- Advertisement -
Ўзбекистон Республикаси Президенти Цюрих халқаро аэропортида расмий тарзда кутиб олинди. Давлат раҳбарини Бирлашган савдо-саноат палатаси раҳбари Дорит Пробст қарши олди.
Ташриф дастурига мувофиқ, 22 январь куни Давос шаҳрида Ўзбекистон Президентининг қатор халқаро тадбирларда иштироки режалаштирилган. Хусусан, АҚШ Президенти Дональд Трамп ташаббуси билан ташкил этилаётган Тинчлик кенгаши Уставини имзолаш маросимида иштирок этиш кўзда тутилган.
Шунингдек, ташриф доирасида Ўзбекистон раҳбарининг хорижий давлатлар ва халқаро тузилмалар вакиллари билан бир қатор икки томонлама учрашувлар ўтказиши режалаштирилган. Тадбирлар халқаро ҳамкорликни кенгайтириш ва ўзаро манфаатли алоқаларни мустаҳкамлашга қаратилган.
