- Advertisement -
31 октябрь куни Тошкент шаҳар Юнусобод туманида Nexia-3 автомашинаси ёниб кетгани акс этган видео ижтимоий тармоқларга сиздирилди. Ушбу ҳолат юзасидан Тошкент шаҳар ИИББ ЙҲХБ Матбуот хизмати маълумот берди.
Жорий йилнинг 31 октябрь куни соат 21:50 атрофида Юнусобод тумани Аҳмад Дониш кўчасида Nexia-3 ҳайдовчиси 2004 йилда туғилган А.А. руль бошқарувини йўқотиб, бетон тўсиққа бориб урилиши натижасида йўл-транспорт ҳодисаси содир этган.
Ушбу ЙТҲ натижасида автомашинада ёнғин юзага келиб чиққан. Ёнғин туман ФВБ ходимлари томонидан бартараф этилган. ЙТҲ натижасида тан жароҳат олганлар бўлмаган.
Мазкур ҳодиса юзасидан ЙҲХБ ҳамда ФВБ ходимлари томонидан суриштирув ҳаракатлари олиб борилмоқда.
