21.5 C
Узбекистан
Пятница, 19 апреля, 2024
type here...
Домой Блог Страница 173

Қаршида яна 2 нафар беморда буйрак трансплантацияси муваффақиятли бажарилди

Hayrulla Kasimov
-
0
Қаршида яна 2 нафар беморда буйрак трансплантацияси муваффақиятли бажарилди

Республика шошилинч тиббий ёрдам илмий марказининг Қашқадарё филиалида 2 нафар беморда буйрак трансплантацияси муваффақиятли бажарилди.

Яккабоғлик 34 ёшли бемор аёл Қ.О. 2015 йилдан бери сурункали гломерулонефрит бўйича даволаниб келган. 2016 йилдан бери гемодиализ муолажалари олишга мажбур бўлган аёлга опасининг бир буйраги кўчириб ўтказилди.

Нишонлик 33 ёшли бемор эркак П.А. эса йил бошидан бери гемодиализ сеансини олиб келар эди. Беморга акаси донорлик қилди. Aйни пайтда иккала бемор ва донорларнинг аҳволи яхши. Кўчириб ўтказилган буйраклар меъёрда ишлаяпти. Даво муолажалари стандарт асосида давом эттирилмоқда.

Операцияларни Республика шошилинч тиббий ёрдам илмий маркази ва унинг вилоят филиали малакали жарроҳлари бажаришди. Шундай қилиб, Қашқадарёда амалга оширилган трансплантация операциялари сони 5 тага етди.

ЕНГИЛГАН МАЪНАВИЯТ

asalbonu asalbonu
-
0
ЕНГИЛГАН МАЪНАВИЯТ

Бир пайтлар «Юксак маънавият – енгилмас куч» деб, кўп айтиларди. Биринчи президентимизнинг шундай номли китобидан иқтибослар келтирилиб, маърузалар ўқилар, матбуотда кўп чиқишлар қилинар, тадбирлар ўтказилар эди. Хозир ушбу ибора деярли айтилмаяпти, унутилди. Нима учун? Юксак маъанавият ғалаба қозониб, уни такрорлайвериш ўз долзарблигини йўқотганмикин? 

Асло йўқ. Балки, бунинг акси бўлиб, маънавият енгилди десак, айни ҳақиқатга ўхшайди. Буни ижтимоий тармоқларда Маданият ва туризм вазирлиги ишлаб чиқиб, муҳокамага қўйган Вазирлар Маҳкамасининг “Ишлаб чиқариш корхоналари ходимларининг иш вақти ва дам олиш кунларини мазмунли ўтказиш ҳамда маданий савиясини янада ошириш чора-тадбирлари тўғрисида”ги қарори лойиҳаси юзасидан ижтимоий тармоқларда билдирилган кескин танқидийфикрлар ҳам тасдиқлаб турибди (https://www.facebook.com/kunuznews/posts/pfbid0B1AcDu569dAs7qmSucrmFoJwAgW8qfdrD7xm1ngmF4MUmeseKKXn6smgJ586R1EQl; https://uznews.uz/posts/64752; https://podrobno.uz/cat/obchestvo/vlasti-reshili-okulturit-rabochikh-im-budut-vklyuchat-makomy-v-nachale-i-v-kontse-rabochego-dnya-/).

Лойиҳа шу даражада кўп ва қаттиқ, хатто ҳақоратли сўзлар билан танқид қилиндики, у одатдаги камида 14 кун ўрнига 5 кунгина муҳокама қилинди ва 12 тагина таклифлар билдирилгани ҳолда (асосан танқидий фикрлар – манба:https://regulation.gov.uz/oz/d/79388) муҳокамси якунланган лойиҳалар қаторига киритилди.

Лойиҳада корхоналарга иш куни бошланиши ва тугаши пайтида миллий куй ва қўшиқлар, шу жумладан, мақомнинг эшитилиб туриши амалиётини йўлга қўйиш, ходимларнинг кайфиятига ижобий таъсир қиладиган мусиқий альбом тайёрланиб корхоналарга тақдим этилишини тавсия қилиш; номоддий маданий мероснинг ноёб элементлари намуналаридан иборат маданий тадбирлар дастурларини тайёрлашва намойиш этилишини таъминлаш назарда тутилган эди.

Савол туғилади: бу тавсиялар ва чораларнинг нимаси ёмон?  Иш жараёнида эмас, балки иш бошланиши ва охирида мусиқий фон сифатида,маданий тадбирларда асл санъат асарлари оҳанглари инсонларнинг қалбини яйратиши, руҳий​ хордиқ чиқариши, маънавий озиқа олиши назарда тутилганку!

Афсуслар бўлсинки, воқелик шундан иборатбўлиб қолдики, шоу-бизнесменларнинг сохта маҳсулотлари маънавий хаётимизда асл санъат мусиқий асарлари ўрнини тобора кўпроқ эгаллаб бормоқда… Уларнинг беъмани, савиясиз, бачкана, енгил-елпи мусиқасимон шовқин шаклидаги “ижод” маҳсулотлари теле- радиоканаллар, интернет, ижтимоий тармоқлар, концертлар, оммавий тадбирларлар, тўю-томошалар, кўча-кўйда, кафе-ресторанларда, барча жамоат жойларида тақдим этилиб, тарғиб, реклама қилиниб, инсонларнинг мусиқий дидинитубанлаштирмоқда, улар онгини захарламоқда,маънавиятини емирмоқда.

