12 февраль куни соат 13:00 дан бошлаб халқаро аҳамиятга эга А-373 автомобиль йўлининг Қамчиқ довони орқали ўтувчи қисмида барча турдаги транспорт воситалари ҳаракати чекланди. ФВВ маълумотига кўра, қарор тоғли ҳудудларда кучли қор ёғиши туфайли ҳайдовчи ва йўловчилар хавфсизлигини таъминлаш мақсадида қабул қилинган.
Хавфли участкаларда мутасадди идора мутахассислари иш олиб бормоқда: қор массаларини профилактик тушириш ҳамда тоғ ёнбағирлари ҳолатини доимий назорат қилиш ишлари амалга оширилмоқда. Йўл қатнови фақатгина йўлнинг тўлиқ хавфсизлиги тасдиқлангандан сўнг қайта тикланади.
Фарғона водийсига йўл олаётган ёки у ердан қайтмоқчи бўлган ҳайдовчиларга вақтинча ўз йўналишларини қайта кўриб чиқиш, темир йўл транспортидан фойдаланиш ёки трасса очилгани ҳақидаги расмий хабарни кутиш тавсия этилмоқда.
