Президент фармони билан битирувчи курсдаги юридик олий таълим муассасалари талабаларига жорий йилнинг 1 сентябридан ўқишдан бўш вақтда адвокатнинг ёрдамчиси сифатида ишлашга рухсат берилади.
Республика ишчи гуруҳи Хоразмда
Давлатимиз раҳбари топшириғига асосан тузилган Республика ишчи гуруҳи Хоразм вилоятида ўз фаолиятини давом эттирмоқда.
Президент Халқ қабулхоналарига аҳолидан келиб тушаётган мурожаатлар, уйма-уй юриб ўрганишлар асосида жойларда ижтимоий инфратузилма ҳолатини яхшилаш мақсадида қатор амалий ишлар бажарилди.
Жумладан, ички йўлларнинг 10,9 км йўл таъмирланди. Шундан, 1,2 км йўл шағаллаштирилди, 9,6 км йўлга асфальт ётқизилди. Электр таъминотини яхшилаш мақсадида 105 та темир бетон таянчлар, 4 та трансформатор ўрнатилди, 1 та трансформатор катта қувватлисига алмаштирилди, 6,7 км тармоқ тортилди. Аҳолига қўшимча 305,4 тонна суюлтирилган етказиб берилди. Ичимлик суви таъминотини яхшилаш мақсадида 23,9 км сув тармоқларини ётқизиш, 2 та сув иншооти реконструкция қилиш, 4 та сув йиғиш резервуари ва 2 та трансформатор ўрнатилди.
Вилоятдаги 25 та кўп қаватли уйларда таъмирлаш ишлари амалга оширилди. Жумладан, 17 та уйнинг фасад қисмлари, 4 та уйнинг кириш йўлаклари жорий таъмирланди, 2 та уйнинг ертўла қисми тозаланиб, дезинфекция ишлари амалга ошириди, 28 та болалар майдончаси, 10 та уйнинг туташ ҳудудлари ободонлаштирилди.
Тадбиркорликни ривожлантириш мақсадида тижорат банклари томонидан 2 691 нафар фуқаро ва тадбиркорлик субъектларига жами 129,2 млрд. сўм кредит ажратилди. Жумладан, Оилавий тадбиркорликни ривожлантириш дастурлари доирасида 725 нафар фуқарога 16,8 млрд. сўм имтиёзли кредитлар ажратилди.
Жами 370 нафар фуқаронинг бандлигига кўмаклашилди. Шундан,
145 нафар фуқаро доимий ишга жойлаштирилди, 45 нафар фуқаролар ҳақ тўланадиган жамоат ишларига жалб этилди.
Тадбиркорлик ва ўзини ўзи банд қилиш мақсадида фаолиятини бошламоқчи бўлган ишсиз, шу жумладан, “Темир дафтар”, “Аёллар дафтари” ва “Ёшлар дафтари”га киритилган 59 нафар фуқароларга фаолиятини бошлаш учун керак бўлган 42,0 млн. сўмлик асбоб-ускуна ва меҳнат қуроллари субсидия асосида олиб берилди.
Соғлиқни сақлаш, таълим, хотин-қизлар, ёшлар масалалари ҳам Республика ишчи гуруҳи эътибори марказида бўлди.
Жумладан, Янгиариқ тумани “Ширшоли”, Урганч шаҳар “Навбаҳор”, Боғот тумани “Саҳоват”, Хонқа тумани “Дурвадик”, Урганч тумани “Бободеҳқон” маҳаллаларида ўтказилган тиббий кўриклар доирасида 3 345 нафар фуқаролар қамраб олинди. 1 578 нафар фуқарода турли касалликлар аниқланган бўлиб, 134 нафарига шифохоналарга даволаниш учун йўлланмалар берилди. Эҳтиёжманд беморларнинг 313 нафарига бепул дори-дармон тарқатилди. 3 нафар фуқарода юқори технологик жарроҳлик амалиёти ўтказилди.
Янгиариқ тумани “Ширшоли”, Боғот тумани “Бўка”, “Саҳоват”, Хонқа тумани “Дурвадик”, “Мустақиллик”, “Пахтакор”, “Туркистон”, Гурлан тумани “Олчин”, “Деҳқон”, “Сахтиён”, Қўшкўпир тумани “Чаманзор”, “Тараққиёт” ва “Ўзбекистон” маҳаллаларида яшовчи 75 нафар уйида таълим олувчи ногирон ўқувчиларнинг ҳолидан хабар олинди, уларга ўқув қуроллари, совғалар топширилди.
“Ёшлар дафтари” рўйхатидаги 97 нафар фуқароларга 274,5 млн. сўмлик ёрдам кўрсатилди. Шундан, 35 нафар фуқарога 137,6 млн. сўмлик контракт тўлови, 38 нафар фуқарога 40,9 млн. сўмлик моддий ёрдам.
Бюджетдан ташқари пенсия жамғармаси томонидан 38 нафар кам таъминланган оилаларга болалар нафақаси, моддий ёрдам тайинланиб, амалий ёрдам кўрсатилди.
1 сентябрдан ногиронлиги бор шахслар учун протез-ортопедия воситаларини олиш енгиллаштирилди
2023 йил 1 сентябрдан бошлаб ногиронлиги бўлган шахсларни протез-ортопедия мосламалари ва реабилитация қилишнинг техник воситалари билан таъминлашда ногиронлиги бўлган шахслардан тиббий хулоса талаб қилиш бекор қилинади.
Маълумот учун: 2022-2026 йилларда аҳолининг муҳтож қисмини замонавий протез-ортопедия буюмлари ва реабилитация воситалари билан таъминлаш даражасини 60% га етказиш режалаштирилган.
