Ижтимоий тармоқларда Тошкентдаги иккита мактабда ярим тунда кесиб кетилган 85 туп дарахт ҳақида хабарлар тарқалди.
Тошкент шаҳар мактабгача ва мактаб таълими бошқармасининг маълум қилишича, ҳолат Шайхонтоҳур туманидаги 42- ҳамда Яккасарой туманидаги 48- мактабларида содир бўлган. Айни пайтда ушбу мактабларда қўшимча ўқув бинолари қурилмоқда.
Шу муносабат билан Тошкент шаҳар Экология, атроф-муҳитни муҳофаза қилиш ва иқлим ўзгариши бошқармасидан тақдим этилган хулосага кўра, Шайхонтоҳур туманидаги 42-мактаб ҳудудидаги 38 туп дарахт кесилмасдан ва ҳеч қандай зарар етказилмасдан бошқа жойга кўчириладиган бўлган.
Бошқарма расмий баёнотида ижтимоий тармоқларда тарқалган гап-сўзлар асоссиз эканлиги қайд этилган. Вазирлар Маҳкамасининг 2022 йил 22 августдаги 464-сонли Қарорига асосан барча агротехник қоидаларга риоя қилган ҳолатда дарахтлар бошқа жойга кўчирилиши маълум қилинган.
