- Advertisement -
КМПнинг IX сезди Ким Чен Инни партия Бош котиби лавозимига қайта сайлаш ҳақидаги «ҳурматли таклиф»ни тўлиқ қўллаб‑қувватлаб, маъқуллади. Бу ўтган беш йиллик кураш давомида амалга оширилган «давр аҳамиятига эга ўзгаришлар» ва «улкан ютуқлар»га берилган сиёсий баҳо сифатида таъкидланди. Ким Чен Иннинг «муқаддас исми», ЦТАКнинг таъкидлашича, «ғалабага етакловчи байроқ» бўлиб, КХДР халқи иродаси ва танловини акс эттиради.
Сездда Шимолий Корея раҳбари «энг улуғ сиёсатчи» сифатида таърифланди. У «бетакрор ғоявий‑назарий донолиги, ноёб раҳбарлик салоҳияти ва олийжаноб халқона фазилатлари» билан партия ва КХДР халқини ягона ғалаба йўлидан бошлаб бораётгани айтилди. Унинг мамлакат, инқилоб, «давр ва тарих» олдидаги хизматлари алоҳида қайд этилди.
