Кўқон шаҳри Фарғона вилоятида кўп қаватли уйда содир бўлган портлаш натижасида бир киши ҳалок бўлди, яна уч нафар жабрланди. Фожиа 16 феврал куни кечки пайт содир бўлди.
Вилоят Фавқулодда вазиятлар бошқармаси матбуот хизматининг маълумотига кўра, ҳодисага газ-ҳаво аралашмасининг портлаши сабаб бўлган. Фавқулодда вазиятлар хизматига ЧП ҳақидаги хабар 112 рақами орқали 21:18 да келиб тушган. Қутқарув бўлинмалари беш дақиқа ичида ҳодиса жойига етиб борган.
Ёнғин 21:25 да локаллаштирилган, 21:32 да эса тўлиқ ўчирилган.
Портлаш натижасида тўрт киши турли даражадаги куйиш жароҳатларини олган ва шифохонага етказилган. Кўрсатилган тиббий ёрдамга қарамай, жабрланувчилардан бири вафот этган.
Ёнғин туфайли уйдаги маиший буюмлар ёниб кетган, шунингдек бино томи қисман вайрон бўлган. Ҳозирда мутасаддилар ҳодисанинг аниқ сабабларини ўрганмоқда.
