АҚШ Мудофаа вазирлиги L3Harris Technologies компаниясининг ракета двигателлари ишлаб чиқариш йўналишига 1 миллиард доллар миқдорида инвестиция киритишни режалаштирмоқда. Бу қарор турли ракета тизимлари, жумладан Tomahawk қанотли ракеталари ва Patriot ҳаво мудофаа тизимлари учун муҳим ҳисобланган қаттиқ ёқилғили ракета двигателларини барқарор етказиб беришни таъминлашга қаратилган.
Reuters нашоиёти хабар кўра, мазкур келишув АҚШ ҳукуматининг стратегик аҳамиятга эга саноат тармоқларига тўғридан-тўғри сармоя киритиш амалиётини кенгайтиришдаги навбатдаги қадами ҳисобланади. Илгари бундай инвестициялар чип ишлаб чиқарувчи Intel компанияси ва муҳим минерал ресурслар ишлаб чиқарувчи компанияларга йўналтирилган эди.
Пентагон вакили Майкл Даффининг таъкидлашича, ушбу инвестиция қурол-яроғ таъминоти занжирини мустаҳкамлаш ва мудофаа саноатининг барқарор ишлашини таъминлашга хизмат қилади. Янги ёндашув доирасида муҳим етказиб берувчилар билан тўғридан-тўғри ҳамкорлик қилиш орқали саноат базасини кучайтириш кўзда тутилган.
L3Harris компанияси маълум қилишича, ракета двигателлари ишлаб чиқариш бўлинмаси алоҳида компания сифатида ажратилади ва 2026 йилда оммавий акциялар жойлаштирилиши (IPO) режалаштирилмоқда. Пентагон томонидан киритилаётган 1 миллиард долларлик конвертация қилинадиган қимматли қоғозлар янги компания биржада жойлаштирилганидан сўнг оддий акцияларга айлантирилади.
Компания раҳбари Крис Кубасик янги ракета бизнеси йиллик ўсиш суръатлари ўртача 15–18 фоиз атрофида бўлишини кутилмоқда. Ушбу бўлинма Patriot, THAAD, Tomahawk ва Standard Missile тизимлари учун ракета қўзғатувчи тизимлар ишлаб чиқаради.
Пентагоннинг мудофаа пудратчисига бевосита сармоя киритиши рақобат муҳити ва манфаатлар тўқнашуви масалалари бўйича муҳокамаларга сабаб бўлиши мумкин. Чунки давлат айни пайтда ҳам тендерлар ўтказувчи буюртмачи, ҳам компания улушдори сифатида иштирок этади. Шу билан бирга, Пентагон бу инвестиция харид жараёнларига таъсир кўрсатмаслигини, барча тендерлар очиқ ва рақобатли асосда ўтказилишини маълум қилди. Идоранинг таъкидлашича, қайси ракета тизимида қайси двигател қўлланилиши бўйича қарорлар инвестицияга боғланмайди.
Ушбу келишув АҚШ мудофаа саноатида сўнгги ўн йилликларда кузатилган консолидация жараёнларидан кейин рақобатни қайта жонлантириш ва ишлаб чиқариш ҳажмларини тезкор оширишга қаратилган стратегик қадам сифатида баҳоланмоқда деб таъкидланди.
