Уй сотиб олишда “Объект қонунийми?” деган савол кўпчиликни ўйлантиради. Бундай вазиятда тўғри маълумотни текшириш жуда муҳим ва қурилиш ва уй-жой коммунал хўжалиги матбуот хизмати ушбу масалада ойдинлик киритиш мақсадида расмий хабар берди. Уй харид қилишда ушбу қоидаларга амал қилиш хавфсизлик ва ишонч учун жуда муҳим орин эгалайди.
Ҳар бир қурилаётган объект олдида QR-кодли паспорт бўлиши шарт. Бу паспортда қурилишга тааллуқли барча шаҳарсозлик ҳужжатлари жойлашади. QR-код орқали район ёки шаҳар қурилиш бўлимининг рухсатномаси, реконструкция ҳужжатлари ва “E-auksion” электрон савдолари натижалари кўринади. QR-код скан қилинганда архитектура-режалаштириш топшириғи ва лойиҳа-смета ҳужжатлари келишилгани ҳақида хулоса ҳам чиқиши керак.
Шаҳарсозлик ҳужжатларининг экспертиза хулосаси ва қурилишни бошлаш учун объект рўйхатдан ўтгани ҳақидаги маълумот билан ҳам танишиб чиқиш зарур, деб айтилади хабарда. Қурилиш жойлашуви, лойиҳа жараёни, тасдиқланган ҳужжатлар, инспекциядан ўтган сана, қурилиш муддати ва барча ҳамкор ташкилотлар ҳақидаги маълумотлар паспортда бўлиши талаб қилинади.
Объект қонунийлигини текширишнинг яна бир қулай усули — dshk.shaffofqurilish.uz платформаси орқали. Харитадан объектни излаб, унинг рўйхатда бор-йўқлигини қўриш мумкин. Агар объект чиқмаса, қурилиш қонуний амалга оширилмаётган бўлиши эҳтимолдан ҳоли эмас.
