаштирилган бошқа тадбирлар бўлиши мумкин. Иккинчидан, ким келишнинг иложини топса, ўша келади», — деди Озеров.
Президент Фармони билан Мелибаев Содир Адилович Марказий банк раиси ўринбосари этиб тайинланди.
Унинг зиммасига бухгалтерия ҳисоби ва ҳисоботи, хавфсизлик ва ахборотни муҳофаза қилиш, тўлов тизимлари, ахборот технологиялари ҳамда республикада “HUMO” миллий тўлов тизими фаолиятининг узлуксиз ишлашини назорат қилиш вазифалари юклатилган.
Шу кунгача С.Мелибаев Марказий банкнинг Ахборот технологиялари департаменти директори лавозимида ишлаб келаётган эди.
Ўзбекистон Республикаси Гидрометеорология хизмати агентлигининг хабар беришича, 27 июль куни Тошкентда ҳаво бироз булутли бўлади, ёғингарчилик бўлмайди. Шарқдан секундига 3-8 метр тезликда шамол эсади. Кечаси 24-26 даража илиқ, кундузи 40-42 даража иссиқ бўлади.
Ўзбекистон Республикаси Президентининг 2021-йил 14-январдаги “Шахматни янада ривожлантириш ва оммавийлаштириш ҳамда шахматчиларни тайёрлаш тизимини такомиллаштириш чора-тадбирлари тўгʻрисидаги ПҚ-4954-сон қарори билан тасдиқланган “Шахматни 2025-йилгача ривожлантириш давлат дастурини 2023-йилда амалга ошириш боʻйича “йўл харитаси”нинг 2-бандига мувофиқ “Мактабгача таълим ташкилоти тарбияланувчилари ўртасида Ўзбекистон биринчилиги мусобақаларини ташкил этиш” вазифаси белгиланган.
Шу муносабат билан, Ўзбекистон Республикаси Мактабгача ва мактаб таълими вазирлиги ҳузуридаги Мактабгача таълим агентлигининг тегишли буйругʻига ҳамда “Мактабгача таълим ташкилотлари тарбияланувчилари ўртасида шахмат бўйича мусобақаларни ўтказиш тўгʻрисидаги низомга мувофиқ мактабгача таълим ташкилоти тарбияланувчилари ўртасида шахмат бўйича “Ўзбекистон биринчилиги” мусобақасининг мактабгача таълим ташкилоти бошқичи жорий йилнинг 12-14 июн кунлари, туман (шаҳар) босқичи 15-19 июн кунлари, вилоят босқичи
20-23 июн кунлари ўтказилди.
Бугун Тошкент шаҳрида жойлашган Мактабгача таълим ташкилотлари директор ва мутахассисларини қайта тайёрлаш ва уларнинг малакасини ошириш институти биносида мактабгача таълим ташкилотларининг тарбияланувчилари ўртасида “Ўзбекистон биринчилиги” мусобақасининг республика босқичи ўтказилди.
Унда мактабгача тълим ташкилотларининг тарбияланувчилари ўртасида шахмат бўйича “Ўзбекистон биринчилиги” мусобақасининг Республика босқичида вилоят босқичида гʻолиб бўлган жами 28 нафар мактабгача таълим ташкилотларининг 14 нафар ўгʻил ва 14 нафар қиз бола тарбияланувчилари ўзаро беллашишди.
Мусобақа якунлари бўйича ўгʻил ва қиз бола тарбияланувчилардан
1-, 2- ва 3-ўрин гʻолиблари аниқланди ва агентликнинг дипломи билан қолган иштирокчилар фахрий ёрлиқ ҳамда қимматбаҳо совгʻалар билан тақдирландилар.
Эслатиб ўтамиз: Мусобақада мактабгача таълим ташкилотининг 5-7 ёшли ўгʻил ва қиз бола тарбияланувчилари якка тартибда иштирок этишди.