ФАО Ўзбекистонда экинларни суғоришни мақбуллаштиришнинг янги усулларини жорий қилишга кўмаклашади
Бирлашган Миллатлар Ташкилотининг Озиқ-овқат ва қишлоқ хўжалиги ташкилоти (ФАО) ва Глобал Экологик Жамғарманинг “Марказий Осиё ва Туркиянинг қурғоқчил ва шўрланган қишлоқ хўжалиги ишлаб чиқариш ландшафтларида табиий ресурсларни комплекс бошқариш”(CACILM-2) минтақавий лойиҳасини амалга ошириш доирасида ФАОнинг ер ва сув ресурслари бўйича катта мутахассиси Махер Салманнинг Ўзбекистонга ташрифиташкил этилди. М. Салман Италиянинг Рим шаҳридаги ФАОнинг Бош ваколатхонасида сув ресурсларини бошқариш гуруҳи ишига раҳбарлик қилади. Ташрифнинг асосий мақсади Ўзбекистонда экинларни суғоришни мақбуллаштириш бўйича AquaCrop дастурининг тизимли интеграциясини қўллаб-қувватлашдан иборат.
AquaCrop — бу ФАОнинг Ер ва сув ресурслари бўлими томонидан озиқ-овқат хавфсизлиги ва атроф-муҳит шароитлари ва бошқарувининг ҳосилдорликка таъсирини баҳолаш учун ишлаб чиқилган «экинларни намлаш» тизимининг маҳсулдорлик модели. AquaCrop сувдан фойдаланишга қараб экинларнинг ҳосилдорлигини башорат қилади, бу, айниқса, қурғоқчилик хавфи бўлган ҳудудлар учун долзарб ҳисобланади.
“Дастур тупроқ ва иқлим омилларини ҳисобга олган ҳолда ўсимликларнинг ўсиш жараёнларининг компьютер симуляциясини яратади ва максимал ҳосил олиш учун суғориш сувининг зарур миқдорини ҳисоблаш имконини беради. Дастурнинг амалда қўлланилиши сув ресурсларини сезиларли даражада тежаб, тупроқ унумдорлигини оширишга ёрдам беради. Бу эса табиий ресурслардан оқилона фойдаланиш орқали қурғоқчиликдан азият чекаётган ҳудудларда қишлоқ хўжалиги ишлаб чиқаришини қўллаб-қувватлашга қаратилган лойиҳамизнинг мақсад ва вазифаларига ҳамоҳангдир», — деди CACILM-2 лойиҳаси миллий бошқарувчиси Муҳаммаджон Қосимов.
Ташриф давомида Махер Салман Ўзбекистон Республикаси Қишлоқ хўжалиги вазирлиги, Экология, атроф-муҳитни муҳофаза қилиш ва иқлим ўзгариши вазирлиги ҳамда Сув хўжалиги вазирлигида учрашувлар, шунингдек, Сув хўжалиги вазирлигининг Ахборот-таҳлил ва ресурс марказида семинарўтказди. Миллий ҳамкорлар билан учрашувларда сув ресурсларини инновацион ва барқарор бошқариш масалалари, Ўзбекистонда AquaCrop дастурининг жорий қилиниши, қурғоқчилик ва унинг оқибатларини олдини олиш масалалари муҳокама қилинди. ФАО замонавий технологияларни жорий этиш орқали сув танқислигидан келиб чиқадиган муаммоларни ҳал қилишда қандай ёрдам бериши мумкинлиги муҳокама қилинди.
Бундан ташқари, мутахассис Бухоро вилоятидаги CACILM-2 лойиҳасининг тажриба майдонларида ер остидан суғориш, ерга ишлов бермасдан экиш каби усуллар қўлланилаётган лойиҳа майдонларида эришилган натижалар билан танишди.
«Тажриба майдонларига ташриф давомида биз анъанавий усулларга нисбатан иқтисодий ва техник нуқтаи назардан тупроқ остидан суғориш ва “ноль” ишлов беришдан фойдаланиш самарадорлигига амин бўлдик. Буни ушбу усулларни кенгайтиришдан манфаатдор бўлган фермерларнинг ўзлари ҳам тасдиқладилар», — деди ФАОнинг ер ва сув ресурслари бўйича катта мутахассиси Махер Салман.
Махер Салман Бухоро табиий ресурсларни бошқариш институтида ҳам учрашувлар ўтказди, Самарқанд вилоятида Агроинновациялар ва илмий-тадқиқот институти фаолияти билан танишди ҳамда Зарафшон ирригация тизимлари ҳавза бошқармасига ташриф буюрди. Кейинги манзил Хоразм вилояти бўлиб, у ерда мутахассис Чапқирғоқ Амударё ирригация тизимлари ҳавза бошқармаси ва Хоразм вилояти қишлоқ хўжалиги бошқармасида учрашувлар ўтказди.
Мутахассиснинг фикрича, сув ресурслари мониторингини яхшилаш учун рақамли воситалар ва платформаларни жорий этиш, шунингдек, бу йўналишда салоҳиятни ошириш зарур.Махер Салман таъкидлаганидек, ФАО томонидан қўллаб-қувватлашнинг асосий йўналишларидан бири сув тақсимлаш учун ишлатиладиган мавжуд гидромоделларни янгилаш бўлиши мумкин, бунга RAP-MASSCOTE, AquaCrop ва бошқашу каби ФАО воситаларидан фойдаланиш орқали эришиш мумкин.
Шуни таъкидлаш керакки, AquaCrop моделининг сўнгги талқини (7.1) яқинда ишлаб чиқилган бўлиб, ушбу ҳавола орқали танишиш мумкин бўлади: https://www.fao.org/aquacrop/software/en / .
Чеченистонда тўйларда қимматбаҳо совғалар бериш тақиқланди
“Ислом динига ҳам, чечен қонунларига ҳам тўғри келмайдиган ҳар қандай ортиқча нарсалар, яъни бриллиант узуклар, мўйнали кийимлар, маиший техника, квартиралар, автомобиллар каби қимматбаҳо совғалар қатъиян ман этилади”, — дейди Чеченистон мусулмонлари диний бошқармаси.
Тожикистонда кучли сел оқибатида 13 киши ҳалок бўлди
Тожикистонда 27 август куни кучли ёғингарчилик оқибатида Ваҳдат шаҳри ва Рудакий туманида 13 киши ҳалок бўлди, деб хабар бермоқда Тожикистон Республикаси президенти матбуот хизмати. Эмомали Раҳмон ҳалок бўлганларнинг оила аъзоларига ҳамдардлик билдирган.
Таъкидланишича, кучли сел-тошқинлар сабаб Ваҳдатда 11 киши, Рудакий вилоятида 2 киши қурбон бўлди, дейилади хабарда.
