Эрон полицияси аёлларнинг кийиниш қоидаларига риоя қилишлари ва жамоат жойларида сочларини ёпиб қўйишларини таъминлаш учун зиддиятли патрулларни қайта бошлайди, дея хабар беради давлат матбуоти.
«Aхлоқ полицияси» Эроннинг ҳижоб қонунларини бажариш учун кўчага қайтади, деди якшанба куни матбуот котиби.
Бу Маҳса Aмини исмли ёш аёл Теҳронда кийиниш қоидаларини бузганликда айбланиб ҳибсга олинганидан кейин ҳибсда вафот этганидан 10 ой ўтиб содир бўлди. Унинг ўлими оммавий норозиликларга сабаб бўлди ва патруллар тўхтатилди.
Бироқ, исломий қаттиққўл тарафдорлар маълум вақтдан бери патрулларни қайта бошлашни талаб қилишмоқда.
Мамлакатда шариат талқинига асосланган Эрон қонунларига кўра, аёллар сочларини ҳижоб (рўмол) билан ўрашлари, қоматларини яшириш учун узун ва кенг кийим кийишлари шарт.
Aхлоқ полицияси бўлимига ушбу қоидаларга риоя қилинишини таъминлаш ва «нотўғри» кийинган деб ҳисобланган одамларни ҳибсга олиш вазифаси юкланган.
Полиция матбуот котиби Саид Монтазеролмаҳдийнинг сўзларига кўра, патрул пайтида зобитлар биринчи навбатда қоидаларга риоя қилмаган аёлларни огоҳлантирадилар.