Маданият ва туризм вазирлиги бундай ачинарли аҳволни юқоридаги қарор билан, у қабул қилинган тақдирда, бироз тузатишни назарда тутган бўлса ажабмас. Аммо, фикримизча, ушбу вазирлик мутасаддилари муаммонинг асл сабаб-оқибатларини ҳалигача тушуниб етганлари йўқ ва шу сабабли ушбу қарор лойиҳасини ҳам анча “хом” ишлаб чиқишган. Лойиҳада вазирликнинг ва нафақат унинг, балки барча маданий-маърифий, ижтимоий ҳаётимизни тартибга солувчи, ташкил қилишга мутасадди бўлган идоралару муассасаларнинг лоқайд (пассив) фаолияти натижасида шаклланган жамоатчилигимизнинг деформациялашган, айниб қолган мусиқий диди,дунёқараши ҳисобга олинмаган. 

Афсуски, жамоатчилигимизда мусиқий санъат соҳасига оддий бизнес, тадбиркорлик шаклларидан бири сифатида  “бозор романтизми”га асосланган қараш устувор бўлиб қолмоқда. Хусусан, нега давлатга қарашли “Наво” реклама телеканали орқали кечаю кундуз бемаъни, одоб-ахлоқ қоидалари, миллий ва умуминсоний қадриятларга зид мусиқий асарлар тижорий асосда эфирга берилмоқда? Нега  “Атрофингда шаҳзодалар кўп. Кел, ўшалар олдида мен ғарибни битта ўп” деб куйланадиган шоу-бизнес маҳсулоти ҳалигача “хит” асар бўлиб қолмоқда? Нега шоу-бизнесменларнинг ва улар жамоаларининг “Жаноб Расул”, “Беном”, “Каниза” деб таҳаллус олиши ва номланишига бефарқ бўлиб қолмоқдамиз? Буларнининг бари шоу-бизнесменларнинг маънавий қашшоқлигидан далолат эмасми?! 

Президентимиз Шавкат Мирзиёев 2017 йил 3 август куни юртимиз зиёлилари билан ўтган учрашувда «Ўзбекистонда адабиёт ва санъат, маданият, оммавий ахборот воситалари, маънавият ва маърифат бизнесга айланмаслиги шарт ва биз бунга ҳеч қачон йўл қўймаймиз», деб алоҳида таъкидлаган эдилар. Назаримда, давлатимиз раҳбарининг ушбу кўрсатмалари  маданий-маърифий, санъат соҳалари ривожига масъул идоралару ижодкор зиёлиларимиз, оммавий ахборот воситалари вакилларию депутатларимиз томонидан ҳалигача англаб етилгани йўқ. 

  Хулоса шундан иборатки, давлатимиз раҳбарининг ушбу кўрсатмаларидан келиб чиқиб,маданий-маърифий, санъат соҳалари ривожига масъул идоралару ижодкор зиёлиларимиз, оммавий ахборот воситалари вакилларию депутатларимизолдида мусиқа санъати соҳасида фаолият юритиш қоидаларини белгилаш ва халқимизга маънавий озуқа — асл мусиқий санъат асарларини тақдим этиш  бўйича фаол иш олиб бориш, аниқ, пухта ўйланган чора-тадбирларни тизимли равишда амалга ошириш вазифаси турибди. Муаллифнингбу борадаги таклифлари бирнеча йил олдин “Hurriyat” газетасид эълон қилинган танқидий-таҳлилий мақолаларида баён этилган эди.

Фарҳод Қурбонбоев, 

иқтисод фанлари номзоди.

Ўзбекистон 8 та давлатдан музқаймоқ импорт қилган

Hayrulla Kasimov
-
0
Ўзбекистон 8 та давлатдан музқаймоқ импорт қилган

Статистика агентлигининг дастлабки маълумотларига кўра, 2023 йилнинг январь-май ойларида Ўзбекистон 8 та хорижий давлатлардан қиймати 3,5 млн АҚШ долларига тенг бўлган музқаймоқ ва музқаймоқ маҳсулотларини импорт қилган.

Музқаймоқ ва музқаймоқ маҳсулотлари импорти 2022 йилнинг мос даври билан солиштирилганда 158 тоннага ошган.

2023 йилнинг 5 ойида Ўзбекистонга импорт қилинган музқаймоқ ва музқаймоқ маҳсулотларинининг энг катта улушига эга бўлган давлатлар:

  • Россия – 458 тонна
  • Қозоғистон – 164 тонна
  • Беларусь Р. – 36 тонна
  • Қирғиз Р. – 33 тонна
  • Эстония – 27 тонна
  • Литва – 8,6 тонна
  • Франция – 7,4 тонна.

Олимлар одамлар сукунатни эшитиши мумкинлигини исботладилар

Hayrulla Kasimov
-
0
Олимлар одамлар сукунатни эшитиши мумкинлигини исботладилар

Жонс Хопкинс университети тадқиқоти одамлар сукунатни эшита олмайди деган фикрни рад этди. Уларнинг топилмаларига кўра, мия худди товушларни қайта ишлаганидек сукунатни қайта ишлайди, шунинг учун у “суҳбатдаги ноқулай пауза, момақалдироқлар орасидаги кескин бўшлиқ ёки мусиқий спектакл охиридаги сукунатга” катта эътибор беради.

