Ижтимоий тармоқларда электр энергияси учун тўловларда ҳисобга икки баробар пул ҳисобланаётгани тўғрисида хабар тарқалмоқда. Ҳолат юзасидан «Ҳудудий электр тармоқлари» АЖ муносабат билдирди.
Унга кўра, айни пайтда тўлов тизимлари билан боғлиқ техник носозлик кузатилганлиги сабаб, тўлов амалга оширилганда истеъмолчи балансида тўлов қолдиғи кўпроқ кўрсатиши кузатилмоқда. Бироқ биллинг тизими орқали электр энергияси учун тўловлар хатоликсиз қабул қилинмоқда ҳамда баланс қолдиқлари тўғри шакллантирилмоқда.
«Тез фурсатларда носозликлар бартараф этилишини маълум қиламиз.
Истеъмолчилардан электр энергияси ҳисоби кўрсаткичлари тўғрисида аниқ ва тўғри маълумотларни «Ҳудудий электр тармоқлари» АЖнинг расмий веб-сайтидаги «Шахсий кабинет» орқали олишларини тавсия қиламиз», дейилади муносабатда.