ЛОНДОН – Ўзбекистон Ташқи ишлар вазири Бахтиёр Саидов 2023-йилнинг 24-июл куни Лондон шаҳрида бўлиб ўтган Ўзбекистон-Буюк Британия бизнес форумида олий даражадаги делегатсияга раҳбарлик қилди. Ўзбекистон делегатсияси Буюк Британия ташқи ишлар вазири Жеймс Клеверли ва парламент аъзолари билан икки томонлама маслаҳатлашувлар ўтказиш учун Лондонга келди.
Расмий учрашувлардан сўнг Ўзбекистоннинг Лондондаги элчихонаси томонидан Директорлар институтида форум ташкил этилди. Тадбирда Буюк Британия ва халқаро компаниялар ва банкларнинг 180 дан ортиқ раҳбарлари иштирок этди, унда нутқлар, тақдимотлар ва норасмий қабул ташкил этилди.
Форумни Ўзбекистон ташқи ишлар вазири Бахтиёр Саидов ҳамда Буюк Британия Бизнес ва савдо департаментининг Савдо музокаралари бош директори Аманда Брукснинг асосий маърузалари билан очди.
Бахтиёр Саидов Ўзбекистон-Буюк Британия иқтисодий муносабатлари ривожланиб бораётганини юқори баҳолади ва Ўзбекистон ва Британия компаниялари ўртасида “молиявий, саноат ва технологик ҳамкорлик”ни ривожлантириш учун салмоқли салоҳият мавжудлигини қайд этди.
Аманда Брукс 2021-йилда Ўзбекистон Буюк Британиянинг кенгайтирилган ГСП тизимига қабул қилинган биринчи давлат бўлганини, яъни британиялик импортерлар Ўзбекистонда ишлаб чиқарилган 7800 дан ортиқ маҳсулот учун импорт божи тўламаслигини таъкидлади. Буюк Британия ва Ўзбекистон ўртасидаги умумий товар айирбошлаш ҳажми 2016-йилдан буён уч баравар кўпайиб, 2022-йилда 245 миллион фунт стерлингга етди.
Асосий маърузалардан сўнг Ўзбекистон инвеститсиялар вазири ўринбосари Ойбек Ҳамраев мамлакатимиздаги инвеститсия муҳити ҳақида умумий маълумот бериб, ўтган йил давомида энергетика, саноат ва молия соҳаларида амалга оширилган бир қатор муҳим сармояларга тўхталиб ўтди.
Ўзбекистон кончилик ва геология вазирининг биринчи ўринбосари Омонулло Насритдинхўжаев мамлакатимиздаги йирик олтин, кумуш, уран, мис ва кўмир конларини янада ўзлаштиришда жаҳон тоғ-кон компанияларининг салмоқли салоҳияти ҳақида гапирди. У, шунингдек, литий, волфрам ва графит каби муҳим материалларни қазиб олиш учун бир қатор инвеститсия имкониятлари ҳақида умумий маълумот берди. Жорий йилда расмийлар Ўзбекистонда 450 та кончилик литсензиясини берган.
Ўзбекистон ИТ-парки бош директори Махлиё Мухинова мамлакатимиз стартап экотизимининг жадал ўсиши ва инноватсион иқтисодиётни рағбатлантириш бўйича жорий давлат дастурлари ҳақида гапирди. Ўзбекистонда хизматлар экспорти, жумладан, дастурий та’минотни ишлаб чиқиш, техник ёрдам ва бизнес жараёнларини аутсорсинг қилишда сезиларли ўсиш кузатилди. Ушбу экспортнинг тахминан 10% Буюк Британияга тўғри келади.
Тақдимотлардан сўнг ривожланаётган бозорлар инвестори ва Тошкентдаги ДНА стратегик коммуникатсия фирмаси асосчиси Эсфандияр Батмангелиж бошчилигидаги муҳокамалар бўлиб ўтди. Тингловчилар аввал сўзга чиққан ма’рузачиларга, шунингдек, Ўзбекистон Ташқи ишлар вазири ўринбосари Ғайрат Фазиловга саволлар бериш учун таклиф қилинди.