Олимлар минглаб кўнгиллилар иштирокида еттита тажриба ўтказдилар. Маълумки, битта узлуксиз сигнал одамларга кетма-кет иккита сигналдан узоқроқ кўринади, гарчи аслида улар бир хил давомийликка ега. Муаллифларнинг фаразларига кўра, мия сукунатга худди шундай жавоб беради — битта доимий пауза иккита алоҳида паузадан узоқроқ кўринади.
Тажриба иштирокчилари пойезд шовқини, гавжум ресторан, бозор, болалар майдончаси ёки оқ шовқин фонида битта ва такрорий пауза ўйнашди. Кўнгиллилар битта паузани узоқроқ деб ҳисоблашди, бу аудио сигналларни тинглашда бўлгани каби реаксияни кўрсатди

Бутунжаҳон туризм ташкилоти (UNWTO) Бош котиби Зураб Пололикашвили Ўзбекистонга ташриф буюрди

asalbonu asalbonu
-
0
Бутунжаҳон туризм ташкилоти (UNWTO) Бош котиби Зураб Пололикашвили Ўзбекистонга ташриф буюрди

Юқори мартабали меҳмонни Ислом Каримов номидаги Тошкент халқаро аеропортида УНWТО ишчи комиссияси раиси ўринбосари, Экология вазири Азиз Абдуҳакимов кутиб олди.

Ташриф давомида жорий йилнинг 16-20-октябр кунлари Самарқандда бўлиб ўтадиган УНWТО Бош ассамблеясининг юбилей 25-сессиясига тайёргарлик жараёнлари билан танишиш мақсад қилинган. 

Таъкидлаш жоизки, ушбу кенг кўламли тадбир доирасида УНWТО Бош котиби Зураб Пололикашвилининг ташаббуси билан Самарқанд шаҳрига “Жаҳон маданий туризм пойтахти” мақомини бериш тўгʻрисида UNWTO Бош Ассамблеясининг Махсус резолютсияси қабул қилиниши режалаштирилган.

УНWТО делегатсиясининг Тошкент ва Самарқандга ташрифи 16-июлгача давом этади.

📌Сўнги янгиликлардан биздинг телеграм каналимизда хабардор бўлинг : nuzuzb

Ўзбекистонда нечта тиббиёт муассасаси бор?

Hayrulla Kasimov
-
0
Ўзбекистонда нечта тиббиёт муассасаси бор?

Статистика агентлигининг маълумотларига кўра, 2023-йил 1-январ ҳолатига кўра, амбулатория-поликлиника муассасалари сони 7010 тани ташкил этган.

Шимолий Корея AҚШ таҳдидидан сўнг қитъалараро баллистик ракета учирди

Hayrulla Kasimov
-
0
Шимолий Корея AҚШ таҳдидидан сўнг қитъалараро баллистик ракета учирди

Шимолий Корея қитъалараро баллистик ракета (ИCБМ) учирди, деб тахмин қилмоқда Япония ва Жанубий Корея расмийлари.

Узоқ масофага учувчи ракета чоршанба куни эрталаб Япония сувларига етмасдан қўнгунга қадар бир соатдан кўпроқ вақт давомида учиб ўтди. Пхеняннинг учирилиши AҚШ жосуслик самолётларининг яқинда ўз ҳудудига бостириб кириши учун ўч олиш билан таҳдид қилганидан кейин содир бўлди.

AҚШ шу ҳафта бошида бундай самолётларни уриб тушириш билан таҳдид қилган эди. Вашингтон бу айбловларни рад этиб, ҳарбий патруллари халқаро қонунларга мос келишини айтди.

Жанубий Кореяда илк бор эгизак пандалар дунёга келди

Hayrulla Kasimov
-
0
Жанубий Кореяда илк бор эгизак пандалар дунёга келди

Сешанба куни Жанубий Кореяда йирик панда биринчи марта эгизак туғди. Чақалоқлар — иккаласи ҳам урғочи — бир неча соатлик фарқ билан, бирининг вазни 180 грамм , иккинчиси еса 140 грамм туғилган. Эверланд ҳайвонот боғининг айтишича, она Aи Бао туғруқни яхши ўтказган.

ТАЪМИРЛАШ ИШЛАРИ ТУФАЙЛИ ЧИЛОНЗОР, ЯШНОБОД, ОЛМАЗОР ВА МИРЗО УЛУҒБЕК ТУМАНЛАРИНИНГ БАЪЗИ ҲУДУДЛАРИДА ГАЗ ТАЪМИНОТИ ВАҚТИНЧАЛИК ТЎХТАТИЛАДИ

asalbonu asalbonu
-
0
ТАЪМИРЛАШ ИШЛАРИ ТУФАЙЛИ ЧИЛОНЗОР, ЯШНОБОД, ОЛМАЗОР ВА МИРЗО УЛУҒБЕК ТУМАНЛАРИНИНГ БАЪЗИ ҲУДУДЛАРИДА ГАЗ ТАЪМИНОТИ ВАҚТИНЧАЛИК ТЎХТАТИЛАДИ

Тошкент шаҳри Чилонзор, Яшнобод, Олмазор ва Мирзо Улуғбек туманларининг баъзи ҳудудларида олиб бориладиган таъмирлаш ишлари туфайли 2023 йил 12 июл куни қуйидаги табиий газ истеъмолчиларида газ таъминоти вақтинчалик тўхтатилади:

Соат 10:00 дан 16:00 га қадар:

Чилонзор тумани

Аҳоли истеʼмолчилар:

— Муқимий кўчаси 20А, 20Б, 20В қўп қаватли уйлардаги хонадонлар 220 та

Улгуржи истеъмолчилар:

— Новвойхона 1 та

— Ошхона 1 та

Соат 10:00 дан 17:00 га қадар:

Яшнобод тумани

Аҳоли истеъмолчилар:

— Ф.Йўли кўчасидаги 3 та 2 қаватли уйлардаги жами 67 та хонадонлар.

