- Advertisement -
Саудия Арабистони янги ҳижрий йил учун ўта улкан стратегик режани тақдим этди – икки муқаддас масжид ишлари бўйича бошқарма бошлиғи шайх Абдураҳмон ас-Судайс зиёратгоҳлар янги йилда бир миллиард зиёратчини қабул қилишга тайёрлигини маълум қилди.
Ушбу мисли кўрилмаган стратегик режани амалга ошириш учун Саудия Арабистони расмийлари барча технологик инновациялар ва бошқарувнинг энг илғор ёндашувларидан фойдаланиши керак бўлади, деб ёзади GulfNews.
Ас-Судайснинг сўзларига кўра, режа аёллар ва болаларнинг Макка ва Мадинанинг муқаддас жойларида бўлишлари учун шароитларни яхшилашни кўзда тутади.
Эслатиб ўтамиз, 18 июл куни қуёш ботиши билан ҳижрий тақвим бўйича янги 1445 йилнинг биринчи ойи Муҳаррам бошланди.
