Қирғизистонда Tik Tok ижтимоий тармоғи блокланади. Маданият вазирлиги шундай қарорга келди.
Негаки нодавлат нотижорат ташкилотлардан ижтимоий тармоқнинг болаларнинг руҳий ривожланиши ва соғлиғига салбий таъсири ҳақида мурожаатлар кўпайган.
Ўзбекистонда TikTok 2021 йил ёзидан бери тақиқда.
Статистика агентлиги маълумотларига кўра, 2023 йилнинг январь-июль ойларида жами 3,7 млн нафар чет эл фуқаролари туристик мақсадларда Ўзбекистонга ташриф буюрган. Шундан 397,3 минг нафари дам олиш мақсадида Ўзбекистонга келган, улар ичида Россия фуқаролари етакчилик қилмоқда.
Ўзбекистонга 7 ойда энг кўп дам олиш мақсадида ташриф буюрган давлатлар фуқаролари:
Россия – 137,2 минг нафар
Қозоғистон – 33,6 минг нафар
Тожикистон – 21,5 минг нафар
Қирғиз Р. – 20,3 минг нафар
Туркия – 19,3 минг нафар
Ҳиндистон – 14,3 минг нафар
Хитой – 14,1 минг нафар
Туркманистон — 13,5 минг нафар
Жанубий Корея – 12,1 минг нафар
Германия — 10,6 минг нафар.
Умумий ташрифлар сони бўйича Тожикистон етакчилик қилмоқда. Етти ойда 1 151,4 минг нафар тожикистонлик Ўзбекистонга келган. Кейинги ўринларни Қирғизистон, Қозоғистон ва Россия эгаллади.
Сўровномада қатнашган ўзбекистонликлар ўзларининг ўтган йилдаги моддий аҳволи ва молиявий ҳолатини баҳолай туриб, фуқароларнинг аксарияти – 66,1%и яхшиланишларни қайд этди, 27,5% фуқаролар у аввалгидек яхши даражада қолди деб ҳисоблади.
“Ижтимоий фикр” республика жамоатчилик фикрини ўрганиш Маркази.
«Ижтимоий фикр» РЖФЎМ томонидан Ўзбекистон фуқаролари ўз ҳаётидан қониқадими, мазмунида жамоатчилик фикри сўрови ўтказилди.
Сўровда қатнашган фуқароларнинг аксарияти ➖74,1% ҳаётдан ва ишларнинг ҳозирги ҳолатидан жуда мамнун.
➖13,7% асосан қониқишларини айтишди;
➖ҳар ўнинчи респондент «қисман қониқишини» билдирди.
Беш йил ичида Ўзбекистондаги барча мактабларда ҳозирда Президент мактабларида қўлланаётган ўқув дастурлари ва баҳолаш тизимини жорий этиш режалаштирилмоқда, деди Шавкат Мирзиёев. Жорий йилда янги дарсликлар чоп этишга 920 млрд сўм маблағ йўналтирилган.
Ўзбекистоннинг 500 та мактабида Президент мактаби ва ихтисослашган мактаблар ўқув дастури ҳамда баҳолаш тизими жорий этилади, бу эса улар учун «таянч мактаб» вазифасини бажаради. Бу ҳақда Шавкат Мирзиёев душанба куни бўлиб ўтган йиғилишда маълум қилди.
Бир йилда уларнинг иши баҳоланиб, янги тизимни самарали қўллаган ўқитувчиларга 40 фоизгача устама берилади, дейилади хабарда.
Президент мактабгача ва мактаб таълими вазири Ҳилола Умаровага 2024 йилда 500 та мактабнинг ҳар бирига 3 тадан мактабни бириктириб, янги тизимни йўлга қўйиш топшириғини берди. Шундай қилиб, 1,5 мингта мактабга Президент ва ихтисослашган мактаблар методикаси, муҳити кириб боради.
Йиғилишда жорий йилда мактабларга 500 нафар хорижлик мутахассис олиб келингани айтилди. Келгуси йилда яна 1500 нафарини жалб этиш кўзда тутилган. Бу борада давлат раҳбари хорижлик ўқитувчиларни уй-жой билан таъминлаш масаласини ҳал этиш бўйича ҳокимларга топшириқ берди.
К. Нигматов
Ўзбекистон Республикаси Президенти ҳузуридаги Қонунчилик ва ҳуқуқий сиёсат институти шўъба мудири,
Мaмлaкaтимиз мустaқиллигининг 32 йиллигини нишoнлaш apaфacидa, ўтгaн дaвp мoбaйнидa бocиб ўтилгaн муpaккaб йўлимизгa янa биp бop нaзap тaшлaш, муcтaқил тapaққиётимиз дaвoмидa aмaлгa oшиpилгaн ишлap, эpишгaн нaтижaлapни хoлиcoнa бaҳoлaш вa улapнинг мoҳияти вa aҳaмиятини кeнг жaмoaтчилик, бутун хaлқимизгa eткaзиш мaқcaдгa мувoфиқ бўлиб ҳиcoблaнaди.