Улгуржи истеъмолчилар:

— Ф.Йўли кўчаси 8 та улгуржи истеъмолчилар.

— Тандур миллий таомлари

— Асосий қўлқон заводи

Олмазор тумани

Аҳоли истеъмолчилар:

— 4-берк Сағбон кўчасида ерли хонадонлар 50 та

Улгуржи истеъмолчилар:

— Сағбон кўчасида улгуржи истеъмолчилар 5 та.

Соат 10:00 дан 18:00 га қадар:

Мирзо Улуғбек тумани

Улгуржи истеъмолчилар: — ТТЗ кичик промзонасидаги 12 та улгуржи истеъмолчилар

📌Сўнги янгиликлардан биздинг телеграм каналимизда хабардор бўлинг : nuzuzb

Сунъий интеллект 2100 йилга келиб Ер учун 4000 та иқлим фалокатини башорат қилди

Hayrulla Kasimov
-
0
Сунъий интеллект 2100 йилга келиб Ер учун 4000 та иқлим фалокатини башорат қилди

Мутахассислар иқлим ва иқтисодий моделларни боғладилар ва катта ҳисоблаш қувватига эга қурилмага ишлаб чиқдилар: ҳар хил турдаги энергияни ишлаб чиқариш ва улардан фойдаланиш бўйича 1200 технология ҳақида маълумотлар, усуллар ҳақида маълумот иссиқхона газлари чиқиндиларини камайтириш, аҳоли сони, энергия технологиялари нархи ва бошқалар.

Натижада, компютер дунёнинг 15 та минтақаси учун 2100 йилгача бўлган иқлим ҳалокатларининг тўрт мингта сенарийсини яратди. Сенарийларнинг 70 фоизида 2028 йилга келиб сайёрадаги ҳаво ҳарорати 1,5 даражага кўтариладиган вазиятни беради. Бу кўрсаткич ҳали ҳам инсоният учун хавфсиз, аммо унинг ортиқча бўлиши қайтариб бўлмайдиган ва ҳалокатли оқибатларга олиб келади, деб огоҳлантирмоқда олимлар. Science Direct маълумотларига кўра, улар глобал исишни назорат остида ушлаб туриш учун чоралар кўришга чақирдилар.

«Темир дафтар» рўйхатидаги шахсларга қайдан имтиёзлар берилади

Hayrulla Kasimov
-
1
«Темир дафтар» рўйхатидаги шахсларга қайдан имтиёзлар берилади

