Ўзбекистонда 15 январдан бошлаб антибиотикларни антибиотиклар фақат рецепт бўйича сотиш тартиби жорий этилади. Эндиликда антибиотиклар, синтетик антибактериал препаратлар, шунингдек, тизимли таъсирга эга гормонал препаратларни дорихоналардан фақат шифокор кўрсатмаси бўйича харид қилиш мумкин бўлади.
Тегишли тизим мамлакатда 12 декабрда ишга туширилган эди, бироқ уч кундан сўнг Соғлиқни сақлаш вазирлиги унинг фаолиятини вақтинча тўхтатди. Бунга аҳоли ва тиббиёт ходимларининг кўплаб шикоятлари ва норозиликлари сабаб бўлиб, улар тизимнинг етарли даражада тайёр эмаслиги ва беморлар учун юзага келиши мумкин бўлган қийинчиликларни кўрсатди.
Рецептларни назорат қилиш ва ҳисобга олиш механизми такомиллаштирилгандан сўнг, ҳокимият янгиликни қайтаришга қарор қилди. Қайд этилишича, чора антибиотикларни назоратсиз қўллашнинг олдини олиш, дориларга чидамлилик ривожланиш хавфини камайтириш ва даволаш сифатини оширишга қаратилган.
Фуқароларга рецепт олиш учун шифокорларга олдиндан мурожаат қилиш ва ўзбошимчалик билан даволанмаслик тавсия этилади.