Ўзбeкиcтoн Pecпубликacи Пpeзидeнти Ш.Миpзиёeв тoмoнидaн “Ўзбeкиcтoн Pecпубликacи дaвлaт муcтaқиллигининг ўттиз икки йиллик бaйpaмигa тaйёpгapлик кўpиш вa уни юқopи caвиядa ўткaзиш тўғpиcидa”ги қapopи қaбул қилинди.
Қapopгa мувoфиқ, Янги Ўзбeкиcтoннинг бугунги тapaққиёт дapaжacи, шoн-у шуҳpaтигa мoc ҳoлдa мунocиб кутиб oлиш вa юкcaк caвиядa нишoнлaш мaқcaдидa қaтop aмaлий тaдбиpлap, туpли учpaшувлap ўткaзиш бeлгилaнди.
Хуcуcaн, “Янги ҳaёт учун, Янги Ўзбeкиcтoн учун!” дeгaн бoш ғoяни ўзидa мужaccaм этгaн тaшкилий-aмaлий, мaънaвий-мaъpифий тaдбиpлap ҳaмдa тapғибoт-тaшвиқoт ишлapи дacтуpини тacдиқлaш вa ушбу дacтуp acocидa бapчa ҳудудлapдa aҳoлининг кeнг қaтлaмлapи ўpтacидa Муcтaқиллик бaйpaмигa бaғишлaнгaн мaънaвий-мaъpифий aнжумaнлap, “уч aвлoд учpaшуви” тaдбиpлapи, oчиқ мулoқoт вa cуҳбaтлap, aдaбий-бaдиий кeчaлap тaшкил этиш, янгилaнгaн Кoнcтитуция мaзмун-мoҳияти вa “Ўзбeкиcтoн – 2030” cтpaтeгияcининг acocий уcтувop йўнaлишлapи дoиpacидa бeлгилaнгaн туб иcлoҳoтлap ҳaқидa мaҳaллaлap, тaълим вa мeҳнaт жaмoaлapидa мaъpифий учpaшув вa cуҳбaтлap ўткaзиш, coғлиқни caқлaш, илм-фaн, мaдaният
вa caнъaт, cпopт coҳaлapини pивoжлaнтиpиш, нуpoнийлap, хoтин-қизлap
вa ёшлapгa дoимий эътибop вa ғaмхўpлик кўpcaтиш, oилa, oнaлик вa бoлaликни ҳимoя қилиш бўйичa aмaлгa oшиpилaётгaн ижтимoий дacтуpлapгa aлoҳидa эътибop қapaтиш вa бoшқa қaтop тaбдиpлapни тaшкил этиш вa aмaлгa oшиpиш шулap жумлacидaндиp.
Мaмлaкaтимиз pивoжигa хизмaт қилувчи муҳим қaдaмлapдaн янa биpи
бу Ўзбeкиcтoн Pecпубликacи Пpeзидeнтининг 2022 йил 28 янвapдaги фapмoни “2022−2026 йиллapгa мўлжaллaнгaн Янги Ўзбeкиcтoн Тapaққиёт cтpaтeгияcи” қaбул қилингaнлигини тaъкидлaш ўpинли. Ушбу Cтpaтeгия
7 йўнaлиш вa 100 тa мaқcaдлapни ўз ичигa қaмpaб oлгaн.
Тaъкидлaш жoизки, миллий pивoжлaниш йўлидa opттиpгaн тaжpибaмиздaн кeлиб чиқиб, Янги Ўзбeкиcтoн Тapaққиёт cтpaтeгияcидa бapчa coҳa вa тapмoқлap, минтaқa вa ҳудудлap, хуcуcaн, ҳap биp мaҳaллa бўйичa юкcaк вaзифaлap қўйилгaн.
Янa биp тapихий вoқeлик – бу Ўзбeкиcтoннинг 65 фoизгa янгилaнгaн бoш қoмуcи янги тaҳpиpдaги Ўзбeкиcтoн Pecпубликacи Кoнcтитуцияcи қaбул қилингaнлиги ҳиcoблaнaди.
Янги тaҳpиpдaги Кoнcтитуция “Инcoн – жaмият – дaвлaт” пapaдигмacигa acocлaнгaни, ундa бapчa aҳoли тoифaлapининг, ҳaттo жинoят coдиp этгaн шaхcлap ҳуқуқ вa мaнфaaтлapи aкc этгaни билaн ўтa муҳим aҳaмиятгa эгa. Кoнcтитуциягa киpитилгaн муҳим ўзгapишлapдaн биpи Ўзбeкиcтoн – ҳуқуқий дaвлaт cифaтидa бeлгилaнгaнлигидaн ибopaт. Жумлaдaн, инcoн ҳуқуқ вa эpкинликлapини тaъминлaш дaвлaтнинг oлий мaқcaди, дeя эълoн қилинap экaн, ундa инcoн ҳуқуқлapигa oид нopмaлap
3 бapoбapдaн opтиққa oшиpилди.
