- Advertisement -
Ўзбекистон Республикаси Ахборот технологиялари ва коммуникацияларини ривожлантириш вазири Шерзод Шерматов Татаристон Республикаси таълим ва фан вазири Илсур Хадиуллин ва «Innopolis» гуруҳи вакиллари билан учрашди.
Музокара доирасида «Innopolis» гуруҳи вакиллари билан ахборот-коммуникация технологиялари, рақамли иқтисодиёт соҳаларида биргаликда лойиҳаларни амалга ошириш, ҳамкорликда кадрлар малакасини ошириш масалалари муҳокама қилинди.
Бундан ташқари, аутсорсинг IT-хизматларни ташкил этиш мақсадида IT Парк билан ўзаро ҳамкорликни кучайтиришга келишилди.
Шунингдек, Татаристон томонни қизиқтирган масалалар юзасидан ҳам қўшимча ахборотлар берилди.
