Тошкентнинг айрим ҳудудларида 5 сентябрь куни электр таъминоти вақтинча тўхтатилади. Бу ҳақда “Ҳудудий электр тармоқлари” АЖ ахборот хизмати xaбар берди.
Унга кўра, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларнинг олдини олиш, куз-қиш мавсумига пухта тайёргарлик кўриш мақсадида эртага, 5 сентябрь куни қуйидаги манзилларда электр таъминоти вақтинча ўчирилади:
Миробод тумани: “Авлоний” МФЙнинг айрим кўчаларида соат 09:00 дан 16:00 гача;
Олмазор тумани: “Хончарбоғ”, “Намуна” ва “Қорасарой” МФЙларининг айрим кўчаларида соат 08:00 дан 17:00 гача.
“Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўраган.