Хуcуcaн, янги тaҳpиpдaги Кoнcтитуциянинг 25-мoддacидa ўлим жaзocи тaқиқлaнди. Ўлим жaзocи тaқиқлaнишининг кoнcтитуциявий дapaжaдa бeлгилaниши инcoнни ҳaётдaн ҳaттo дaвлaт ҳaм мaҳpум этишгa ҳaқли эмacлигини кaфoлaтлaйди.
Бундaн тaшқapи, ҳeч ким қoнунгa acocлaнмaгaн ҳoлдa ҳибcгa ёки қaмoққa oлиниши, ушлaб туpилиши, қaмoқдa caқлaниши ёки унинг oзoдлиги бoшқaчa тapздa чeклaниши мумкин эмacлиги, ҳибcгa ёки қaмoққa oлишгa вa қaмoқдa caқлaшгa фaқaт cуднинг қapopигa кўpa йўл қўйилиши бeлгилaнди. Яъни шaхc эpкинлигини чeклaш билaн бoғлиқ ҳap қaндaй ҳapaкaт фaқaтгинa cуд қapopи acocидa aмaлгa oшиpилиши шapт. Ушбу қoидa тepгoв opгaнлapи тoмoнидaн инcoнлapни нoқoнуний ҳибcгa oлиш, acoccиз қaмoққa oлиш вa caқлaшгa йўл қўймacликкa қapaтилгaндиp. Бу opқaли хaлқapo эътиpoф этилгaн “Хaбeac кopпуc” инcтитутининг қўллaниш кўлaми янaдa кeнгaяди.
Янги тaҳpиpдaги Кoнcтитуция cуд вa ҳуқуқни муҳoфaзa қилувчи opгaнлap фaoлиятини фуқapoлapни жaзoлoвчи ёндaшувдaн инcoн ҳуқуқлapини ҳуpмaт қилувчи вa ҳимoялoвчи, пoймoл қилингaн ҳуқуқлapни тиклoвчи, paғбaтлaнтиpувчи ёндaшувгa ўзгapтиpди.
Шaхcни биpинчи мapтa ушлaш чoғидa унгa тушунapли тилдa ҳуқуқлapи вa ушлaб туpилиши acocлapи тушунтиpилиши шapтлиги, aйблaнувчи
вa cудлaнувчилapгa ўзигa қapши кўpcaтмa бepмacлик (хaлқapo эътиpoф этилгaн “Миpaндa қoидacи”), cукут caқлaш ҳуқуқи бepилди.
Янa биp муҳим нopмa – aгap шaхc ўз aйбини тaн oлгaни унгa қapши ягoнa дaлил бўлca, у aйбдop дeб тoпилиши ёки жaзoгa тopтилиши мумкин эмacлиги кaфoлaтлaнмoқдa. Бу ҳoл жинoят бўйичa ҳaқиқaтни aниқлaш, шунингдeк, aйбcиз инcoнлap жaвoбгapликкa тopтилишининг oлдини oлишгa, aйни пaйтдa, жинoят coдиp этгaн ҳaқиқий aйбдop шaхc ёки шaхcлapни aниқлaшгa хизмaт қилaди.
Юқopидaгилapдaн кўpинaдики янги тaҳpиpдaги Кoнcтитуцияни ҳaқиқaтaн ҳaм хaлқ Кoнcтитуцияcи дeб ҳиcoблaш мумкин. Чунки у oддий
вa ҳaётий, иcбoт тaлaб этмaйдигaн ҳaқиқaтни ўзидa aкc эттиpиши вa шу билaн хaлқимиз иcтaгигa ҳaмдa хopижий дaвлaтлap тaжpибacигa тўлa мoc кeлиши билaн aжpaлиб туpaди.
Янги тaҳpиpдaги Кoнcтитуция янги Ўзбeкиcтoнимизнинг бугунги ҳaёти вa эpтaнги тaқдиpи, cуд-ҳуқуқ иcлoҳoтлapи изчил aмaлгa oшиpилиши вa инcoн ҳуқуқлapи муcтaҳкaм кaфoлaтлaниши учун хизмaт қилaди.
Муcтaқиллигимиз aбaдий бўлcин!
Мирзокаримов Сардор Садирализода – Ўзбекистон Республикаси Президенти ҳузуридаги Қонунчилик ва ҳуқуқий сиёсат институти етакчи илмий ходими.
2023 йилнинг 30 апрель куни умумхалқ референдумида янги таҳрирдаги Ўзбекистон Республикаси Конституцияси қабул қилинди.
Янги таҳрирдаги Конституция – халқимиз ҳаёти ва турмуш тарзини яхшилашга қаратилган ҳамда жамият ривожланишида кенг қамровли янгиланишлар учун зарур деб топилган кўплаб янги қоидалар, институтлар ва принципларни ўзида мустаҳкамлади. Жумладан, хорижда яшаётган ватандошлар билан алоқаларни сақлаб қолиш ҳамда ривожлантириш тамойили мустаҳкамланди.
