- Advertisement -
Сурхондарё вилояти Шўрчи туманида санитария-эпидемиологик осойишталик ва жамоат саломатлиги бўлими бошлиғи 2,1 млн сўм миқдорида пора олаётганда ушланди.
Бош прокуратура ҳузуридаги Департамент маълумотига кўра, бўлим раҳбари тумандаги мактабгача таълим ташкилотларидан бирининг 42 нафар ходимига санитария сертификатларини расмийлаштириб беришни ваъда қилган.
Манфаатдор шахс пулни олаётган вақтида ушланган. Мазкур маблағлар ашёвий далил сифатида олиб қўйилган.
Ҳолат юзасидан Ўзбекистон Жиноят кодексининг 210-моддаси («Пора олиш») билан жиноят иши қўзғатилган. Тергов ҳаракатлари давом этмоқда.