Давлати раҳбари, шунингдек, Бош вазирга, Фавқулодда вазиятлар ва фуқаро мудофааси қўмитасига, шунингдек, бошқа ваколатли органларга ҳалок бўлганларнинг оила аъзоларига тез ёрдам кўрсатиш, фавқулодда ҳодиса оқибатларини бартараф этиш бўйича тезкор чора-тадбирлар кўриш юзасидан тегишли топшириқлар берди. .
Шунингдек, якшанба кунги кучли ёғингарчилик Душанбе-Хўжанд йўлининг айрим қисмларига ҳам жиддий зарар етказди: у ерда сел, кўчки ва тош қулашлар содир бўлди. Магистрал йўлда ҳаракат вақтинча тўхтатилди.
1 сентябрдан кўп квартирали уйлардаги ўзбошимчалик билан қурилган конструкциялар текширилади
2023 йил 1 сентябрдан сейсмик фаол зонада жойлашган сейсмик хавфсизлиги III-IV тоифага кирувчи кўп квартирали уйлардаги умумий фойдаланиладиган жойларда (зинапоя йўлаклари, чердак ва умумий фойдаланишдаги ошхоналарда) ўзбошимчалик билан қурилган конструкциялар;
Шу жумладан, кўп квартирали уйларнинг, шу жумладан уларнинг ертўла ва биринчи қаватидаги зилзилабардошликка таъсир қилувчи конструкцияларга ўзбошимчалик билан киритилган ўзгартиришлар аниқланади.
Тошкент халқаро аэропортида “свет” ўчиб қолди
Қўйлиқдаги подстансияда юз берган носозлик сабаб аэропортда электр таъминоти ўчиб қолди. Лекин захира манбаларидан фойдаланиб, парвозлар давом эттирилди.
Тошкент халқаро аэропортида кеча маҳаллий вақт билан соат 22:09 да Қўйлиқдаги подстансиясида рўй берган авария туфайли электр таъминотида узилиш юз берди.
Бир неча сония ичида захира манбалардан парвозларни таъминловчи обьектлар: учиш-қўниш йўлаклари, ҳаво ҳаракатини бошқариш мосламалари, радионавигация ускуналари қуввати тикланди. Бу ҳақида “Uzbekistan Airports” хабар берди.
Шунингдек, маҳаллий авиакомпанияларнинг келиш терминали ва терминали зудлик билан захира манбаларига ўтказилди. 15 дақиқа ичида соат 22:24 да халқаро авиакомпанияларнинг жўнаш терминалида электр таъминоти тикланди.
Соат 22:40да Қўйлиқдаги подстансиясида юз берган авария бартараф этилиб, пойтахт аэропортида электр таъминоти тўлиқ тикланди.
Ўзбек палови Стокгольмда бўлиб ўтган кўргазмада энг яхши миллий таом деб топилди
Стокгольм дипломатлар ассоциацияси томонидан Буюк Британиянинг Швециядаги элчихонаси биносида “Food and Beer” миллий таом ва ичимликлар кўргазма ярмаркаси ўтказилди.
Ҳар йили ўтказилиб келинадиган ушбу маданий кўргазмадаги Ўзбекистон вакилларининг илк иштироки қатнашчилар томонидан илиқ кутиб олинди. Ярмарка якунида Ўзбекистоннинг Швециядаги элчихонаси “Энг яхши миллий таом” йўналиши бўйича биринчи ўринни қўлга киритди. Иштирокчилар томонидан Ўзбекистоннинг ош сомса каби миллий таомлари, шунингдек, қовун жуда юқори баҳоланди.
Тадбир давомида швед бизнес вакиллари билан Ўзбекистон маҳсулотларининг Швецияга экспортини йўлга қўйиш масаласини ишлаб чиқиш бўйича келишувга эришилди.
Кўргазма ярмаркада Арманистон, Австрия, Бельгия, Босния ва Герцеговина, Греция, Исландия, Латвия, Мексика, Словакия, Буюк Британия, Ўзбекистон, Чехия, Швеция, Эстония, Япония ва Австралия, Янги Зеландиянинг дипломатик ваколатхоналари ўзларининг миллий таомлари ва ичимликлари билан иштирок этди.
Президент мустақиллик байрами арафасида яна бир гуруҳ фуқароларни мукофотлади
Президентнинг «Ўзбекистон Республикаси мустақиллигининг ўттиз икки йиллиги муносабати билан давлат хизматчилари ҳамда ишлаб чиқариш ва ижтимоий-иқтисодий соҳалар ходимларидан бир гуруҳини мукофотлаш тўғрисида»ги фармонига биноан бир қатор фуқаролар мукофотланди.