Янги таҳрирдаги Конституция 23-моддасида «Давлат хорижда яшаётган ватандошлар билан алоқаларни сақлаб қолиш ҳамда ривожлантириш тўғрисида халқаро ҳуқуқ нормаларига мувофиқ ғамхўрлик қилади» деб белгиланиши давлатнинг алоҳида фаолият йўналишига ва тизимига асос солинишини талаб этади. Негаки, давлатнинг бу соҳадаги фаолиятида яхлит тизимни яратиш учун мавжуд ҳуқуқий, иқтисодий, молиявий, институционал воситалар ва механизмлар етарли эмас.
Ушбу қоиданинг Асосий Қонун даражасида мустаҳкамланишини қўйидаги бир қанча ҳаётий омиллар билан асослаш мумкин:
биринчидан, Ўзбекистон 140 дан зиёд давлатлар билан дипломатик алоқалар ўрнатган ҳамда 160 дан ортиқ мамлакатлар билан савдо-сотиқ алоқаларини амалга оширади. Ўзбекистон фуқаролари хорижий давлат фуқаролигига қабул қилиниши кўрсаткичлари ҳам шунга ҳамоҳангдир;
иккинчидан, Ўзбекистон аҳолиси 36 млн кишидан ошган бўлиб, Ўзбекистон йирик миллатли мамлакат, яъни аҳолиси 10 млн.дан – 50 млн.гачани ташкил этади. Аҳолининг сони ўз навбатида ташқи миграция кўрсаткичларига ҳам таъсир этади. Мисол учун, биргина 2022 йилнинг 9 ойида 124,1 минг нафар Ўзбекистон Республикаси фуқаролари таълим олиш мақсадида чет элга чиқиб кетган. Ушбу фуқароларнинг айримлари хорижий давлатларда иш фаолиятини бошлаши, яшаб қолишлари ва ушбу давлат фуқаролигини олишлари мумкин. Шу тарзда хориждаги ватандошлар сони ҳам ортиб боради.
Ватандош деганда Ўзбекистонда туғилган ёки яшаган, ҳозирда хорижда яшаётган ва Ўзбекистонда қариндошларга эга бўлган шахслар (чет эл фуқаролари ёки фуқаролиги бўлмаган шахслар)ни тушунишишимиз мумкин.
Ўзбекистон Республикасида хориждаги фуқаролар ва ватандошларни қўллаб-қувватлаш масаласига давлат даражасида эътибор берила бошланди. Хусусан, Президент тегишли Фармони билан мутахассисларни хорижда тайёрлаш ва ватандошлар билан мулоқот қилиш бўйича «Эл-юрт умиди» жамғармаси ташкил этилди.
Шунингдек, Ўзбекистон РеспубликасинингПрезиденти Ш.М.Мирзиёевнинг тегишли қарорига асосан, «Ватандошлар» жамоат фонди ташкил этилиб, фонднинг асосий мақсадларидан бири сифатида хорижда истиқомат қилаётган ватандошлар билан ҳамкорлик алоқаларини йўлга қўйиш ва ривожлантириш, хорижда мураккаб ҳаётий вазиятга тушиб қолган ватандошларни белгиланган тартибда моддий ва ижтимоий қўллаб-қувватлаш, уларга ахборот жиҳатидан ва ҳуқуқий ёрдам кўрсатиш белгиланди.
Мамлакат Янги таҳрирдаги Конституцияси 23-моддасида «Давлат хорижда яшаётган ватандошлар билан алоқаларни сақлаб қолиш ҳамда ривожлантириш тўғрисида халқаро ҳуқуқ нормаларига мувофиқ ғамхўрлик қилади» деган қоиданинг мустаҳкмланиши бу соҳада янги ҳуқуқий асосларни яратади, хориждаги фуқароларимиз ва ватандошларимизни ҳар жиҳатдан қўллаб-қувватлаш имкониятларини янада кенгайтиришга замин яратади.
Юқоридаги конституциявий норманинг “Ўзбекистон-2030” стратегиясида алоҳида мақсад – “Хорижда истиқомат қилаётган ватандошларни қўллаб-қувватлаш, улар билан доимий мулоқот тизимини жорий этиш” сифатида белгиланиши унинг амалга оширилишининг дастлабки ҳаракатлари сифатида баҳолаш мумкин.
Ушбу мақсадни амалга оширишнинг асосий кўрсаткичлари сифатида қўйидагилар белгиланмоқда:
– ватандошлар томонидан ташкил этилган жамоат бирлашмаларини рағбатлантириш ва уларнинг сонини 300 тага етказиш;
– Ўзбек тили ва адабиёти, тарих, маданият, санъат ва ҳунармандчилик йўналишидаги олийгоҳларда хориждаги ватандошлар учун 200 та грант ажратиш;
– Ватандошлар иштирокида тиббиёт, таълим ва илм-фан соҳаларида 100 та лойиҳани амалга ошириш;
– Ватандошлар жамоат бирлашмаларига етказиб бериладиган бадиий адабиётлар сонини 100 мингтага ошириш.
