“Ўзсувтаъминот” АЖ расмий маълумотига кўра, Ўзбекистон ҳудудида айрим турдаги сув ҳисоблагичларидан фойдаланиш амалдаги стандартларга жавоб бермагани сабабли тўхтатилди.
Маълум қилинишича, “Novator LK” туридаги ҳисоблагичлар 2018 йилда амал қилган GOST 6019-83 давлатлараро стандарти талабларига мувофиқ синовлардан ўтган ва 02.3644-18-сон билан давлат реестрига киритилган эди. Бироқ ушбу ҳисоблагич учун берилган сертификат 2023-йил 30-августда ўз кучини йўқотган. Шу боис, бу турдаги ускуналар ҳозир амалда эмас.
Шунингдек, “EKO NOM” туридаги ҳисоблагичлар 2016-йил 30-июнда 02.3251-16-сон билан реестрга киритилган. Улар учун берилган сертификат 2020-йил 10-июлда ( “EKO NOM SV” туридаги ҳисоблагичлар учун 2024-йил 29-ноябргача) амал қилиш муддати тугаган. Бу ҳисоблагичлар амалдаги OʻzMSt ISO 4064-1:2024 миллий стандарти талабларига мувофиқ қайта синовдан ўтказилмаган.
Ўзбекистон ҳудудида фойдаланишга рухсат этилган сув ҳисоблагичларининг тўлиқ рўйхати мавжуд.
