- Advertisement -
Президент Администрацияси раҳбари Саида Мирзиёева янги ташаббуслар ва йирик лойиҳаларни тайёрлашда қўлланилаётган жамоавий «ақлий ҳужум» формати ҳақида маълумот берди.
Администрацияда ўтказилган навбатдаги таҳлилий муҳокамада яқин келажакда амалга ошириладиган муҳим йўналишлар ва йирик лойиҳалар кўриб чиқилди. Саида Мирзиёеванинг таъкидлашича, бундай очиқ форматдаги иш жараёни устувор вазифаларни белгилаш, турли ечимлар орасидан энг самаралисини танлаш ҳамда янги имкониятларни аниқлашга хизмат қилади. Муҳокамалар якуни бўйича аниқ топшириқлар ва асосланган таклифлар шакллантирилиб, давлат раҳбарига тақдим этилиши кўзда тутилган.