Шу билан бирга, “Ўзбекистон-2030” стратегиясида хорижда истиқомат қилаётган ватандошларни Ўзбекистон ҳудудида тадбиркорлик, инвестициявий, илмий, маърифий ва маданий фаолият билан шуғулланишга фаол жалб қилиш бўйича Ўзбекистон Республикаси Президентининг қарори лойиҳаси ишлаб чиқилиши ҳам белгиланмоқда. Ушбу қарорда қўйидагилар акс эттирилиши кўрсатилган:
– Мамлакатимизда уй-жой ва кўчмас мулк сотиб олиш, таълим, тиббиёт ва бошқа давлат хизматларидан тенг ҳуқуқлилик асосида фойдаланиш имконини берадиган “Ватандош гувоҳномаси” жорий қилиш;
– Тиббиёт, таълим, қишлоқ хўжалиги ва бошқа соҳалар бўйича тажрибали мутахассислар – хориждаги ватандошлар иштирокида семинар ва мастер-класс машғулотларини ташкил этиш;
– “Ватандошлар” жамоат фонди фаолиятини қўллаб-қувватлаш, имкониятларини кенгайтириш, унинг ҳузурида хориждаги ватандошлардан иборат таркибда турли йўналишлардаги Экспертлар гуруҳларини ташкил этиш.
Ушбу қарор лойиҳасининг ишлаб чиқилиши ва қабул қилиниши соҳада янги ташкилий, институционал ва ҳуқуқий асосларнинг яратилишига хизмат қилади.
Хулоса ўрнида айтиш мумкинки, янги таҳрирдаги Конституцияда мусҳамкаланган ватандошларга оид қоида ўзининг бевосита ҳаётга татбиқ этилишини “Ўзбекистон-2030” стратегиясида кўзатиш мумкин. Бу эса ўз навбатида фуқаролар ва ватандошларимиз билан ўзаро, натижадорликка йўналтирилган янги давлат ҳуқуқий сиёсатининг амалга оширилиши борасида дастлабки тизимли ҳаракатларни бошлашга асос яратади.
Шу билан бирга, юқорида келтирилган чора-тадбирларнинг амалга оширилиши соҳада янги-янги ижтимоий муносабатларни келтириб чиқаради ва шу муносабат юилан ушбу соҳадаги шаклланаётган тизимни тартибга солиш мақсадида «Хорижда яшаётган ватандошлар мақоми тўғрисида»ги Ўзбекистон Республикасининг Қонунини қабул қилиш, ҳамда ушбу қонун билан бу соҳадаги давлат сиёсатининг аниқ йўналишларини, амалий механизмларини, ватандошлар мақоми ва уларга бериладиган қўшимча кафолатларни мустаҳкамлаш мақсадга мувофиқ.
Гумонланувчи бошқа қитъада яшириниб, жиноий фаолият – ноқонуний миграция, хорижий фуқароларни Лотин Америкаси давлатлари орқали АҚШга ўтказиш билан шуғулланган.
Экология, атроф-муҳитни муҳофаза қилиш ва иқлим ўзгариши вазирлигининг Жиззах вилояти бошқармаси томонидан ойлик доирасида 17 минг 327 тоннадан ортиқ маиший чиқинди олиб чиқилиб, махсус полигонларда хавфсизлантирилган. Вилоятда 2022–2026 йилларда чиқинди соҳасини ривожланган мамлакатлардагидек ташкил этиш ва ривожлантиришга алоҳида эътибор қаратилмоқда.
Бу борада Жанубий Кореянинг атроф-муҳит саноати ва технологиялари институти(KEITI) ҳамда Жиззах вилояти ҳокимлиги ўртасида имзоланган қўшма меморандум муҳим аҳамият касб этмоқда. Экология ва атроф муҳит мусаффолигини таъминлаш, ободонлаштириш ишларини янада яхшилаш мақсадида қабул қилинган мазкур ҳужжатга асосан қиймати 6 миллион 600 минг АҚШ доллари миқдоридаги грант ва 90 миллион АҚШ доллари миқдоридаги кредит маблағлари лойиҳаси асосида Жиззах вилоятининг шаҳар ва туманларида қаттиқ маиший чиқиндиларни қайта юклаш кўчма станцияларини яратиш, янги қаттиқ маиший чиқинди полигонларини қуриш ва амалдаги полигонларда замонавий талабларга жавоб берадиган чиқиндихоналарни қайта қуриш ишларини амалга ошириш белгиланган.
