- Advertisement -
22 сентябрь куни Ҳиндистоннинг “IndiGo” авиакомпанияси Деҳли – Тошкент – Деҳли йўналиши бўйича илк парвозини амалга оширди.
Тошкент вақти билан соат 23:09 да бортида 167 йўловчиси билан самолёт пойтахт аэропортига келиб қўнди. Анъанага кўра, самолёт сув аркаси билан тантанали равишда кутиб олинди. Деҳлига учаётган йўловчилар учун тантанали рўйхатдан ўтказиш маросими бўлиб ўтди.
Ҳиндистон авиакомпаниясининг мунтазам парвозлари қулай А-320 самолётларида ҳафтасига тўрт марта — душанба, сешанба, пайшанба ва шанба кунлари амалга оширилади.
