Бош прокуратура йўл-патруль хизмати ходимига транспорт воситаси билан уриш ҳолати бўйича терговнинг янги тафсилотларини очиқлади. Тергов версиясига кўра, 2010 йилда туғилган вояга етмаган шахс автомойка ҳудудидан BMW автомобилини олиб қочган, шундан сўнг инспекторни уриб юборган ва ҳаракатни давом эттириб, воқеа жойидан яширинишга уринган.
Дастлаб ўсмирга йўл ҳаракати қоидаларини бузиш айби қўйилган эди, аммо ҳозир ишнинг ҳуқуқий малакалантирилиши ўзгартирилди. Унга қуйидагилар айб сифатида қўйилмоқда:
▪️ қасддан оғир тан жароҳати етказиш, ўлимга сабаб бўлган (ЖК 104-модда 3-қисм «д» банди) — жазо 8 йилдан 12 йилгача озодликдан маҳрум этишни назарда тутади;
▪️ талон-торож қилиш мақсадисиз транспорт воситасини қонунга хилоф равишда эгаллаш (ЖК 267-модда 1-қисм).