“Бизнес-форум форматидаги тадбир катта қизиқиш уйғотди, шунинг учун уни янада кенгроқ жойда ўтказишга мажбур бўлдик. Томошабинлар катта саволлар беришди. Ўйлаймизки, расмийларимиз ва Британия раҳбарлари ўртасидаги бундай тўғридан-тўғри ва самимий мулоқот икки давлат ўртасидаги савдо ва сармоя ҳажмини оширишда муҳим аҳамиятга эга”, — деди Ўзбекистоннинг Буюк Британиядаги элчиси Саид Рустамов.
Форум доирасида Британия ва Ўзбекистон компаниялари ўртасида янги қўшма корхоналар ва сармоя киритиш бў
Жорий йилнинг 24-июл куни Ўзбекистон Республикаси Иқтисодиёт ва молия вазири Шерзод Кудбиев Европа тикланиш ва тараққиёт банки вакиллари билан учрашди. Унда ЕТТБнинг Марказий Осиё бўйича минтақавий директори Жужанна Харгитай, Банкнинг Ўзбекистондаги ваколатхонасининг айни пайтдаги раҳбари Алкис Дракинос ва унинг ўрнига сентябр ойидан ишга киришувчи раҳбар Анди Аранитаси иштирок этди.
Учрашув кун тартибида иқтисодий ислоҳотларнинг навбатдаги босқичидаги устуворликлар ва ЕТТБ томонидан кўрсатилиши мумкин бўлган кўмак масалалари кўриб чиқилди.
Шунингдек, ЕТТБ билан ҳамкорлик бўйича жорий йил натижалари ва истиқболли лойиҳалар муҳокама қилинди.
Ш.Кудбиев Ўзбекистонда ипотека бозорини ривожлантириш бўйича ЕТТБ билан ҳамкорликни жадаллаштириш зарурлигини алоҳида таъкидлади.
“Ўзбекистоннинг демографик салоҳиятидан кенг фойдаланишимиз керак. Ҳозир жуда катта имкониятлар мавжуд. Яъни аҳолининг реал даромадлари ўсиб боряпти. Ўз навбатида, тадбиркорлик ҳам жадал ривожланмоқда. Бундай вазиятда аҳолининг тўлов қобилияти хам етарли”, — деди Иқтисодиёт ва молия вазири Ш.Кудбиев. Бундан ташқари, кичик бизнесни ривожлантириш стратегияси, ДХШ лойиҳалари ва капитал бозорини ривожлантириш каби ёъналишларда ҳамкорликни ривожлантиришга келишиб олинди.
Экология, атроф-муҳитни муҳофаза қилиш ва иқлим ўзгариши вазирлиги вакиллари 24-июл куни Олмаота шаҳрида бўлиб ўтаётган БМТнинг Иқлим ўзгариши бўйича доиравий конвенсияси (БМТ ИЎДК) иштирокчилари конференсиясининг 28-сессиясида Марказий Осиё давлатларининг Минтақавий баёнотини тайёрлаш бўйича мамлакат вакилларининг учрашувида иштирок этмоқда.
Тадбирда БМТ ИЎДК 28-томонлар конференсиясига (CОП 28) тайёргарликнинг асосий тенденсиялари ва глобал жараёнлари билан танишиш, шунингдек, CОП 28ъда Марказий Осиё давлатларининг ягона павилонини биргаликда тайёрлаш ва ташкил этиш бўйича мамлакатлар позитсиясини ишлаб чиқиш масалалари муҳокама қилинмоқда.
Марказий Осиё минтақаси давлатлари минтақанинг иқлим щзгаришига заифлигини ва минтақа давлатларининг иқлим щзгаришига қарши курашиш ва барқарор ривожланишни таъминлашда минтақавий ҳамкорликни мустаҳкамлаш ниятини қайд этди.
