Ўзгидромет маълумотларига кўра, 29 январ соат 20:00 дан 30 январ соат 20:00 гача Ўзбекистон ҳудудида об-ҳаво асосан ўзгарувчан бўлади.
Тошкент шаҳрида ёғингарчилик кутилмайди, кечга томон қисқа муддатли ёмғир ёғиши мумкин. Туман тушиши эҳтимоли бор. Ҳарорат кечаси 3–5 даража совуқ, кундузи 3–5 даража илиқ бўлади.
Қорақалпоғистон Республикаси ва Хоразм вилоятида ёғингарчилик кутилмайди, айрим жойларда туман тушиши ва йўлларда яхмалак кузатилиши мумкин. Кечаси ҳарорат 5–10 даража совуқ, айрим ҳудудларда 15 даражагача пасаяди.
Бухоро ва Навоий вилоятларида, шунингдек Тошкент, Сирдарё, Жиззах ва Самарқанд вилоятларида баъзи жойларда ёмғир, туман ва йўлларда яхмалак кузатилиши мумкин. Кундузги ҳарорат 2–7 даража илиқ атрофида бўлади.
Қашқадарё ва Сурхондарё вилоятларида ҳаво нисбатан илиқроқ бўлиб, кундузи 5–10 даража илиқ бўлиши кутилмоқда.
Андижон, Наманган ва Фарғона вилоятларида ёғингарчилик кутилмайди, айрим ҳудудларда туман тушиши мумкин.
Республика тоғли ҳудудларида баъзи жойларда қор ёғиши, туман ва йўлларда яхмалак кузатилиши эҳтимоли бор. 29–30 январ кунлари тоғли ҳудудларда қор кўчиши хавфи мавжуд.
