Дональд Трамп АҚШ Мудофаа вазирлиги — Пентагонга Эроннинг электр станциялари ва энергетика инфратузилмасига зарбаларни беш кун муддатга тўхтатишни топширди. Бу ҳақда у ўзининг Truth Social ижтимоий тармоғида маълум қилди.
Америка раҳбарига кўра, мазкур қарор АҚШ ва Иран ўртасида икки кундан бери давом этаётган ва Яқин Шарқдаги можарони тўлиқ ҳал этишга қаратилган «жуда яхши ва самарали музокаралар» фонида қабул қилинган.
«Ушбу чуқур ва конструктив музокараларнинг мазмуни ва руҳидан келиб чиқиб, мен ҳар қандай ҳарбий зарбаларни беш кунга кечиктиришни буюрдим — агар жорий муҳокамалар муваффақиятли якунланса», — деди Трамп.
Айни пайтда Эрон томони музокаралар ўтказилаётганини инкор этди. Масуд Пезешкиан мамлакат Ташқи ишлар вазирлиги баёнотига таяниб, Теҳрон ва Вашингтон ўртасида ҳеч қандай алоқалар олиб борилмаётганини билдирди.
Эрон ташқи сиёсат идораси Трамп баёнотларини энергия ресурслари нархларига таъсир ўтказиш ва эҳтимолий ҳарбий режалар учун вақт ютишга қаратилган бўлиши мумкин, деб ҳисобламоқда.
Қарама-қарши баёнотлар фонида можаро атрофидаги вазият ҳали ҳам таранглигича қолмоқда.