«Ўзбекистон Республикасида хизмат кўрсатган чорвадор» фахрий унвони билан
Ризаев Эрали Абдукаримович — Нуробод туманидаги «Саҳобаота қоракўл насл» масъулияти чекланган жамияти бош чўпони, Самарқанд вилояти
«Ўзбекистон Республикасида хизмат кўрсатган пиллачи» фахрий унвони билан
Пардаева Зубайда Мусаевна — Ўрта Чирчиқ туманидаги «Агропилла» масъулияти чекланган жамияти ҳудуд агрономи, Тошкент вилояти
Халлиева Менгал — Ангор туманидаги «Аллаёров Жаҳонгир» фермер хўжалиги пиллачиси, Сурхондарё вилояти
«Ўзбекистон Республикасида хизмат кўрсатган саноат ходими» фахрий унвони билан
Бахронов Сайфидин Фаттоевич — «Навоий кон-металлургия комбинати» акциядорлик жамиятининг Марказий кон бошқармаси автосамосвал ҳайдовчиси, Навоий вилояти
Староверов Олег Владимирович — «Олмалиқ кон-металлургия комбинати» акциядорлик жамияти «Ёшлик-1» конини ўзлаштириш лойиҳаси директорининг биринчи ўринбосари, Тошкент вилояти
Шамсиев Шермат Жўрақулович — Муборак газни қайта ишлаш заводи директори, Қашқадарё вилояти
«Ўзбекистон Республикасида хизмат кўрсатган қишлоқ хўжалиги ходими» фахрий унвони билан
Шарипов Шавкат Уктамович — Самарқанд шаҳридаги «Zarafshon Textile» масъулияти чекланган жамияти таъсисчиси, Самарқанд вилояти
«Ўзбекистон Республикасида хизмат кўрсатган транспорт ходими» фахрий унвони билан
Ганиев Полат Бегдуллаевич — «Ўзбекистон темир йўллари» акциядорлик жамиятининг «Қўнғирот» локомотив депоси тепловоз машинисти, Қорақалпоғистон Республикаси
Закиров Шухрат Фатхуллаевич — «Ўзбекистон темир йўллари» акциядорлик жамиятининг «Ўзбекистон» локомотив депоси «Афросиёб» юқори тезюрар электропоезди машинист-мураббийси, Тошкент вилояти
«Ўзбекистон Республикасида хизмат кўрсатган фуқаро авиацияси ходими» фахрий унвони билан
Кочнев Константин Дмитриевич — «Uzbekistan airways» акциядорлик жамиятининг парвоз-услуб бўлими «Boeing-787» ҳаво кемаси командири
«Ўзбекистон Республикасида хизмат кўрсатган ихтирочи ва рационализатор» фахрий унвони билан
Хамраев Ибрахим Шайкулович — Олот туманидаги «Мергантекс» пахта-тўқимачилик кластери бош директори, Бухоро вилояти
«Ўзбекистон Республикасида хизмат кўрсатган ёшлар мураббийси» фахрий унвони билан
Ахмедов Абдукарим Абдурахманович — Ўзбекистон касаба уюшмалари Федерациясининг Сурхондарё вилояти Кенгаши раиси
Каланов Рустам Абдухакимович — Тошкент шаҳар ҳокимининг жамоатчилик, маҳалла ва нуронийлар масалалари бўйича маслаҳатчиси
Турдиев Содиқжон — «Нуроний» жамғармасининг республика бошқаруви раиси
Туляганов Козим Насирович — Ўзбекистон Республикаси Қурилиш ва уй-жой коммунал хўжалиги соҳасида назорат қилиш инспекцияси бошлиғи
Шермухамедова Жамила Ташпулатовна — Республика Маънавият ва маърифат маркази тарғиботчиси
Шукуров Парда — «Нуроний» жамғармасининг Шароф Рашидов тумани бўлими раиси, Жиззах вилояти
«Эл-юрт ҳурмати» ордени билан
Абдураззаков Қувандиқ — Зарбдор тумани нуронийлар жамоатчилик кенгаши фаоли, Жиззах вилояти
Тулегенова Акшагул Абуевна — Ўзбекистон Республикаси Олий Мажлиси Қонунчилик палатасининг Саноат, қурилиш ва савдо масалалари қўмитаси аъзоси
«Меҳнат шуҳрати» ордени билан
Авезов Кенжа Сафарович — «Тошработ-Ўртачўл» ирригация тизими бошқармасининг бўлим муҳандис-гидротехниги, Навоий вилояти
Арзиев Шуҳрат Холович — «Uzbekistan GTL» корхонаси қурилиш лойиҳаси директори
Қодиров Алишер Келдиевич — Ўзбекистон «Миллий тикланиш» демократик партияси Марказий кенгаши раиси
Маматқодиров Ғуломқодир — Андижон вилояти нуронийлар жамоатчилик кенгаши фаоли
Мерганов Хакимжан Эргашевич — «Олмалиқ кон-металлургия комбинати» акциядорлик жамиятининг рух заводи эритиш цехи гидрометаллург-аппаратчиси, Тошкент вилояти
Мирсагатов Юлдаш Эргашевич — «Тошшаҳартрансхизмат» акциядорлик жамиятининг «1-автобус саройи» филиали автобус ҳайдовчиси, Тошкент шаҳри
Пирматов Рашид Хусанович — «Ўзбекистон металлургия комбинати» акциядорлик жамияти бошқаруви раиси – бош директори, Тошкент вилояти
Усмонов Улугбек Алимжонович — «Enter Engineering Pte. Ltd.» компанияси бош директори
Холтоев Туроп — Паркент тумани нуронийлар жамоатчилик кенгаши фаоли, Тошкент вилояти
Шомуродов Масалиддин Зухриддинович — «UzAuto Motors» акциядорлик жамиятинингишлаб чиқариш бошқармаси пайвандлаш цехи смена устаси, Андижон вилояти
I даражали «Соғлом авлод учун» ордени билан
Ходжаева Мавлудахон Исламовна — Ўзбекистон Республикаси Олий Мажлиси Қонунчилик палатасининг Меҳнат ва ижтимоий масалалар қўмитаси раиси
«Дўстлик» ордени билан
Абдуллаева Зулхумор Бобожоновна — Марҳамат туманидаги «Марҳамат қурилиш инвест» масъулияти чекланган жамиятининг пардозчилар бригадаси бошлиғи, Андижон вилояти
Абдурахманов Турсунходжа — «Нуроний» жамғармасининг Риштон тумани бўлими раиси, Фарғона вилояти
Агзамова Гулрух Анваровна — Ўзбекистон Республикаси Олий Мажлиси Қонунчилик палатасининг Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси аъзоси
АденбаеваТурдигул — Қўнғирот туманидаги «Олтинкўз-Сартур» биолабораторияси бошлиғи, Қорақалпоғистон Республикаси
Ашуров Жамол Ражаббоевич — «Нуроний» жамғармасининг Жондор тумани бўлими раиси, Бухоро вилояти
Алиматов Таир Наматуллаевич — Ўзбекистон Республикаси Қурилиш ва уй-жой коммунал хўжалиги вазирлиги бўлим бошлиғи
Алимова Санобар Мукимовна — Қўқон шаҳридаги «Артизонбўйи» маҳалла фуқаролар йиғини отинойиси, Фарғона вилояти
