Ўзбек профессионал боксчиси Бектемир Мелиқўзиев 21 феврал куни АҚШнинг Лас‑Вегас шаҳрида бўлиб ўтган The Ring бокс кечасида ганалик спортчи Сена Агбеко устидан досрочна ғалаба қозонди.
29 ёшли Мелиқўзиев (17–1, 11 КО), WBA рейтингининг супер ўрта вазн тоифасида иккинчи ўринда турган боксчи, жангнинг дастлабки раундлариданоқ вазиятни тўлиқ назорат қилди. Унинг рақиби — 34 ёшли Агбеко (29–5, 23 КО) — ўзбекистонлик боксчи босимига қарамай, жасорат ва чидамлилик кўрсатди.
Жанг давомида бир неча бор бошлар тўқнашиб кетгани боис Мелиқўзиевнинг юзида жароҳатлар очилди. Шунга қарамай, у еттинчи раундда рақибнинг қаршилигини синдирди: кучли зарбалар серияси Агбекони нокдаунга юборди. Яна бир самарали ҳужумдан сўнг рефери поединкани тўхтатишга мажбур бўлиб, техник нокаутни эълон қилди.
Мелиқўзиев WBA Continental Americas камарини муваффақиятли ҳимоя қилди ва жаҳон рейтингидаги мавқеини янада мустаҳкамлади. WBA маълумотларига кўра, у супер ўрта вазндаги расмий даъвогар ҳисобланади.
Жангдан сўнгги интервьюда боксчи WBA амалдаги чемпиони Хосе Армандо Ресендис яқин вақт ичида камарни ҳимоя қилишини айтди. Мелиқўзиевнинг таъкидлашича, унга ушбу жанг ғолиби билан тўқнашиш ваъда қилинган.
Лас‑Вегасдаги ғалаба ўзбек боксчисини чемпионлик жангига ва титул имкониятига янада яқинлаштирди.