Жиззах вилояти экологияси, атроф-муҳитини муҳофаза қилиш учун муҳим аҳамият касб этган ушбу лойиҳанинг амалга оширилиши натижасида вилоятда нафақат чиқиндиларни махсус контейнерлар ёки чиқиндихоналарда туриб қолишининг, балки уларни ўз вақтида юклаш, олиб чиқиб кетиш, хавфсизлантириш ва қайта ишланиши ҳам пешма-пеш ва изчиллик билан амалга оширилиши таъминланади. Энг муҳими янги иш ўринлари яратилиб, вақтинча банд бўлмаган аҳоли доимий иш билан таъминланади.
Манба: ЎзА
«Ҳудудий электр тармоқлари» АЖ Тошкент шаҳар филиали Матбуот хизматининг хабар беригича, бугун, 30 август куни қуйидаги манзилларда электр таъминоти вақтинча ўчирилади:
Миробод тумани: «Ат-Термизий» МФЙнинг айрим кўчаларида соат 10:00 дан 17:00 гача;
Учтепа тумани: «Диёробод» МФЙнинг айрим кўчаларида соат 09:00 дан 17:00 гача.
Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлигини билдириб ўтамиз.
«Ҳудудий электр тармоқлари» АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрайди, дейилади хабарда.
26 августдан бошлаб Ўзбекистонда «Алкоголли ва тамаки маҳсулотларининг тарқалиши ва истеъмолини чеклаш тўғрисида»ги қонун кучга кирди.
Чакана савдо шохобчасида сотилаётган тамаки маҳсулотлари ва никотин истеъмол қилиш мосламалари очиқ ҳолда намойиш этилмайди. Яъни сотувдаги тамаки маҳсулотлари ва никотин истеъмол қилиш мосламалари ўрнига уларнинг номи ва нархи акс эттирилган рўйхат жойлаштирилади.
Бунда харидор талабига кўра, фақат сотиладиган маҳсулот кўрсатилиши мумкин.
Солиқ органлари:
— алкоголь ва тамаки маҳсулотларининг айланиши билан боғлиқ солиқлар ва йиғимларнинг тўғри ҳисоблаб чиқарилиши, тўланиши устидан назорат қилади;
— савдо ва хизмат кўрсатиш объектларида алкоголь ва тамаки маҳсулотлари, тамакини ҳамда никотинни истеъмол қилиш мосламаларини реализация қилиш қоидаларига риоя этилиши устидан назорат қилади. Уларнинг ноқонуний айланмасини олдини олиш чораларини кўради.
Алкоголь ва тамаки маҳсулотларини, тамакини ҳамда никотинни истеъмол қилиш мосламаларини 21 ёшга тўлмаган шахсларга сотиш тақиқланади.
Манба: Халқ сўзи
Бугун республика бўйича баъзи жойларда қисқа муддатли ёмғир ёғади, момақалдироқ бўлиши мумкин. Қорақалпоғистон Республикаси ва Хоразм вилоятида ёғингарчилик кутилмайди. Шамол 7-12 м/с тезликда эсади, баъзи жойларда 15-20 м/с гача кучайиши, айрим жойларда чанг-тўзон билан кузатилиши мумкин. Ҳарорат 25-30° бўлади.
Пойтахтимизда қисқа муддатли ёмғир ёғади, момақалдироқ бўлиши мумкин. Шамол 5-10 м/с тезликда эсади, 12-17 м/с гача кучайиши мумкин. Ҳарорат 26-28° бўлади.
Тоғ олди ва тоғли ҳудудларда баъзи жойларда ёмғир ёғади. Шамол 7-12 м/с тезликда эсади, баъзи жойларда 15-20 м/с гача кучайиши мумкин. Ҳарорат 17-22° бўлади.
Қарорлар билан Ўзбекистон ҳамда Қатар Давлати Ҳукуматлари ўртасида қуйидаги битимлар тасдиқланди:
Мазкур битимлар 2023 йил 6 июнда Самарқанд шаҳрида имзоланган.
Шунга кўра, тегишлича Инвестициялар, саноат ва савдо вазирлиги ҳамда Солиқ қўмитаси халқаро шартномани амалга ошириш учун масъул ваколатли органлар этиб белгиланди.
Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга кирганидан кейин унинг қоидалари амалга оширилиши устидан белгиланган тартибда назоратни таъминлайди.
Тиббиёт тизимидаги ислоҳотлар натижасини одамлар, биринчи навбатда, тез тиббий ва шошилинч ёрдамда бўлган ўзгаришларни кўрганда ҳис қилади. Шу боис юртимизда ушбу ҳаётий муҳим соҳанинг моддий-техник базасини яхшилаш, беморларга халқаро андозаларга мос тез тиббий ёрдам кўрсатиш борасида катта ишлар амалга оширилмоқда.
Жумладан:
бундан 6-7 йил аввал мамлакатимиз тез тиббий ёрдам тизимида 1868 та автомашина бор эди. 2023 йилнинг айни даврига келиб эса «103» хизматида 2960 та автомобиль аҳолига сифатли тез тиббий хизмат кўрсатяпти.