Атоева Зулпия — Ромитан туманидаги «Достон» фермер хўжалиги бошлиғи, Бухоро вилояти
Асатов Сайфулла — Тошкент вилояти нуронийлар жамоатчилик кенгаши фаоли
Бафоев Хайрилло Амонович — Бухоро туманидаги «Кўчкўмар» маҳалла фуқаролар йиғини раисининг кексалар ва фахрийлар бўйича маслаҳатчиси, Бухоро вилояти
Бекмуратов Арисланбай Жумамуратович — Кегейли туманидаги «Жузимбағ» овул фуқаролар йиғинининг Бексийиқ овули кўча бийи, Қорақалпоғистон Республикаси
Гадоева Зиёда Эрниёзовна — Пешку туманидаги хусусий тадбиркор, асаларичи, Бухоро вилояти
Джансаидов Нуридин Нагиманович — «Ўзиккиламчиранглиметалл» акциядорлик жамияти бош технологи
Джураев Шухрат Низамович — Ўзбекистон Республикаси Олий Мажлиси Инсон ҳуқуқлари бўйича вакили (омбудсман)нинг Навоий вилоятидаги минтақавий вакили
Зиямухамедова Дилноза Мурадовна — Ўзбекистон Республикаси Президенти Администрацияси масъул ходими
Ибрагимов Саиджон Сабитович — Тошкент шаҳар ҳокимлигининг фуқароларга хизмат кўрсатиш бошқармаси бошлиғи
Ибрагимова Махбуба — Наманган шаҳридаги хусусий тадбиркор,гул кўчатлари етиштирувчиси, Наманган вилояти
Иноятов Улугбек Илясович — Ўзбекистон Халқ демократик партиясининг Марказий Кенгаши раиси
Ишимбаев Элдар Радикович — «Uzinfocom» масъулияти чекланган жамиятибош директорининг ўринбосари
Қличев Валерий Махмудович — Гулистон шаҳри нуронийлар жамоатчилик кенгаши фаоли, Сирдарё вилояти
Мамутов Исмайл Мамутович — Тахтакўпир тумани сув хўжалиги бўлими экскаватор машинисти, Қорақалпоғистон Республикаси
Мамутов Равшан Аминаддинович — Ўзбекистон Республикаси Олий Мажлиси Қонунчилик палатасининг Аграр ва сув хўжалиги масалалари қўмитаси раиси
Махмудова Шохиста Асадовна — Бекобод туманидаги шахсий томорқа ер эгаси, Тошкент вилояти
Муминов Нумонжон Шодиевич — Фарғона вилояти нуронийлар жамоатчилик кенгаши фаоли
Мухамадкулов Абдушукур — Самарқанд шаҳри нуронийлар жамоатчилик кенгаши фаоли, Самарқанд вилояти
Мухутдинов Нодир Убайдуллаевич — Ўзбекистон Республикаси тоғ-кон саноати ва геология вазирининг маслаҳатчиси
Науризов Қалбай Тогаевич — Шуманай туманидаги «Мунчоқли» маҳалла фуқаролар йиғинининг Бўзатов кўчаси бийи, Қорақалпоғистон Республикаси
Нормаматов Камол Хуррамович — «Шарғункўмир» акциядорлик жамиятининг ер ости усулида кўмир қазиб олиш участкаси тоғ ишчиси, Сурхондарё вилояти
Носиров Рофе Зайниевич — Ургут туманидаги «Шодлик» маҳалла фуқаролар йиғини раиси, Самарқанд вилояти
Панаев Шернияз Ерниязович — Кегейли туманидаги «Абат макан» маҳалла фуқаролар йиғинининг Е.Панаев кўчаси бийи, Қорақалпоғистон Республикаси
Пирназаров Таиржон — «Ўзбек геология қидирув» акциядорлик жамиятининг Сурхон дала геология қидирув экспедицияси бошлиғи, Сурхондарё вилояти
Рахманов Закиржон — «Нуроний» жамғармасининг Фарғона вилояти бўлими раиси
Сабиров Мухамаджан Рустамович — Хива туманидаги «Хива қурилиш сервис» кичик корхонаси директори, Хоразм вилояти
Сабиров Хамро — «Ўзбек геология қидирув» акциядорлик жамиятининг тажриба-услубий тадқиқотлар лабораторияси бошлиғи
Сайдуллаев Нарзулла — Зомин туманидаги «Нарзуллаев Жасурбек» фермер хўжалиги бошлиғи, Жиззах вилояти
Салямов Анвар Шавкатович — «Саноат-энергетика гуруҳи» масъулияти чекланган жамияти ижрочи директори
Сафаров Шамсиддин Авулович — «Талимаржон иссиқлик электр станцияси» акциядорлик жамиятининг электр цехи электр чилангари, Қашқадарё вилояти
Таджибаев Ҳусанбой Муминович — «Иссиқлик электр станциялари» акциядорлик жамиятининг «Сирдарё иссиқлик электр станцияси» филиали 1-қозон турбина цехи машинисти, Сирдарё вилояти
Толибеков Омирбек Арзибекович — Чимбой туманидаги «Темирйўл гузари» маҳалла фуқаролар йиғинининг Қияс жиров кўчаси бийи, Қорақалпоғистон Республикаси
Турабаев Турсунбой — Ангор тумани нуронийлар жамоатчилик кенгаши фаоли, Сурхондарё вилояти
Турдимуротов Абдурахмон Умуркулжонович — «Ўзбекистон металлургия комбинати» акциядорлик жамиятининг электрда пўлат эритиш цехи пўлат эритувчиси, Тошкент вилояти
Узаков Асланкул Итолмасович — «Ўзнефтгаз бурғилаш ишлари» масъулияти чекланган жамияти бурғиловчиси, Қашқадарё вилояти
Уринбоев Абдуллажон — Чортоқ тумани нуронийлар жамоатчилик кенгаши фаоли, Наманган вилояти
Утегенов Узақбай Қазақбаевич — Кегейли туманидаги «Абат макан» маҳалла фуқаролар йиғинининг Нуронийлар кўчаси бийи, Қорақалпоғистон Республикаси
Филипас Владимир Иванович — «Uzbekistan airways» акциядорлик жамиятининг «Uzbekistan airways sales» филиали директори
Хамидов Одил Абидович — Тошлоқ туманидаги «Обиджон» туячилик фермер хўжалиги бошлиғи, Фарғона вилояти
Хужабекова Бувинсо Исаковна — Пахтакор тумани ободонлаштириш бошқармаси ишчиси, Жиззах вилояти
Цой Тимур Виленович — Самарқанд туризм маркази қурилиш дирекцияси директорининг техник масалалар бўйича ўринбосари
Шамшетов Сарсенбай Нуратдинович — Қишлоқ хўжалигида билим ва инновациялар миллий марказининг Қорақалпоғистон Республикаси агрохизматлар маркази директори
Ширинов Джахонгир Джаббарович — Ўзбекистон Республикаси Олий Мажлиси Қонунчилик палатасининг Коррупцияга қарши курашиш ва суд-ҳуқуқ масалалари қўмитаси раиси
Эзозхонов Авазхон Незомхонович — «Навоий кон-металлургия комбинати» акциядорлик жамиятининг Марказий кон бошқармаси «Ауминзо-Амантой» кони бошлиғи, Навоий вилояти.