“Темир дафтар”га киритилган оила аъзолари ишга жойлаштирилади

  • мавжуд вакансия ва захира (квота) иш ўринларига ишга жойлаштириш ҳамда ҳақ тўланадиган жамоат ишларига жалб қилиш;
  • қишлоқ хўжалиги бўлимлари билан биргаликда кооперативларга жалб этиш, ғалладан бўшаган ерларда такрорий экин экиш ва оборотдан чиқиб кетган ерларни ўзлаштириш ҳисобига бандликни таъминлаш;
  • касб-ҳунар ва тадбиркорликка ўқитишни ташкил этиш, тадбиркорлик ва ҳунармандчиликка жалб этиш, ўзини ўзи мустақил равишда банд қилишни ривожлантиришга доир фаолиятни ташкил этиш орқали бандликка кўмаклашиш;
  • қурилиш объектларига ишга жойлаштириш.
  • 2. Томорқадан даромад манбаи сифатида фойдаланиш учун кўмаклашилади
  • “Темир дафтар”га киритилган оилаларда қуйидаги йўналишларда кўмаклашилади:
  • енгил конструкцияли иссиқхоналар ўрнатиш;
  • парранда, асалари, қуён, балиқ ва бедана боқишни йўлга қўйиш;
  • “Томорқа хизмати” ташкилотлари ва “Дала дўконлари”ни ташкил этиш.
  • “Темир дафтар”га киритилган оилаларга деҳқончилик билан шуғулланиш учун янги ўзлаштирилган, лалми, фойдаланилмаётган ер майдонларида 0,1 гектардан 1 гектаргача ер участкаларини очиқ электрон танлов асосида ижарага бериш, ажратилган ер майдонларини суғориш тизими (артезиан қудуқлар, томчилатиб суғориш тизими ва бошқалар) ва электр энергияси билан таъминлаш, берилган ерларни ўзлаштириш учун (ер ҳайдаш, уруғ, кўчат харид қилиш ва бошқалар) субсидия ажратиш ишлари амалга оширилади.
  • 3. Тадбиркорликка жалб қилинади
  • Оилавий тадбиркорлик дастурлари орқали қуйидаги хизматлар кўрсатилади:
  • бизнес лойиҳаларни ҳудудларнинг ўзига хос хусусиятларини инобатга олган ҳолда тузишни ўргатиш;
  • оилавий тадбиркорликни ривожлантириш дастурлари доирасида кредит олишга кўмаклашиш;
  • кредит ажратилгандан сўнг кам таъминланган, ижтимоий ҳимояга муҳтож оилалар тадбиркорлигини ривожлантиришни доимий қўллаб-қувватлаш.
  • Кредитлар “Темир дафтар”га киритилган ва тадбиркорлик билан шуғулланиш истагида бўлган фуқароларнинг тадбиркорлигини йўлга қўйиш ва ривожлантиришга йўналтирилади.
  • 4. Моддий ёрдам кўрсатилади
  • Халқ депутатлари туман (шаҳар) Кенгаши томонидан тасдиқланган рўйхатлар асосида бир марталик моддий ёрдам берилиши мумкин.
  • Бир марталик моддий ёрдамни тўлаш учун оилаларнинг эҳтиёжмандлик даражасидан келиб чиқиб (ҳар бир фуқаронинг фамилияси, исми, отасининг исми, паспорт серияси ва рақами кўрсатилган ҳолда) бир марталик моддий ёрдам бериш миқдорлари кўрсатилган рўйхат туман (шаҳар) ҳокимлигига тақдим этилади.
  • Тасдиқланган бир марталик моддий ёрдам тўловлари ҳар ойнинг 5 — 27-кунларида амалга оширилади.
  • Бир марталик моддий ёрдам ажратиш календарь йил давомида бир марта амалга оширилади.
  • 5. Тиббий хизмат кўрсатилади
  • Кам таъминланган, ижтимоий ҳимояга муҳтож оилаларга тиббий хизмат кўрсатиш қуйидаги тартибда амалга оширилади:
  • тиббий ёрдамга муҳтож оилалар бошқарув офиси томонидан тегишли тиббиёт ходимини жалб қилинган ҳолда ўрганилади;
  • ўрганиш натижаси бўйича касаллиги аниқланган ва тиббий ёрдамга муҳтож оила аъзолари тиббий кўрикдан ўтиш учун туман (шаҳар) тиббиёт бирлашмаси кўп тармоқли марказий поликлиникасига юборилади;
  • тиббий кўрик натижаси юзасидан кўрсатма бўйича оила аъзолари туман (шаҳар) тиббиёт бирлашмасида стационар ёки амбулатория шароитда даволанади;
  • ногиронлик белгилари аниқ намоён бўлган беморлар белгиланган тартибда кўрикдан ўтиш учун Тиббий-меҳнат эксперт комиссияларига юборилади.
  • “Темир дафтар” қандай шакллантирилади?
  • “Темир дафтар”га қуйидаги тоифадаги оилалар киритилади:
  • кам таъминланган оила, деб эътироф этилган оилалар;
  • ижтимоий ёрдамга муҳтож I ва II гуруҳ ногиронлиги бўлган аъзолари мавжуд оилалар;
  • кам таъминланган якка-ёлғизлар ва кексалар;
  • боқувчисини йўқотган эҳтиёжманд оилалар;
  • кўп (4 ва ундан ортиқ) фарзандли моддий кўмакка муҳтож оилалар;
  • меҳнатга лаёқатли ишсиз аъзолари мавжуд эҳтиёжманд оилалар;
  • тиббий ёрдамга муҳтож эҳтиёжманд оилалар (сурункали ёки оғир ногиронликка олиб келувчи касалликка чалинган ва ногиронлик гуруҳи белгиланмаган аъзолари мавжуд етарли даромад манбаига эга бўлмаган оилалар);
  • нотурар жойларда истиқомат қилаётган, ўзи ёки биргаликда яшовчи оила аъзоларининг номида турар жой бўлмаган эҳтиёжманд оилалар.

2025 йилда Бухорода илк Биеннале бўлиб ўтади.

asalbonu asalbonu
-
0
2025 йилда Бухорода илк Биеннале бўлиб ўтади.

Бухорода Биенналени ўтказиш юқори мақсадларимиздан бири — Ўзбекистоннинг халқаро санъат ҳамжамиятига қўшилиши ҳамда унинг жаҳон миқёсида маданий-тарихий нуфузини юксалтиришда муҳим аҳамиятга эга.

Биеннале ташкил этиш ва ўтказиш асносида маҳаллий ва хорижий усталар ҳамда ижодкорларнинг мулоқот қилиш имкониятлари яратилади. Бу эса мутахассислар ўртасида тажриба алмашишга, шунингдек, анъанавий ҳунармандчилик салоҳиятларини замонавий руҳда очиб беришга замин яратади.

Олдимизда ушбу лойиҳани амалга ошириш вазифаси турибди. Ишонаман, Бухорода илк Биенналени ўтказиш халқаро ҳамжамият эътиборини қозонади ҳамда қадимий ва тарихий шаҳримизни мутахассис ва сайёҳлар томонидан янада кенгроқ кашф этилишига ёрдам беради.

📌Сўнги янгиликлардан биздинг телеграм каналимизда хабардор бўлинг : nuzuzb

Қорақалпоғистон Республикаси Вазирлар Кенгаши ҳузурида Маданиятни қўллаб-қувватлаш жамғармаси ташкил этилади

Hayrulla Kasimov
-
0
Қорақалпоғистон Республикаси Вазирлар Кенгаши ҳузурида Маданиятни қўллаб-қувватлаш жамғармаси ташкил этилади

Ўзбекистон Республикаси Президентининг “Қорақалпоғистон Республикаси Вазирлар Кенгаши ҳузурида Маданиятни қўллаб-қувватлаш жамғармасини ташкил этиш тўғрисида”ги қарорига мувофиқ, Қорақалпоғистон Республикаси Вазирлар Кенгаши ҳузурида Маданиятни қўллаб-қувватлаш жамғармаси ташкил этилади.