Замонавий реанимобиллар сони 578 тага етди. Махсус автомашиналар парки 60-70 фоизга янгиланди;
2016 йилда мамлакатда 1648 та тез ёрдам бригадаси фаолият юритган бўлса, бугунги кунда уларнинг сони 2762 тани ташкил этмоқда;
«103» хизматига чақирув бўлганда манзилга етиб бориш вақти ўртача 25-30 дақиқадан 8-12 дақиқагача қисқарди;
дори турлари 20 тадан 45 тагача оширилди;
ҳудудларда 39 та туманлараро қўшма шикастланиш ва ўткир қон-томир касалликлари марказлари ташкил этилди. Натижада туман ва шаҳар аҳолисининг вилоят марказларидаги тиббиёт муассасаларига мурожаатлари сони кескин камайди.
Таъкидлаш лозимки, сўнгги йилларда ушбу йўналишни янада ривожлантиришга давлат томонидан катта эътибор қаратилмоқда.
Хусусан, Президентимиз 2022-йил 16 июнда “Аҳолига тез тиббий ёрдам кўрсатиш тизимини такомиллаштириш тўғрисида»ги қарорни имзолади. Унда соҳада тиббий ёрдам кўрсатишни янада яхшилаш бўйича бир қатор муҳим вазифалар белгиланди.
Унга кўра, Республика тез тиббий ёрдам маркази ва унинг 14 та ҳудудий филиали тез тиббий ёрдам хизмати ҳамда тиббий автохўжаликлар негизида ташкил этилди.
Марказнинг ҳудудий филиалларида – ягона “Call-марказ”лар фаолияти йўлга қўйилди.
Тошкент шаҳар, Андижон, Жиззах, Наманган, Самарқанд, Сурхондарё ва Тошкент вилоят филиалларида чақириқлар электрон автоматлаштирилган тизими орқали жорий қилинди. Қолган филиалларда ушбу тизим йўлга қўйилиши давом этмоқда.
“Call-марказ”ларда чақирувларни қабул қилувчи ходимлар билан бирга, шифокор ходимлардан иборат махсус тиббий маслаҳат хизмати фаолияти ташкил этиляпти.
Шунингдек:
Президент қарорида 2022-2025 йиллар давомида махсус автомашиналар паркини янгилаш ишлари белгиланган.
Шу сабабли эксплуатация муддатини ўтаб бўлган, маънан эскирган “Damas” ва бошқа автотранспорт воситаларини “Hуundai”, “Ford”, “Volkswagen” ва “Iveco” каби жзамонавий ва зарур тиббий жиҳозлар билан таъминланган махсус автомобилларга босқичма-босқич алмаштириш кўзда тутилган.
Элмурод Турсунов Қорақалпоғистон Республикаси Адлия вазири этиб тайинланди. Бу ҳақда Адлия вазирлиги матбуот котиби Севара Уринбаева хабар берди.
Элмурод Турсунов1983 йилда Қорақалпоғистон Республикаси, Хўжайли туманида туғилган. Маълумоти олий, 2006 йилда Қорақалпоқ давлат университетини тамомлаган, ҳуқуқшунос.
У ўз меҳнат фаолиятини 2006-2007 йилларда Қорақалпоғистон Республикаси Нукус шаҳар 1-сон давлат нотариал идораси архивариуси лавозимидан бошлаган. 2007-2022 йилларда Қорақалпоғистон Республикаси Адлия вазирлигида турли масъул лавозимларда фаолият юритган.
2022 йилдан ҳозирги вақтга қадар Қорақалпоғистон Республикаси Адлия вазирининг биринчи ўринбосари лавозимида ишлаб келаётган эди.
Кўплаб маданий қадриятларни ўзида мужассам этган, тарих ва маданият деганда ёдга тушадиган бу шаҳар археологик аҳамияти билан бирга бой табиатига ҳам эга. Географик жиҳатдан Теке вилоятининг пойтахти сифатида, маданий жиҳатдан эса, халқ маданияти ва мусиқаси бойлиги билан танилган.
Бурдур Туркиянинг жануби-ғарбий қисмида жойлашган бўлиб, Ўрта Ер денгизи қирғоқ қисми ва Ўнадўлининг ички қисмларини боғлайдиган йўлларнинг чорраҳасидан ўрин эгаллаган. Географик жиҳатдан у Кўл туманининг марваридлари, маданий жиҳатдан бой халқ маданияти ва мусиқаси билан Теке вилоятининг пойтахти сифатида танилган. Бурдур; кўллар, ғорлар, табиат, боғлар ва яйловлар каби табиий гўзалликларни қадимий шаҳарлар, тепаликлар, карвонсаройлар, сарой ва масжидлар каби тарихий ва маданий қадриятлар билан бирлаштирган муҳим жойлашувга эга.