Ўзбекистон ёлғиз ва болалар билан саёҳат қилиш учун энг хавфсиз жой деб топилди
Франциянинг сайёҳлик индустриясига ихтисослашган «infotravel.fr» веб-сайтида «Ўзбекистон бўйлаб саёҳат қилишнинг қандай афзалликлари бор?» сарлавҳали мақола жойлаштирилди.
«Ўзбекистон бир пайтлар саёҳатчиларни мамлакатга ташриф буюришдан тўхтатиб қўйган мураккаб кириш визаси тартиб-қоидаларидан воз кечди, — дейилади мақолада. — Бугунги кунда виза олиш жараёни анча осонлашди, бу Ўзбекистонни ёлғиз саёҳатчилар, оилалар, талабалар, саргузаштни яхши кўрадиган ва ўзига хос маданий тажриба излаётган чет элликлар учун севимли манзилга айлантирди. Бой тарихи, гўзал манзаралари ва самимий меҳмондўстлиги билан машҳур бўлган Ўзбекистон ҳали ҳам тўлиқ очилмаган сирли тарихини ўз бағрига сақлаб қолмоқда».
Нашрда Ўзбекистонда жамоат транспорти хавфсизлик ва қулайлик даражаси билан юксак қадрланишини таъкидланган. Қайд этилишича, Ўзбекистон бўйлаб ҳаракатланадиган тез юрар поездлар ва автобуслар мамлакат бўйлаб энг яхши транспорт воситаларидан ҳисобланади. Айниқса, темир йўл тизими ўзининг кенглиги ва қулайлиги билан машҳур. Шунинг учун кўплаб хорижий сайёҳлар уни афзал биладилар.
Ўзбек ошхонаси хавфсиз ва мазали таомлари билан машҳур. Ўзбек ошхонаси одатда хамирли, гуручли, сабзавот ва қўй гўштидан тайёрланган таомларни таклиф қилади. Ўзбекистоннинг миллий таоми — бу палов. У ёғ, гуруч, мол ёки қўй гўшти, сабзи, майиз ва пиёз каби масаллиқлардан пиширилади», — таъкидланган материалда.
Нашрда Ўзбекистонда автомобиль йўлларида хавфсизликни таъминлаш масаласига алоҳида эътибор қаратилган. «Бу мамлакатга ташриф буюрувчиларнинг кўпчилигини қизиқтирадиган савол. Умуман олганда, Ўзбекистон йўллари хавфсиз ҳисобланади, – дейилади мақолада. -Мамлакатнинг асосий йўллари яхши ҳолатда. Қолаверса, мамлакат иқтисодиёти юксалиб, модернизация қилинмоқда, бу эса йўллар янада яхшиланишини англатади».
Электрон нашр, шунингдек, Ўзбекистон ёлғиз саёҳат қиладиган аёллар учун ҳам жуда хавфсиз жой эканлигини урғулаган. Қайд этилишича, ўзбеклар жуда хушмуомала ва изланувчан хақл бўлиб, улар саёҳларни кўпинча чойга ёки овқатга таклиф қиладилар.
«Ўзбекистон тарихи, маданияти ва табиий гўзалликларини ўрганишни хоҳловчи аёллар учун хавфсиз саёҳат жойи», — дейилади мақолада.
Мақолада Ўзбекистон бўйлаб саёҳат ёш болали оилалар учун ҳам хавфсиз экани ҳам маълум қилинган. Ўзбек маданиятида болаларга катта эътибор қаратилади, ўзбеклар уларга ғамхўрлик ва ҳурмат билан муносабатда бўлишади. Аксарият тадбирлар ёш болалар учун мўлжалланмаган. Бухоро, Самарқанд ва Хива каби бой тарихга эга шаҳарларга ташриф буюриш ҳам болалар, ҳам катталар учун ҳам дам олиш ва маърифий тажриба бўлиши мумкин.
Тошкентнинг 12 та тумани ичимлик сувидан вақтинча узилади
Режали профилактика-таъмирлаш ишлари олиб борилиши муносабати билан бир қанча ҳудудларда ичимлик суви босими пасайтирилади ва вақтинча тўхтатилади. Бу ҳақда “Тошкент шаҳар сув таъминоти” маълум қилди.
Қайд этилишича, 2023 йил куз-қиш мавсумига тайёргарлик бўйича катта ҳажмли сув ўтказгич тармоқларида режали профилактика-таъмирлаш ишлари олиб борилиши муносабати билан Мирзо Улуғбек, Учтепа, Яккасарой, Шайхонтоҳур, Яшнобод, Бектемир, Олмазор,Чилонзор, Сергели, Янги ҳаёт, Миробод ва Юнусобод туманларида ичимлик суви босими пасайтирилади ва вақтинча тўхтатилади.
Маълум қилинишича, сувсиз қолган ҳудудларга махсус техникаларда сув етказиб берилади.
20 нафар америкалик ҳарбийни олиб кетаётган ҳарбий вертолёт Мелвилл ороли қирғоқларида қулаб тушди
Бортида 20 нафар АҚШ денгиз пиёда аскарлари бўлган ҳарбий вертолёт Австралиянинг Мелвилл ороли қирғоқларида қулаб тушди.
Бу ҳақда Sky News Australia хабар бермоқда.
“Маҳаллий вақт билан соат 11:00 атрофида Мелвилл ороли яқинида Osprey вертолёти машқ пайтида қулаб тушди”, — дейилади хабарда. Қайд этилишича, “Predators Run” машқларида Австралия, АҚШ, Индонезия, Филиппин ва Шарқий Тимор вакиллари иштирок этмоқда.
