Фуқаролик ишлари бўйича Мирзо Улуғбек туманлараро судининг қарорига асосан қарздор акциядорлик тижорат банкидан ундирувчи О.Б. фойдасига жами 635 млн. 479 минг сўм мажбурий бўш юрган кунлари учун иш ҳақи ҳамда 50 млн. сўм маънавий зарар жами бўлиб 685 млн. 479 минг сўм ундириш белгиланган.
МИБнинг ушбу туман бўлими томонидан ҳолат бўйича Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонунининг 23-моддасига асосан ижро иши юритиш қўзғатилган.
Олиб борилган ижро ҳаракатлари давомида қарздорнинг номига расмийлаштирилган моддий қийматликлар ўрганилиб, қарздорга ижро иши юзасидан ҳуқуқ ва мажбуриятлари тўлиқ тушунтирилган.
Натижада фуқаро фойдасига ундирилиши лозим бўлган жами иш ҳақи ва маънавий зарар ундирилиб берилган.