Жамғарма маблағлари  Қорақалпоғистон Республикаси  республика бюджетининг қўшимча манбалари ҳамда Қорақалпоғистон Республикаси  (шаҳар)ларининг маҳаллий бюджетларида шаклланган қўшимча манбалар ҳисобидан ҳар чоракда ажратиладиган маблағлар;

халқаро молия ташкилотлари ва хорижий давлатлар грантлари ҳамда техник кўмак маблағлари;

Жамғарманинг вақтинча бўш турган маблағларини тижорат банкларидаги депозитларга жойлаштиришдан олинадиган даромадлар;

давлат-хусусий шериклик асосида олинадиган даромадларнинг тақсимланишидан тушадиган маблағлар;

жисмоний ва юридик шахсларнинг ҳомийлик хайриялари;

қонунчилик ҳужжатларида тақиқланмаган бошқа манбаларидан ташкил топади.

Жамғарма маблағларидан маданият ва санъат соҳаси вакиллари, иқтидорли ижодкорларни, айниқса, ёшларни моддий қўллаб-қувватлаш;

оғир иқтисодий вазиятга тушиб қолган, ижтимоий ҳимояга муҳтож маданият ва санъат ходимларини аниқлаш, уларга манзилли ижтимоий ва моддий ёрдам кўрсатиш тадбирларини ташкил этиш ҳамда молиялаштириш;

маданият ва санъат ташкилотлари фаолиятини моддий қўллаб-қувватлаш:

ижодкорлар, ижодий ва бадиий жамоаларнинг маҳаллий ва хорижий гастроль сафарларини ташкил этиш;

маданият ташкилотлари бинолари ва объектларида қурилиш-монтаж ишларини олиб бориш, уларнинг фаолиятига замонавий ахборот технологиялари ва илғор инновацияларни жорий этиш;

қонунчилик ҳужжатларида назарда тутилган бошқа харажатларни қоплашда фойдаланилади. Маданият ва туризм вазирлиги Жамғармага Ўзбекистон Республикаси республика бюджетидан 2023 йил учун Маданият ва туризм вазирлигига ажратилган маблағлар ҳисобидан 20 миллиард сўм ажратади.

12.07.2023 кунидаги кутилаётган об-хаво маълумоти

Hayrulla Kasimov
-
0
12.07.2023 кунидаги кутилаётган об-хаво маълумоти

Ўзбекистон Республикаси Гидрометеорология хизмати агентлигининг хабар беришича, 12 июль куни Тошкентда ҳаво бироз булутли бўлади, ёғингарчилик бўлмайди. Шарқдан секундига 3-8 метр тезликда шамол эсади. Кечаси 24-26 даража илиқ, кундузи 39-41 даража иссиқ бўлади.

ХВЖ ва ОТБ миссияси Ўзбекистон солиқ маъмуриятчилигининг ҳолатини баҳолайди

asalbonu asalbonu
-
0
ХВЖ ва ОТБ миссияси Ўзбекистон солиқ маъмуриятчилигининг ҳолатини баҳолайди

Жорий йилнинг 10-июл куни Ўзбекистон Республикаси Иқтисодиёт ва молия вазири ўринбосари Дилшод Султонов Винсент де Пол Кукпайзан бошчилигидаги Халқаро валюта жамғармаси (ХВЖ) ва Осиё тараққиёт банки (ОТБ) фискал департаменти вакиллари билан учрашди.

 Миссия таркиби ХВЖ ходимлари Стефан Весперманн, Жон Миддлтон ҳамда ОТБ ходимлари Нажам Жавайд ва Го Нагаталардан иборат бўлди.

Учрашувда ТАДАТ орқали Ўзбекистон солиқ маъмуриятини баҳолаш бўйича ХВЖ ва ОТБ қўшма миссиясининг асосий йоналишлари муҳокама қилинди.

 Миссиянинг асосий мақсади солиқ маъмурияти ҳолатини диагностик баҳолаш (ТАДАТ) бўлиб, унинг доирасида солиқ маъмуриятининг кучли ва заиф томонлари, шунингдек, кейинги ислоҳот ва ҳаракатлар кетма-кетлиги дастури аниқланади.

Солиқ тизимини баҳолашда маълумотларнинг тўғрилигини максимал даражада ошириш мақсадида жойларда солиқ маъмуриятчилиги ҳолатини ўрганиш учун ишчи миссиялар ташкил этиш ҳам таклиф қилинди.

Ўз навбатида, Винсент Де Пол Кукпайзан Дилшод Султоновга ва Иқтисодиёт ва молия вазирлигига самимий қабул учун миннатдорчилик билдирди.

 Учрашув якунида томонлар миссия давомида юзага келган масалаларни ўз вақтида ҳал қилиш учун қўшимча учрашувлар ташкил этишга келишиб олдилар. Маълумот учун: ТАДАТ — бу тўққизта фаолият соҳасини ҳисобга олган ҳолда мамлакат солиқ маъмурияти тизимининг асосий таркибий қисмларининг кучли ва заиф томонларини обектив баҳолашни таъминлаш учун мўлжалланган восита. Баҳолаш натижалари талаб қилинадиган ислоҳотлар кўламини ва эътиборни талаб қиладиган нисбий устуворликларни кўрсатади.

📌Сўнги янгиликлардан биздинг телеграм каналимизда хабардор бўлинг : nuzuzb

Регистон “Бутунжаҳон туристик жозибадор объектлар” ташкилоти рўйхатидан жой олди

Hayrulla Kasimov
-
0
Регистон “Бутунжаҳон туристик жозибадор объектлар” ташкилоти рўйхатидан жой олди

Самарқандда “Бутунжаҳон туристик жозибадор объектлар” ташкилоти рўйхатига кирган объектлар сертификатларини топшириш маросими ўтказилди.