Таъкидлаш жоизки, Марказий Осиё давлатларининг Минтақавий баёноти тақдимоти минтақа муаммоларини тушунишга ёрдам беради. Шунингдек, иқлим ўзгариши оқибатларини юмшатиш ва унинг оқибатларига мослашиш бўйича мулоқотни мустаҳкамлашда минтақа давлатларининг бирлигини жаҳон ҳамжамиятига намойиш этади. Қолаверса, Париж келишуви мақсадларига эришиш, минтақа мамлакатларига иқлим бўйича молия ва инвеститсияларни жалб қилади.
Япония темирйўл тизими дунёдаги энг илғор тизимлардан бири бўлиб, унинг умумий узунлиги 30625 кмни ташкил этади.
Японияда темирйўл соҳасида «Japan Railways» (JR Group) компаниялар гуруҳи фаолият юритади. JR Group 1987-йилда давлатга қарашли Япония миллий темир йўллари (JNR) компаниясини ўзгартириш орқали ташкил этилган.
Ислоҳотнинг асосий сабаблари:
Давлатнинг компания бошқарувига аралашуви;
Стандартлаштирилган бошқарув;
Менежерлар ва касаба уюшмалари фаолиятида ўзаро мувофиқликнинг йўқлиги;
Ташкилотнинг йириклиги;
Менежерлар ўртасида рақобатнинг аҳамияти ҳақида етарлича тушунча бўлмаганлиги.
Ислоҳотнинг асосий йўналишлари:
Рақобатни жорий этиш;
Ортиқча ходимлар сонини қисқартириш;
Вазифалар ва оператив жавобгарликни аниқ тақсимлаш;
Ислоҳот хусусий капитални темирйўл саноатига жалб қилишни рағбатлантирди. Бу эса марказий ҳукумат субсидияларидан деярли воз кечишга имкон берди.
Темирйўл транспорти соҳасида темирйўл инфратузилмасини яхшилаш, янги линияларни қуриш ва мавжудларини модернизация қилиш, юк ва йўловчи вагонлари паркини янгилаш учун шароит ва рағбатлантириш тизимини яратиш, транспортда, шу жумладан вокзалга ёндош ҳудудлар ва станцияларда хизматларни тубдан ўзгартириш учун давлат-хусусий шериклик (ДХШ) тамойилларини жорий этиш мақсадга мувофиқ.
40 га яқин фаол фуқоролар ҳибсга олинди, ўндан ортиқ полициячи яраланди. Энг йирик аксиялардан бири Тел-Aвивда бўлиб ўтди, ҳуқуқ-тартибот идоралари ходимлари оломонни аранг тинчлантиришга муваффақ бўлишди. Сув тўплари, шовқинли гранаталар, таёқчалар ишлатилган. Намойишчилар ўзларини агрессив тутдилар, ўт ёқиб, йирик магистралларни тўсиб қўйишга ҳаракат қилишди. Мухолифат йил бошидан бери суд-ҳуқуқ ислоҳотларига қарши минглаб митинглар ўтказмоқда.
Бу ҳақда АОКАда ўтказилган брифингда Божхона қўмитаси ахборот хизмати раҳбари Нурбек Саломов маълум қилди. Шунингдек, ушбу давр мобайнида тадбиркорларга 4 трлн. сўм миқдоридаги божхона тўловларини кечиктириб тўлашга рухсат берилди.
Бундан ташқари, 204,9 кг гиёҳвандлик воситалари, 124,5 минг дона кучли таъсир этувчи ва 2 206 дона психотроп моддалар, шунингдек, 441 дона ўқ, 643 дона гильза ва 12 дона қурол ушлаб қолинди.
Умумий қиймати 37,5 млрд. сўмни ташкил этувчи, 1 млн.600 минг қути тамаки маҳсулотларининг ноқонуний айланмасига чек қўйилди.
