- Advertisement -
Ўзгидромет 2026 йил 11–12 октябрь кунлари кутилаётган ёмғирлар сабабли тоғ олди ва тоғли ҳудудларда сел ва сув тошқини хавфи юзага келиши мумкинлигидан огоҳлантирди.
Огоҳлантириш Қашқадарё, Сурхондарё, Самарқанд, Навоий, Жиззах, Тошкент, Наманган, Фарғона ва Андижон вилоятларининг қатор ҳудудларини қамраб олади. Ангрен, Олмалиқ ва Хонобод шаҳарларида ҳам бундай ҳодисалар эҳтимоли бор.
Тоғ олди ва тоғли ҳудудларда яшовчилар, дам олувчилар ҳамда ушбу ҳудудларда ҳаракатланадиган ҳайдовчилардан эҳтиёт чораларини кўриш сўралган.
Айрим жойларда ёмғир сувлари тўпланиб, ҳудудларни сув босиши мумкин.