Тадбирда Евроосиё иқтисодий ҳамкорлик ташкилоти Бош котиби Владимир Пискурев, Самарқанд вилояти ҳокими ўринбосари Р.Қобилов ва бошқалар мазкур рўйхат ва унинг аҳамияти ҳақида сўз юритди.

2017 йилнинг 7 ноябрь куни Туркиянинг Анталия шаҳрида бўлиб ўтган Евроосиё Маданият, фан ва таълим кенгашининг иккинчи сессиясида “Жамиятлар, халқлар ва миллатларнинг барқарор ривожланиши учун туристик диққатга сазовор жойларни рағбатлантириш тўғрисида”ги Конвенция қабул қилинган. Конвенцияни амалга ошириш доирасида туризмнинг жозибадорлиги ва туризмни барқарор ривожлантириш бўйича халқаро қўмита тузилди.

Халқаро қўмита фаолиятининг асосий масалаларидан бири туристик диққатга сазовор жойларни оммалаштириш, жамиятлар, халқлар ва миллатларнинг барқарор ривожланиши йўлида туристик ҳудудларни тарғиб қилишдан иборат.

– Халқаро қўмита “Туристик диққатга сазовор жойларнинг жаҳон рўйхати”ни тузади, янгилайди ва глобал Интернетда эълон қилади, айниқса қимматли моддий, номоддий ва табиий туристик диққатга сазовор жойлар рўйхатини эълон қилади, – деди Р.Қобилов. – Муайян объектни махсус туристик диққатга сазовор жойларнинг жаҳон рўйхатига киритиш тўғрисидаги қарор халқаро қўмита сессиясида овоз бериш йўли билан қабул қилинади. Бугунги кунга қадар мазкур ташкилотга хорижий мамлакатларнинг 198 шаҳарларидаги моддий ва номоддий мерос объектлари аъзо ҳисобланади.

– ЮНЕСКО томонидан бутунжаҳон моддий ва номоддий мероси рўйхатга олиниб, ҳимоя қилинади, – дейди Евроосиё иқтисодий ҳамкорлик ташкилоти Бош котиби Владимир Пискурев. – Биз тузадиган рўйхат ҳам буни тўлдирадиган, дунёдаги энг эътиборли туристик объектларни тарғиб этиш, асраб-авайлашга хизмат қиладиган ҳаракат. Эътиборлиси, бунда туризм учун жозибадор объектларни сайёҳлар белгилайди. Айни пайтда дунё бўйича биз рўйхатга олган объектлар 2200 та. Эндиликда улар қаторига Самарқанддаги Регистон ансамбли ва Шоҳи Зинда ёдгорлик мажмуаси қўшилди. Тўрт йил давом этган овоз бериш жараёнида 198 давлатдаги сайёҳларни ушбу обидаларга жуда юксак баҳо берди. Айниқса, овоз берганларнинг 50 фоиздан ортиғи Регистонни дунёдаги биринчи туристик объект бўлиши керак деган фикрни билдирди.

Бутунжаҳон туристик жозибадор объектлар ташкилоти рўйхатига кирган маданий мерос объектларини CNN, Euronews, BBC, Sinxua, SNN каби дунёга машҳур 900 та агентлик тарғибот қилмоқда.

Президент Шавкат Мирзиёев раислигида видеоселектор йиғилиши бошланди.

asalbonu asalbonu
-
0
Президент Шавкат Мирзиёев раислигида видеоселектор йиғилиши бошланди.

Йиғилишда йил бошида режа қилинган хорижий сармояларни ўзлаштириш вазифаларининг ижроси кўриб чиқилди.Бу йилги инвестиция ва ҳудудий дастурлар доирасида жами 20 миллиард доллар хорижий сармояларни ўзлаштириш бўйича катта марралар белгиланган эди.

Бу борадаги ижобий тажриба сифатида ўтган олти ойда Андижон шаҳри, Булоқбоши, Ромитан, Ғаллаорол, Фориш, Кармана, Давлатобод, Чуст, Каттақўрғон, Сирдарё туманларининг ҳар бири 50 миллион доллардан кўп тўғридан-тўғри инвестиция олиб келингани қайд этилди.

Натижада ушбу туманларда жами 50 мингта янги иш ўринлари, қўшимча 1 триллион сўм тушум пайдо бўлди.

Лекин Амударё, Қўрғонтепа, Бухоро, Миришкор, Чироқчи, Хатирчи, Пайариқ, Оқолтин, Гулистон, Оққўрғон туманлари, Навоий ва Янгийўл шаҳарларида бу кўрсаткичлар пастлиги, инвестиция муҳити қониқарсизлиги танқид қилинди.

Президент ушбу туман ва шаҳар ҳокимларини лавозимидан озод қилиш бўйича топшириқ берди.

Бош прокуратура ва Ҳисоб палатасига ушбу ҳокимлар фаолиятини ўрганиб, қонун устуворлигини таъминлаш топширилди.

