Яқинда ижтимоий тармоқларда «Nexia» русумли автомашина йўловчиси транспорт воситаси ҳаракатланаётган вақтда тана қисмларини салондан чиқарганлик ҳолати бўйича видеолавҳа тарқалган эди.
ИИВ мазкур ҳолат бўйича муносабат билдирди:
“Ўзбекистон Республикаси МЖтКнинг 138-моддаси 4-қисмига асосан “Транспорт воситаси ҳаракатланаётган вақтда йўловчи томонидан тана қисмларини (қўлдан ташқари) салондан чиқарганлик учун базавий ҳисоблаш миқдорининг бир баравари миқдорида жарима солишга сабаб бўлади. Шундай бўлсада орамизда ана шундай қоидабузарликни содир этаётган йўловчилар учраб турмоқда.
Ушбу видеолавҳа бўйича қоидабузар йўловчи Ш.Ф. га нисбатан Ўзбекистон Республикаси МЖтКнинг 138-моддаси 4-қисмига асосан ЕV-21 20-132065-сонли маъмурий баённома расмийлаштирилиб базавий ҳисоблаш миқдорининг бир баравари миқдорида жарима тайинланди”.
Мана энди ойнадан калласини ҳам чиқармай, “босиб” ўтирадиган бўлди.
