- Advertisement -
Ўзбекистон Республикаси Президенти Шавкат Мирзиёев номига Америка Қўшма Штатлари Президенти Дональд Трампдан расмий мактуб келиб тушди.
Унда Америка етакчиси давлатимиз раҳбарининг жорий йил февраль ойида бўлиб ўтган Тинчлик кенгашининг илк йиғилишидаги иштирокини юқори баҳолаган.
Мактубда, шунингдек, Президент Шавкат Мирзиёев раҳбарлигида Ўзбекистонда амалга оширилаётган ислоҳотлар ва эришилаётган натижалар алоҳида қайд этилган. Америка томони Ўзбекистонга ташриф билан келиш таклифи учун миннатдорлик билдирган.
Ўз навбатида, Дональд Трамп Ўзбекистон Президентини Тинчлик кенгашининг навбатдаги йиғилишига, шунингдек, Майами шаҳрида ўтказилиши режалаштирилган G20 саммитига таклиф этган.
