Ўзбекистон 13 та медални қўлга киритди: эшкак эшиш бўйича Осиё чемпионатида муваффақиятли иштирок

Эшкак эшиш слаломи бўйича Ўзбекистон терма жамоаси ўсмирлар (U18) ва ёшлар (U23) ўртасидаги Осиё чемпионати, шунингдек, халқаро рейтинг турнири — ICF World Ranking мусобақасида муваффақиятли иштирок этди.

Мусобақалар 2–8 март кунлари Таиландда бўлиб ўтди ва унда минтақанинг энг кучли ёш спортчилари қатнашди.

Турнир якунларига кўра, Ўзбекистон вакиллари жами 13 та медаль қўлга киритди: 5 та олтин, 4 та кумуш ва 4 та бронза.

Муваффақиятли иштирок ўзбек спортчиларига халқаро майдондаги мавқеини мустаҳкамлаш ва муҳим рейтинг очколарини жамғариш имконини берди.