- Advertisement -
Соғлиқни сақлаш вазирлиги Саломатлик ва стратегик ривожланиш институти билан биргаликда 2024 — 2026 йилларда соғлом турмуш тарзини шакллантириш, тўғри овқатланишни тизимли тарғиб қилиш ва оммалаштириш дастурини ишлаб чиқади.
Бу «Соғлиқни сақлаш вазирлиги фаолиятини янада такомиллаштириш чора-тадбирлари тўғрисида«ги Президент фармонида белгиланди.
Ҳужжат ижроси таъминланиши натижасида уяли телефон фойдаланувчиларига касалликлар профилактикаси ва соғлом турмуш тарзи асослари бўйича ҳар куни қисқа хабар (SMS)лар юборилади.
Ҳар йили “Соғлом турмуш тарзи бўйича йилнинг энг яхши тарғиботчиси” танлови ўтказилади.
Бозорлар, самолёт, поезд, автобус, метро, супермаркетлар ва фуқаролар оммавий йиғиладиган бошқа жойларда соғлом турмуш тарзи бўйича роликлар намойиш қилинади.
Радиомаслаҳатлар тақдим қилинади ва буклетлар тарқатилади.
ЎзА
