Ўзбекистонда 12 сентябрь куни асосан қуруқ ва кам булутли об-ҳаво сақланиб қолади. Айрим тоғли ҳудудларда қисқа муддатли ёмғир ёғиши ва момақалдироқ бўлиши мумкин.
Тошкентда ёғингарчилик кутилмайди. Кечаси ҳаво ҳарорати 16–18 даража, кундузи эса 28–30 даража бўлади. Шарқий йўналишдан сониясига 5–10 метр тезликда шамол эсади.
Қорақалпоғистон Республикаси ва Хоразм вилоятида кечаси 8–13 даража, кундузи 23–28 даража бўлиши кутилмоқда.
Бухоро ва Навоий вилоятларида кундузи ҳарорат 25–30 даражага кўтарилади. Айрим жойларда шамол тезлиги 13–18 метргача кучайиши, баъзи ҳудудларда чангли позёмка кузатилиши мумкин.
Тошкент, Самарқанд, Жиззах ва Сирдарё вилоятларида кундузи 25–30 даража илиқ бўлади.
Энг илиқ об-ҳаво Қашқадарё ва Сурхондарё вилоятларида кузатилади. Бу ҳудудларда кундузи ҳарорат 30–35 даражага етади.
Андижон, Наманган ва Фарғона вилоятларида кундузи 27–32 даража бўлиши прогноз қилинмоқда.
Республиканинг тоғли ҳудудларида айрим жойларда қисқа муддатли ёмғир ёғиб, момақалдироқ бўлиши мумкин. Кечаси ҳаво ҳарорати 10–15 даража, кундузи эса 18–23 даражани ташкил этади.
