Ўзбекистон ва Қирғиз Республикалари Президентларининг жорий йил 18-19 июль кунлари Ўзбекистонда бўлиб ўтган учрашувда икки давлат чегарасида жойлашган чегара божхона постларидан самарали фойдаланиш масалалари ҳам кўриб чиқилган эди.
Шундан сўнг, Ўзбекистон ва Қирғиз Республикалари божхона ҳамда чегара хизмати раҳбарлари Фарғона вилоятидаги мавжуд божхона постларини кўздан кечирдилар. Бу ҳақда Фарғона вилояти Божхона бошқармаси хабар қилди. Янги божхона постларини ташкил этиш ва мавжудларидан самарали фойдаланиш, божхона постларидаги тирбандликларни олдини олиш борасида олиб борилган музокаралар натижасида жорий йилнинг 26 июль кунидан бошлаб Фарғона вилояти божхона бошқармасининг “Фарғона” чегара божхона пости ҳамда Шохимардонга кириш қисмида жойлашган “Оқ-қия” божхона пункти туну кун ишлаш режимига ўтказилди.
Эндиликда Шохимардонга дам олгани бораётган фуқаролар мазкур божхона пости орқали исталган вақтда ҳаракатланиш имкониятига эга бўлдилар.
МАНБА: DARAKCHI.UZ