Президент фармони амалда: “Янги Ўзбекистон” массивида замонавий боғча барпо этилди
“Янги ҳаёт учун, Янги Ўзбекистон учун!” бош ғояси асосида нишонланадиган Ватанимиз истиқлолининг ўттиз икки йиллик байрами арафасида юртимизда, шу жумладан Наманган вилоятида бир қатор янги ижтимоий, иқтисодий объектлар фойдаланишга топштирилмоқда.
Поп туманининг олис ҳудудларидан бири – Миришкор маҳалласида Президентимизнинг 2021 йил 9 декабрдаги “Янги Ўзбекистон” массивларини қуриш ва ҳудудларнинг ижтимоий-иқтисодий ривожланишини таъминлаш чора-тадбирлари тўғрисида” ги фармони ижроси доирасида қад ростлаётган “Янги Ўзбекистон” массивида 360 ўринга мўлжалланган янги 36-сонли давлат мактабгача таълим ташкилоти очилди.
Наманган вилояти ҳокими, Олий Мажлис Сенати аъзоси Шавкат Абдураззоқов тадбир иштирокчиларини энг улуғ, энг азиз айём мустақиллик байрами билан табриклаб, мамлакатимизда Президентимиз бошчилигида мактабгача таълимга қаратаётган эътибор ва унинг самараларига тўхталди.
Қайд этилганидек, вилоятда бундан олти йилча аввал боғчага қамров 22 фоиз эди. Ҳозирги кунга келиб эса бу кўрсаткич қарийб 79 фоизга етди. Бу ўз навбатида, чекка ва олис қишлоқларда ҳам жаҳон стандартларига тўла жавоб берадиган замонавий мактабгача таълим ташкилотлари бунёд этилганининг ёрқин натижасидир.
Манба:ЎзА
Ўзбекистон, Қирғизистон ва Қозоғистон йирик лойиҳа устида музокаралар бошлади
Ўзбекистон, Қирғизистон ва Қозоғистон энергетика вазирлари Жўрабек Мирзамаҳмудов, Талайбек Ибраев, Aлмасадам Саткалиев Қамбарота-1 ГЭСи лойиҳасини амалга оширишни муҳокама қилмоқда.
Қирғизистон Энергетика вазирлиги маълумотларига кўра, ҳозирда Қозоғистон пойтахти Остонадаги вазирлар йиғилишида муҳокамалар бўлиб ўтмоқда. Ушбу тадбирларнинг мақсади ҳудудда сув ва энергетика соҳаларида ҳамкорликни ривожлантиришдан иборат.
Томонлар Қамбарота-1 ГЭСи миссияси билан бир қаторда, бошқа соҳаларидаги алоқаларни мустаҳкамлашга қаратилган саъйи-ҳаракатларни кўриб чиқмоқдалар.
Ушбу халқаро шохобчалар ўртасида уч томонлама ҳамкорликни йўлга қўйишда Қирғизистонга 34 фоиз улушини сақлаб қолиш таклиф қилинмоқда, Қозоғистон ва Ўзбекистон эса 66 фоизни (ҳар бири 33 фоиздан) олади.
Миссия 1860 МВт қувватга эга станция ва ҳажми 5,4 миллиард куб метрни ташкил этадиган сув омборини ўз ичига олади. ГЭС йилига ўртача 5,6 млрд.кВт/соат электр энергияси ишлаб чиқариши кутилмоқда.
Дастлабки ишлар учун Қирғизистон бюджетидан 1,8 млрд.сом (20,4 млн. AҚШ доллари) маблағ ажратилди.
Мадагаскардаги футбол стадионида 12 киши ҳалок бўлди
Мадагаскар пойтахти Антананариво шаҳридаги стадион олдида юзага келган тиқилинчда 12 киши ҳалок бўлди. Яна 80 киши яраланган. Ўн кишининг аҳволи оғир деб баҳоланмоқда.
Бареа стадионига кираверишда бир неча юзлаб мухлислар тўпланиб қолган. Полиция оломонни бошқара олмади. Воқеа жойида фавқулодда хизматлар ишламоқда.
Баҳодир Жалолов рақибини бир дақиқада енгди
АҚШнинг Оклахома штатида ўтказилган профессионал бокс оқшомида Баҳодир Жалолов рингга кўтарилди.
Баҳодир кечанинг оғир вазн тоифасида нигериялик Онориоде Эҳвариоме билан жанг ўтказди. 8 раундга мўлжалланган жангнинг илк раундида уни аниқ зарбалар эвазига техник нокаутга учратди.
Шу тариқа Б. Жалолов профессионал боксдаги ўн учинчи, Top Rank’даги илк ғалабасига эришди.
Пенсия жамғармаси: Kимлар ўн йил олдин пенсияга чиқиши мумкинлигини маълум қилди
Пенсия жамғармаси ёшни 10 йилга қисқартирилган ҳолда пенсия олиш ҳуқуқига эга бўлган фуқаролар ҳақида маълумот берди.
Маълум қилинишича, қонунчиликка асосан, охирги иш жойидан қатъи назар ерости ишларида, меҳнат шароити ўта зарарли ва ўта оғир ишларда тўлиқ иш куни давомида банд бўлган ходимларга умумий белгиланган ёшни 10 йилга қисқартирилган ҳолда пенсия олиш ҳуқуқи берилади.
Эркакларга иш стажи камида 20 йил бўлиб, бундан камида 10 йили кўрсатиб ўтилган ишларга тўғри келиши талаб этилади. Аёлларда эса иш стажи камида 15 йил бўлиб, бундан камида 7 йилу 6 ойи кўрсатиб ўтилган ишларга тўғри келиши лозим.
Шунингдек, ушбу турдаги ишларда ишловчи ходимлар лавозимларининг номлари келтириб ўтилган.
Унга кўра, ер ости ишларидаги меҳнат стажи эркакларда 10 йилдан кам ва аёлларда 7 йилу 6 ойдан кам бўлган ҳолларда ходимларга бу ишлардаги ҳар бир тўлиқ йил учун умумий белгиланган пенсия ёши 1 йилга қисқартирилади.
