- Advertisement -
Москвада жойлашган «Тебурасика» ресторанидаги Чебурашка ва Тимсоҳ Гена суратларидан ноқонуний фойдаланилгани учун «Союзмультфильм» фойдасига саккиз миллион рубль ундирилди. Бу ҳақда РИА НОВОСТИ нашри хабар бермоқда.
Арбитраж суд қарорига асосан ресторан ўз дизайнидаги персонажлар расмларини олиб ташлади ва номини ўзгартирди.
«Суд бизнинг талабларимизни деярли тўлиқ қондирди, биз машҳур анимацион персонаждан ноқонуний фойдаланилаётганлик ҳолатни исботлашга муваффақ бўлдик, «Союзмультфильм» интеллектуал мулк ҳуқуқига риоя этилишини диққат билан кузатиб боради ва ҳар доим ўз ҳуқуқларини тиклаш учун музокараларга киришишга тайёр», — дейди студия ҳуқуқшуноси Антон Стружков.
Эслатиб ўтамиз, суд жараёни 2020 йил декабрь ойида бошланган.
