Ўзбекистонда банк карталарини чиқариш ва фойдаланиш тартибига янгиликлар киритилди. Янги қоидалар банк карталарининг турлари ва улардан фойдаланиш имкониятларини кенгайтиради.
Янги банк карта турлари жорий этилади:
Бизнес банк картаси — якка тартибдаги тадбиркор ёки ўзини ўзи банд қилган шахсга карта ҳисобварағидаги пул маблағларини бошқариш имкониятини беради;
Ижтимоий банк картаси — карта ҳисобварағидаги ижтимоий ва бошқа тўловлар орқали келиб тушган пул маблағларини бошқариш имкониятини беради.
Шунингдек, янги қоидалар 14–18 ёшдаги шахслар ўзлари карта очиши мумкинлигини ва 14 ёшдан кичиклар — ота-она ёки қонуний вакилнинг ёзма розилиги билан карта очиши мумкин бўлган тартибини ҳам белгилaди.
Юридик шахслар учун эса корпоратив карталар орқали ичимлик ва оқова сув хизматлари учун тўлаш имконияти яратилди.
