- Advertisement -
Ижтимоий тармоқларда фуқароларнинг шаъни ва қадр-қимматини камситиш, ҳақорат қилиш ва уятли сўзлар билан сўкиш каби майда безорилик ҳолатлари учун маъмурий жавобгарлик белгиланиши мумкин.
Қонун лойиҳасига кўра, “лайк” тўплаш, обуначилар сонини кўпайтириш ёки турли контент орқали эътибор қозониш мақсадида ҳуқуқбузарлик содир этиш ҳамда уни интернет тармоқларида тарқатиш орқали қонун-қоидаларни менсимасликни тарғиб қилиш ҳам маъмурий жаримага сабаб бўлади.
Мазкур таклиф Олий Мажлис Қонунчилик палатасидаги сиёсий партиялар фракцияларининг йиғилишида биринчи ўқишда муҳокама қилинди. Қонун лойиҳаси ижтимоий тармоқларда масъулиятни ошириш ва онлайн майдонда ҳуқуқбузарликларни камайтиришни мақсад қилган.