Меҳнат шароити ўта зарарли ва ўта оғир ишларда (эркаклар камида 5 йил, аёллар камида 3 йил 9 ой) ишлаган ходимларга пенсия умумий пенсия ёши шундай ишда банд бўлинган ҳар бир тўлиқ йил учун 1 йилга қисқартирилган ҳолда тайинланади.
Цирклар ва концерт ташкилотлари артистларининг айрим тоифалари ҳам ижодий ишдаги стажи камида 20 йил бўлган тақдирда 10 йилга қисқартирилган ҳолда пенсия олиш ҳуқуқига эга бўладилар.
Турк Эгейнинг адреналинга бой сёрфинг учиш манзиллари ўз ихлосмандларини кутмоқда
Туркиянинг бахт соҳили дея таъриф берилган Эгей, муҳташам ороллари, кўрфазлари ва сўлим табиати билан ҳар қандай фаслда ҳам саёҳатчилар учун энг севимли дам олиш масканидир. Чуқур денгизлари ва давомий шамоллари билан Турк Эгей ҳам машҳур сёрфинг нуқтаси бўлиб, барча турдаги сёрфинг учун мукаммал танловдир.
Сёрфинг маршрутларидан ташқари, минтақада ҳаваскор ва профессионал сёрфингчилар учун ускуналарни ижарага олиш ва мураббийлар билан машқ қилиш учун кўплаб имкониятлар мавжуд. Келинг, Турк Эгейдаги энг яхши сёрфинг маршрутларини кўриб чиқамиз.
Шимолий Эгейдаги энг яхши сёрфинг маршрутлари
Чаноққалъа қирғоғида жойлашган Гўкчеада, сокин ва ҳузурли дам олиш, шунингдек, Эгей денгизида ғайриоддий сёрфинг тажрибасини истаётган саёҳатчилар учун мукаммал танлов ҳисобланади. 2011 йилдан бери «дунёдаги биринчи ва ягона Cittaslow ороли» бўлган Гўкчеада ҳар йили минглаб сёрфингчиларни қабул қилади. Кучли шамоллар билан узоқ сёрфинг мавсумини тақдим этувчи оролда 300 кун давомида шамол сёрфинги учун мукаммал шароитлар мавжуд. Айдинжик соҳили оролдаги энг машҳур сёрфинг жойидир. Эгей денгизининг шимолий қисмида жойлашган, кўрфазнинг пастки қисмидаги оқимлар уни ўз-ўзини тозалаш имконини беради. Айвалик – ўзининг тиниқ сувлари ва кучли шамоллари билан бу гўзал ҳудуд сёрфинг ёки кайтсёрфингни ишқибозлари учун ажойиб тажрибаларни тақдим этади.
Алачати: сёрфинг юраги
Измир ярим оролининг ғарбий қирғоғида жойлашган Чешме сёрфингчиларнинг кўриши шарт бўлган манзилдир. Чешменинг Алачати тумани «дунёдаги энг яхши сёрфинг манзили» сифатида танилган. У ернинг шамоли, об-ҳаво шароити, қумли замини, саёз ва ҳимояланган сувлари билан дунёнинг «Windsurfing» марказига айланмоқда. Дунёга машҳур мусобақа “PWA Windsurf” Жаҳон Кубоги Алачатида кўп марта ўтказилди. Яна бир дам олиш маскани Урла кайтсёрфинг учун энг яхши жой. Кучли шамоллари билан Урла ғайриоддий кайтсёрфинг тажрибаси учун барча талабларга жавоб беради. Кайтсёрфинг соҳили Гулбаҳче марказидан тахминан 6 километр узоқликда, янги бошловчилар учун мос келадиган саёз сувли ҳудудда жойлашган. Шамолли кунда, сувдан завқланиб, соҳилда қуёш ботишини томоша қилгандан сўнг, Урладаги ресторан ва қаҳвахоналарда мазали маҳаллий таомлардан татиб кўришингиз мумкин.
Жанубий Эгейнинг сёрфинг ҳудудлари
Сёрфингчилар учун яна бир шамолли кўрфаз, Жанубий Эгейдаги Муғланинг Датча туманида жойлашган. Датчада фақат сёрфинг фаолияти учун хизмат қилувчи муассаса мавжуд. Дам олиш маскани майдан сентябргача давом этадиган сёрфинг мавсумида кўнгиллиларни қабул қилади. Датчада сёрфинг қилгандан сўнг, яриморолнинг учида жойлашган қадимий Книдос шаҳрида қуёш ботишидан баҳраманд бўлишингиз мумкин. Минтақанинг кучли шамоллари билан спорт ишқибозларининг қалбини забт этган Даламан Саригерме, яна бир муҳим сёрфинг манзилидир. Жанубий Эгейдаги Бодрум ярим ороли, ҳашаматли бутик меҳмонхоналари, жонли тунги ҳаёти ва феруза денгизи билан машҳур бўлган тўрт мавсумлик туризм ва сёрфингни таклиф этади. Ярим оролнинг ғарбида жойлашган Акярлар кўрфази шамол сёрфинг имкониятлари билан ажралиб туради. Кўрфаз чуқур сувлари ва кучли шамоллари билан моҳир сёрфингчилар учун жуда мос келади. Мармарис шимолида жойлашган Акяка Туркиянинг энг яхши кайтсёрфинг ҳудудларидан биридир. Акяка уч километрлик сёрф чизиғи, майин қумли саёз сувлари ва термал шамоллари билан тинч дам олишни истаганлар учун машҳур манзиллардан бири ҳисобланади.
Андижон вилоятида зилзила қайд этилди
Андижон вилоятида 27 август куни соат 03:11 да зилзила қайд этилди. Бу ҳақда ФВВ Сейсмопрогностик мониторинг Республика маркази хабар қилди.
Эпицентри Андижон вилояти, Жалақудуқ туманида бўлган ер силкиниши магнитудаси 4 балл, чуқурлиги 15 километр бўлган.
Унинг сезилиш кучи
- Жалақудуқ туманида 3 балл,
- Қўргонтепа, Хўжаобод, Андижон туманларида 2-3 балл,
- Булоқбоши, Хонобод туманлари ва Андижон шаҳрида 2 баллни ташкил этди.