📌Сўнги янгиликлардан биздинг телеграм каналимизда хабардор бўлинг : https://t.me/nuzuzb

Ўзбекистонда магистратурада кимлар кўпроқ тахсил олади эркаклар ёки аёллар

Hayrulla Kasimov
-
0
Ўзбекистонда магистратурада кимлар кўпроқ тахсил олади эркаклар ёки аёллар

Магистратурага ҳужжат топширганлар сони 3,2 минг нафарни ташкил этди. Уларнинг 69 фоизини аёллар ташкил этади, деб хабар қилди Олий таълим, фан ва инновациялар вазирлиги матбуот хизмати.

Эркак ва аёл абитуриентларнинг аксарияти Тошкент (1,2 минг), Бухоро (333) ва Фарғона (238)дан келган. Республика олий таълим муассасаларида жами магистратура йўналишлари сони 17,1 мингтани ташкил этди, 8,9 минг киши грант асосида ўқиши мумкин бўлади.

Марказий сайлов комиссияси сайлов натижаларини тасдиқлади

Hayrulla Kasimov
-
0
Марказий сайлов комиссияси сайлов натижаларини тасдиқлади

Ўзбекистон Республикаси Марказий сайлов комиссиясининг мазкур мажлисида 2023 йил 9 июль куни бўлиб ўтган муддатидан илгари Ўзбекистон Республикаси Президенти сайлови натижалари тўғрисидаги масала кўриб чиқилди.

Қайд этилганидек, Ўзбекистон Республикаси Президенти сайловида сайловчилар рўйхатига киритилган фуқароларнинг 15,6 миллиондан зиёди ёки қарийб 80 фоизи ўз хоҳиш-иродасини эркин ифода этиб, ўзи муносиб деб билган номзодга овоз берди.

Мажлисда 2023 йил 9 июль куни ўтказилган Ўзбекистон Республикаси Президенти сайлови якунлари бўйича баённома тузилди ҳамда сайлов натижаларини тасдиқлаш тўғрисида қарор қабул қилинди.

Жумладан, сайловда овоз беришда иштирок этган сайловчиларнинг 87,05 фоиз овози билан Шавкат Миромонович Мирзиёев Ўзбекистон Республикаси Президенти лавозимига сайланганлиги тўғрисида қарор қабул қилинди.

Шунингдек, Ўзбекистон “Адолат” социал-демократик партиясидан номзод Робахон Анваровна Маҳмудовага сайловчиларнинг 4,43 фоизи, Ўзбекистон Халқ демократик партиясидан номзод Улуғбек Илёсович Иноятовга 4,02 фоизи ва Ўзбекистон Экологик партиясидан номзод Абдушукур Худойқулович Ҳамзаевга 3,74 фоизи ёқлаб овоз берилганлиги баённомада акс эттирилди.

Бундан ташқари, мажлисда муддатидан илгари Ўзбекистон Республикаси Президенти сайловига тайёргарлик кўриш ва уни ўтказиш даврида Марказий сайлов комиссиясига келиб тушган мурожаатлар тўғрисидаги масала ҳам кўриб чиқилди ва тегишли қарор қабул қилинди. 

Айрим импорт спорт товарларига божхона божида 50 фоизгача имтиёз берилади

Hayrulla Kasimov
-
0
Айрим импорт спорт товарларига божхона божида 50 фоизгача имтиёз берилади
Олий Мажлис Қонунчилик палатасидаги Тадбиркорлар ва ишбилармонлар ҳаракати — Ўзбекистон Либерал-демократик партияси фракциясининг навбатдаги йиғилишида фракция аъзолари “Ўзбекистон Республикасининг Божхона кодексига қўшимча киритиш тўғрисида”ги қонун лойиҳасини иккинчи ўқишда кўриб чиқди.

Ушбу қонун лойиҳасида божхона божидан озод этиш тарзидаги тариф имтиёзлари қандай тартибда берилиши бўйича аниқлик киритилди. Унга кўра, Ўзбекистон Республикасида ишлаб чиқарилмайдиган спорт кийимлари, ашёлари, оёқ кийимлари, спорт анжомлари, жиҳозлар ҳамда ускуналарни Миллий олимпия ва паралимпия қўмиталари, олимпия ҳамда паралимпия спорт турлари бўйича федерациялар таклифига асосан Ўзбекистон Республикаси Ёшлар сиёсати ва спорт вазирлиги томонидан шакллантирилган рўйхат асосида давлат ҳамда нодавлат спорт-таълим ташкилотлари томонидан ўз эҳтиёжлари учун хориждан импорт қилинганда, божхона божини тўлашда 50 фоизга қадар имтиёз берилиши белгиланмоқда.  Фракция аъзолари қонун лойиҳаси муҳокамасига партия мақсад ва вазифаларидан келиб чиққан ҳолда ёндашиб, ўз фикр-мулоҳазаларини, таклиф ва тавсияларини билдирди. 

Депутатлар қонун лойиҳасининг қабул қилиниши давлат ва нодавлат спорт-таълим муассасаларида олимпия ва паралимпия спорт турлари бўйича спортчиларни тайёрлаш ва уларнинг давлат томонидан қўллаб-қувватланишига эришилишини алоҳида таъкидлади. Шундан келиб чиқиб, лойиҳани маъқуллади. Деб ҳабар бермоқда UzA нашри.

1...172173174...467Страница 173 из 467

Подпишитесь на нас

51,905участниковМне нравится
22,962участниковЧитать
6,240участниковПодписаться

Статистика

ГАЗЕТА ҲАҚИДА

ИЖТИМОИЙ ТАРМОҚЛАР

Владелец сайта - ООО "Media Biznes". Свидетельство № 1038 выдано Узбекским агентством по печати и информации

×