- Advertisement -
Техник тартибга солиш тизимини модернизация қилиш доирасида “CUz” миллий мувофиқлик белгисини жорий этиш режалаштирилмоқда. Янги белги маҳсулотлар сифат ва хавфсизлик талабларига жавоб беришини тасдиқловчи ягона миллий кўрсаткич сифатида хизмат қилади.
Шу билан бирга, синов лабораториялари фаолиятини рақамлаштириш, аккредитация органи мустақиллигини кучайтириш ва метрология тизимини ислоҳ қилиш вазифалари белгиланди. Ушбу чоралар сертификатлаш жараёнини соддалаштириш ва бозорда ишончлиликни оширишга хизмат қилади.
