Рақобат қўмитаси томонидан 2026 йилнинг биринчи ярим йиллиги давомида реклама бозорини тартибга солиш соҳасида амалга оширилган ишлар юзасидан брифинг ўтказилди.
Ҳисобот даврида рекламалар бўйича 13 минг 500 дан ортиқ ўрганиш ўтказилиб, қарийб 6 мингта қонунбузилиш ҳолати аниқланиб, қимор ва таваккалчиликка асосланган ўйинларни тарғиб қилувчи 50 дан ортиқ веб-сайт блокланди.
Шунингдек, ОАВ, Telegram гуруҳ ва каналлари, «.uz» доменида рўйхатдан ўтган веб-сайтлар маъмурлари ҳамда реклама агентликларига, шунингдек, реклама берувчилар, тайёрловчилар, тарқатувчилар ва буюртмачиларга қонунчилик талабларига риоя этилишини таъминлаш ва қонунбузилишларнинг олдини олиш мақсадида турли соҳа ва йўналишлар бўйича 10 мингга яқин огоҳлантириш ва сўровлар юборилган.
