- Advertisement -
20 февраль куни Ўзбекистон ташқи ишлар вазирининг биринчи ўринбосари Баҳромжон Аълоев Бангладешнинг Ўзбекистондаги Фавқулодда ва Мухтор элчиси Мохаммад Монирул Ислом билан учрашув ўтказди.
Суҳбат давомида томонлар ўзбек-бангладеш ҳамкорлигини савдо-иқтисодий, инвестициявий, маданий-гуманитар ва туризм соҳаларида ривожлантиришнинг долзарб масалаларини муҳокама қилдилар.
Томонлар турли даражалардаги ўзаро ташрифларга тайёргарлик кўриш, сиёсий маслаҳатлашувларнинг навбатдаги раундини ўтказиш, шунингдек Иқтисодий, саноат ва илмий-техникавий ҳамкорлик бўйича Ҳукуматлараро комиссия йиғилишини ташкил этиш масалаларига алоҳида эътибор қаратдилар.
