2026 йилги футбол бўйича жаҳон чемпионати якунларига кўра, мусобақанинг энг яхши футболчиларига топшириладиган шахсий мукофотлар эълон қилинди.
Турнирнинг энг яхши футболчиси сифатида Испания терма жамоаси ярим ҳимоячиси Родри эътироф этилди ва унга «Олтин тўп» соврини топширилди.
«Кумуш тўп» Аргентина терма жамоаси сардори Лионель Мессига насиб этган бўлса, Франция ҳужумчиси Килиан Мбаппе «Бронза тўп» билан тақдирланди.
Турнирнинг энг яхши тўпурари ҳам Килиан Мбаппе бўлди. У жаҳон чемпионати давомида 10 та гол уриб, «Олтин бутса» соҳиби сифатида эътироф этилди. Шу тариқа француз ҳужумчиси футбол тарихида икки жаҳон чемпионатида энг яхши тўпурар бўлган илк футболчига айланди.
Испания терма жамоаси дарвозабони Унаи Симон мусобақанинг энг яхши дарвозабони сифатида «Олтин қўлқоп» мукофотига сазовор бўлди.
Турнирнинг энг яхши ёш футболчиси номинациясида ҳам Испания вакили ғолиб чиқди. Ушбу соврин ҳимоячи Пау Кубарсига топширилди.
Шундай қилиб, 2026 йилги жаҳон чемпионатида Испания нафақат жамоавий муваффақиятга, балки асосий шахсий мукофотларнинг аксариятини қўлга киритди.
