Ўзбекистон Республикаси Мактабгача ва мактаб таълими вазирининг
2024-йил 1-августдаги 238-сонли буйруғи 12-иловасига асосан мактабга педагог ходимларни ишга қабул қилишда қуйидаги мезонларга риоя қилиш лозим: Бошланғич синф ўқитувчиси лавозимига — бошланғич таълим ихтисослиги бўйича камида ўрта махсус педагогик маълумот ёки камида бакалавр даражасидаги олий маълумот ва бошланғич таълим ихтисослиги бўйича дарс бериш ҳуқуқи билан касбий қайта тайёрлов курсини тугатган мутахассислар; Фан ўқитувчиси лавозимига — фан йўналишига тўғри келувчи камида бакалавр даражасидаги олий педагогик маълумот ёки камида бакалавр даражасидаги олий маълумот ва фан йўналишига тўғри келувчи педагогик фаолият юритиш ҳуқуқи билан қайта тайёрлов курсини тугатган мутахассислар. Мана шу қоидага кўра фан ўқитувчи шу фан бўйича тугалланган олий педагогик маълумот ёки олий маълумот + фан бўйича қайта тайёрловдан ўтган бўлиши керак.
Айнан шу қоидага кўра география фани ўқитувчиси қайта тайёрловдан ўтмасдан туриб, иқтисодиёт фанидан дарс бера олмайди.
Мирзо Улуғбек тумани юридик хизмат кўрсатиш марказ бош юристконсулти Зулфиқоров Шоҳимардон
