Мотоцикл ва скутерда мотошлем тақиш мажбурийми?

Қонунчиликка кўра, мотоцикл, электромотоцикл, мопед, скутер ва кичик ҳажмли мототранспорт воситалари ҳайдовчилари ҳамда йўловчилари махсус мотошлем кийиши ва уни маҳкамлаб олиши шарт.

Ўзбекистон Республикаси Вазирлар Маҳкамасининг қарори, 12.04.2022 йилдаги 172-сон 9-бандининг 2-қисмида «Мотоцикл, электромотоцикл, мопед ва скутерда, шунингдек, кичик ҳажмдаги мототранспорт воситаларида ҳаракатланаётган ҳайдовчи ҳамда йўловчилар махсус мотошлем кийишлари ва уни қадаб олишлари шарт.» — деб такидланади.