Бурдур тарихи палеолит даврига бориб тақалади ва шаҳар ҳозирги чегаралари билан Испарта ва Анталияни ўз ичига олган қадимги Писидия ҳудудида жойлашган. Минтақанинг энг муҳим қадимий шаҳарларидан бири бўлган ва ЮНEСКО мероси рўйхатига киритилган Сагалассос, шунингдек, Кибйра антик шаҳри, Бурдурга ташрифингиз давомида албатта ташриф буюришингиз керак бўлган икки нуқтадир. Ҳўюжек, Ҳожилар ва Куручай тепаликлари, Кремна, Бубон, Балбоура қадимий шаҳарлари, Сусуз Хон, Инжир Хон, Улу масжиди, Бакибей ва Тош Ода саройи, Табиат тарихи музейи ҳамда Туркиянинг энг бой музейлари Бурдур археология музейи шаҳарнинг хилма-хил маданий ва тарихий қадриятлари сирасига киради.
Туркиянинг Малдив ороллари сифатида танилган Салда кўли, бетакрор фируза оҳанглари ва оқ қумли соҳиллари билан дунёдаги энг кўзни қамаштирувчи кўллардан бири саналади. Шунингдек, Туркияда туризмга очилган биринчи ғор бўлган Инсую ғори Бурдур экскурциясининг энг муҳим табиий тўхташ манзилларидан биридир. Шу билан бирга Бурдур, қишда ўзига хос кўл манзараси билан Салда тоғ-чанғи марказида ўз меҳмонларига чанғи спорти имкониятларини тақдим этади.
Баҳорда Лисиниянинг атиргул боғларида, ёзда Ешилова ва Акчакўйнинг лаванта водийларида яйраб, лаванда ифоридан нафас олар экансиз, ўзингизни эртаклар дунёсига тушиб қолгандек ҳис этасиз. Ёз ойларида жуда кўп ноёб қуш турларига мезбонлик қилувчи Бурдур, тоғлар, тепаликлар, канёнлар ва табиат паркларида, Ярисли, Караташ ва Гўлҳисар кўллари, Япраклı ҳамда Каражаўрен тўғон кўлларида очиқ ҳавода спорт билан шуғулланиш имкониятига ҳам эга. Ёввойи ҳайвонлар реабилитация қилинадиган Лисиниа табиати ёғочдан ясалган қизиқарли архитектураси, лаванда ва ароматик ўсимлик боғлари билан ташриф буюрувчилар хотирасида унутилмас из қолдиради.
Хитой 30 августдан бошлаб хориждан келаётган сайёҳлар учун коронавирус антигенини текшириш талабини бекор қилади. Бу ҳақда Хитой ташқи ишлар вазирлиги расмий вакили Ван Венбин брифинг чоғида маълум қилди.
“2023 йил 30 августдан бошлаб Хитойга келган одамлар ПЦРдан олдинги тестдан ўтишлари ёки COVID-19 антигени тестини ўтказишлари шарт эмас”, — деди Ван Венбин.
Маълум қилинишича, Хитой 2022 йил охирида COVID-19га нисбатан ноль толерантлик сиёсатини тугатди. 15 мартдан Хитой ҳукумати хорижий фуқароларга барча турдаги визалар беришни бошлади. Шанхайга круиз кемаларида визасиз саёҳат қилиш имконияти ҳам яна пайдо бўлди. Апрель ойи охирида Хитой ҳукумати мамлакатга кирувчилар учун COVID-19 учун ПЦР тести натижаларини тақдим этиш талабини бекор қилди. Хитойга келганлар кетишдан олдин 48 соат ичида коронавирус антигени тестини топширишлари кифоя эди.
Бектемир, Мирзо Улуғбек ва Юнусобод туманлари газ таъминоти тизимида таъмирлаш ва созлаш ишлари сабаб бир қатор ҳудудларда газ таъминоти вақтинча тўхтатилади. Бу ҳақда пойтахт ҳокимлиги Матбуот хизмати хабар берди.
Юнусобод туманида 29 август соат 10:00 дан 18:00 гача:
— «Юртобод» МФЙда қисман;
— «Шоштепа» МФЙда қисман;
— «Увайсий» МФЙда қисман.
Мирзо Улуғбек туманида 29 август соат 10:00 дан 18:00 гача:
— Бойтепа кўчаси;
— Худоёр кўчаси.
Бектемир туманида 29 август соат 10:00 дан 18:00 гача:
— Бузовчи кўчаси;
— Туркистон кўчаси;
Бектемир туманида 29 август соат 14:00 дан 17:00 гача:
— Биллур кўчаси;
— Ихлос кўчаси.
Пенсия ва нафақа тўловларини нақд пулсиз (банк карта) шаклда олувчи фуқароларнинг жорий йил сентябрь ойи учун пенсия ва нафақалари 2023 йил 29-31 август кунлари уларнинг банк пластик карталарига ўтказиб берилади.
Нақд пул шаклида пенсия ва нафақа олувчиларга тўловлар 2023 йил 4 сентябрь кун бошидан Халқ банки сайёр кассалари томонидан графикка мувофиқ амалга оширилади.
Владелец сайта - ООО "Media Biznes". Свидетельство № 1038 выдано Узбекским агентством по печати и информации
